فصلية الشيخ فهد🔞

بارت الـ6...

يمته اشوفك حتى افك حزني اعله أديك
وحتى ألملم ذكرياتي وخاطر اتعنه واجيك
الكاتلتني ليش ظلت نفسي بيك.

........................................

دائماً اليتعذب ميريد يرجع لعذابة من جديد لو للموت، حتى لترجعله مخاوفة ويتعذب اكثر هذا جان احساسي من سمعت صوت معذبي،راحت خاله نعيمه

اسمعها تصيح وتحجي

نعيمه:- خاايب هيوووو ياهووو جاي هداده بعلي جيله براسه انومه بمچانه..

وجان اسمع نبرة صوته الخشنه وهوه يكلها حرمتيي يمج وترديني اسكت..

_ خايب فهيدان اكفي شري وارجع انتَ والوياك وماعندي الك شي..

_ نعيمممه لو مو خالتي احرك البيت عليج اليوم، اكفي شري ونطيني حرمتي...

_ خاااب دكمم انطي حرمته، ماعندي الك شي وارجع منين مااجيت..

_ نيعممممه تجفي شري وانطيني حرمتي..

غزل:- ضل يضرب طلق بعشوائية، عاد اني اخذت غراضي ولبست عباتي وتلثمت بشالي وطلعتله ولا تروح خاله نعيمه، ويكتل واحد هنوب هذا مخبل.

طلعت شفته واكف بدشداشتة البيجي وغترته البيضه وياه جاسر بس وكف الرمي باوعلي وعيونه حمره، اليوم موتي عـ القبلة والحسن على گولته، صاح بعالي صوته صعددددي، خالتي نعيمه ضمتني وراها

نعيمه:- خايب وروح اخيتي ما تاخذها، جاا انتَ كلش زعت المستحه، ماني خالتك ليكول عدوتك..

فهد:- نعيمه طنيني حرمتي وبعدين نتفاهم، قبل لا ينفذ صبري وماعرف شسوي..

_ ولك فهيد انطيك ياها، بس بروح امك ودري بيك شكد تعزها لا تأذي غزاله، بروح مهيوب عليك..

_ هسه نطيني ياها والله كريم...

_ هاا يمه غزاله ترحين لا، ترى ماجبرج تبقين ابقي ترحين كيفج..

غزل:- ا ا ا خ خ اله اروح...

_ يمه الرحمٰن يحفظج..

فهد:- صعددددي يلله..

_ سكتت، وصعدت وره وجاسر راح بسيارته، ضليت ارتل ايات بقلبي، قلبي وگع بطني يمه عيوونه حمممر، الله يساعدني على عذابه، صعد وصوت انفاسه ترس كل ارجاء المكان

ساق بسرعة كبيرة طار بينه طير نص ساعة وصلنه للبيت، بس شنو قلبي راح يوگف من الخوف وذكر اللهﷻ ما راح من بالي طول الطريق

فتحوله الحرس الباب ودخنله گال بجمود، يله نزلي، نزلت ونزل هوه اجه من الجهه الثانيه على جهتي لزم ايدي وعصرها حييل، هنوب رحنه دخلنه الكل يباوعلي بخوف وترقب وخايفين شيسوي بيه وناس شمتانين مثل مناهل وجنه وغيرها..

صعدنيي وياه بكل هدوء، دخلني لغرفتة متتتت من الخوف وشفايفي وكل جسمي يرجف

سد الباب وقفلة واني اباوعلة بترقب، باوعلي من بعد قفلة الباب، نزع الغتره ونزع ساعتة وفتح دگم الدشداشة وگعد عـ الجرباية وباوعلي واني واكفة گباله مثل الصنم دقايق وگف كبالي