فصلية الشيخ فهد🔞

بارت الـ29...

#فصلية_الشيخ_فهد

#للكاتبة_انوار_الجبوري

     .................................

             (غزوله تگول)

             وليش احبّك ؟
        يا كتاب اسمة السعادة
         بداخلة قصة حزينة . 
              .. 💔💔..

           (فهد يگول)

      - مثل شمس المغربية جفونها ،     
      حمرة بس تضحك لليأذونها ! ،
               .. ❤❤..

   - ‏بعدنه نموت اذا واحد يزاعلكم
  ‏وبعدنه نضيع اذا شفنه ملامحكم !

         (  بنيتي غزوله❤🥺) 

         ...................................

فردوس:- غززوله حبيبتي  ..

_ ركضت حضنتها وباركتلها وهيه فرحانه بشوفتي واني كذلك اخذت الطفله ضليت ابوس بيها حبيبة خالتها تخبل تشبة امها فردوس ومحطوطه   ..  شسميتوها  ؟؟

فردوس:- رونق  ..

_ اوي فدوه اسمها حلو وهيه احلى  ..

فهد'- حمدالله على سلامتج ام رونق  ..

فردوس:- الله يسلمك خويه  ..

ام مناهل:- انشالله يوم التگوم مناهل بالسلامه  ..

فردوس:- ليش شبيها  ..

ام مناهل:- مناهل حامل  ...

فردوس:- دهر صابها شبساع حبلت  ..

ام مناهل:- صلي على محمد  ..

فدعة:- من دهر صابها نشالله  ..

غزل:-مصدومة والدمعة بطرف عيني بس كلشي ماحجيت درت وجهي عاينتله،، دار وجهه وطلع 

عاد اني بست فردوسه بأبتسامة واخذت صگر ورجعت لغرفتي  ..

قفلت باب الغرفة وعيوني مفتوحة مترمش ركضت غسلت وجهي بماي بارد ارد استوعب يعني سواها صدك
فهد سواها صدك طلعت لگيت صگر ميت من البچي

ركضت شلته وضليت ابوس بي مسحت دموعة ودموعي تنزل  ،،يا يمه اني مسحت دموعك منو يمسح دموعي ويداوي جرحي منو يا يمه

بلكت يطلع بيك بخت وتفكني من ابوك وسجنه يا يمه اخخخ يا نار قلبي

سويتله ممه رقمين وشربته وغسلتله ونومته فتحت التلفزيون باوعت مسلسل تركي ما حسيت الى واني نايمة على روحي   ..

فردوس:- ضل فهد ميقبل اروحلها لغزل و ما جنت اعرف السبب ليش فخليتهم على راحتهم اتصلت على جاسر واجه اخذني
سوده عليه لگيته محضر جنطته لان باچر يلتحق هوه والابطال عباس وشعلان
ذبيت روحي بتعب وماحسيت الا واني نايمه على روحي مدري شكد مر الوكت
حسيت على جاسر يبوس بوجهي فتحت عيوني بكسل
عاينتله بنعاس شديد  ،،  هاا جاسر  ..