علي مدار حياتها في المدرسة سلوي كانت دايما بتسمع من مدرسينها نصايح كتير بس وبتحاول تعمل بيهم اكتر واحدة مكنتش عارفة تنفذها هي "االفصل بين البيت والشغل " بالنسبة ليها ديه كانت اصعب حاجة وشان دة كانت دايما بتحمل فشلها في اي حاجة علي البيت ومشاكله.
سلوي دلوقتي عندها 19 سنة بدأت مرحلة جديدة في حياتها بس لسة مش عارفة تلاقي نفسها في اي حاجة .
صممت علي مجال القانون بعد ما جابت مجموع قليل بس لسة مش واثقة انها تقدر تكمل فيه .
كل صحابها بيقولوها انها موهوبة وتقدر تعمل حاجات كتير بس هي مش مصدقة لا مش قادرة تصدق.
كلام صحابها وافعالها متناقضين عشان كدة هي شايفة انهم بيجاملوها.
سلوي دلوقتي شايفة نفسها افشل من طفل في ابتدائي. شايفة انها معندهاش ميزة واحدة ا عزيمة ولا شغل ولا اهداف.
شايفة ان اي حاجة هتبدأها هتبوظ دايما خايفة تبدأ ولما بتبدأ مش بتكمل بس يا تري هل هتقدر تكمل ولا هتفضل خايفة علي طول.
أنت تقرأ
العيلة
Teen Fictionديه حكايةأسرة مصرية بسيطة بتتحكي علي لسان سلوي أكبر بناتها علي مدار الحكاية سلوي بتحكي عن المشاكل اللي بتواجها مع عيلتها وصحابها وتأثيرها علي حياتها بس يا تري هل هتلاقي حل ولا لا ؟؟؟
