القدر الجميل

بارت 4

عيونك درابين الطفولة بوكت صيف ومغربية وگعدة امي وچايها 🤍
.
.
.
.
.
.
.
.
قدر : ناس كولش طيبين طول الطريق يصبرون بية و بماما تقريبا ساعتين و نص وصلنة لمحافظة ديالى دخلنة مناطق و أفرع عدة إلى أن وصلنة لبيت عادي يشبه اي بيت عراقي بنائة مائل للقديم شوي اول موصلنة استقبلونة بابتسامة و ترحيب كنت كولش خايفة من اللقاء و خاف ميتقبلوني لكن جان عكس تصوري استقبلونة بطريقة جميلة بيبي الي هية ام ماما كالت ادخلوا هنا حضرنا لكم هاي الغرفة كانت غرفة بسيطة بيهة سريرين و كنتور خلينة ملابسنة السود بيهم نزعت ماما النقاب و هي دموعها على خدها كعدت ابجي وياها

أميرة : وينك يا جهاد تعال و شوف شصار بحالي و بحال هالبنية من بعدك

قدر : شتاقيتلة هواي اريدة من صدك احتاجة

أميرة : احنة ثنينة نحتاجة تعرفين من تبناج شكد جانوا يجون علية علمود يرجعج للميتم و هوا ميقبل يكول هاي صارت بنيتي و الي يحجي عليها يحجي علية تدرين شكد لحوا علية علمود يتزوج علية بس مقبل كال الله كاتب علية هيج مستحيل اتزوج و اعوف جوهرتي ليتة متزوج ولا عايفني

قدر : اسمع كلامها و دمعي تنزل و هي تبجي وياي
صاحونة على العشى طلعنة اني ما أكلت شي قليل و ماما كذلك دخلنة للغرفة اني رحت توضيت و صليت قريت قران لبابا جهاد و ماما نامت تمددت و اني الافكار تجي ببالي ليش اني هيج ضعيفة و بس ابجي ليش ما اصير قوية و اني محد الي على الاقل ماما أميرة عدها أهل لكن اني مالي احد يعني اذا طلعوني منا محد راح يخليني يمة قررت من اليوم حياتي راح تتغير و يبقى الحزن بداخلي لازم تتخطى اذا مو لأجلي لاجل ماما أميرة و منها لازم ارجع اقرة لان مبقى شي للامتحانات و لازم اقرة اخلص من الثالث نمت و اني افكر بمستقبلي كعدت الصبح على صوت ماما

أميرة : اكعدي حبيبتي اكعدي بنيتي اتريكي

قدر : صباح الخير

أميرة : صباح الخيرات بنيتي اكعدي اكلي

قدر : و انتي متتريكين

أميرة : لا ولله يمة ما اشتهي اكلي انتي

قدر : اذا متاكلين ما اكل

أميرة : ما اريد يمة شربت مي دافئ و خبزة الصبح و اخذت دواي

قدر : ماما انتي لازم تصيرين قوية اني ماعندي أحد غيرج

أميرة : اي يمة فكرت بيج بس تصير أربعينية ابوج تبدين قراية مضل شي لمتحاناتج

قدر : أحسها تحجي بدون روح يا ربي ساعدنه نوكف على حيلنة

واليوم صار اسبوع و احنة موجودين يمهم اعتبروني من أهل البيت مو غريبة مشفت عدهم ولد ابد بس بنات يمكن الولد علمودي ميطبون هواي عدهم بنية اسمها سارة و الثانية مروة كولش حبابات باجر الأربعين راح يصير أربعين يوم اني مشايفتك شلون صبرت و شلون تحملت ما اعرف رحنة وحدنا اصلا منعرف شي عن أهل بابا حتى للبيت بعد مرحنة طبعا هناك اني و ماما تخربطنة ما اريد احجي هواي و اسرد حزن راح اختصر رجعنة للبيت وصارت ايامنة متشابهة درست ثالث و نجحت بس معدل مو عالي عادي اهم شي نجحت ماما خلصت العدة و راحت تسوي راتب و صرنة نعيش منة ماما تعرف تخيط جابت مكينة و صارت تخيط اهلهة مقبلوا بس هية كالتلي تريد نطلع بغير بيت لان علمودي تشوفي ممرتاحة مرت السنوات و صرت صف خامس علمي اني شاطرة لان ميخلوني اسوي شي غير اقرة و اغسل الطرمة بهاي الفترة ماما أخذت ورثها من بيت اهلها وية الفلوس المجمعتهم اخذنة بيت مساحتة 100 متر بس كلش مرتب و حديث مو بناء قديم من انتقلنة صح بنفس المنطقة بس حسيت تنفست و اخذت حريتي خوان ماما و اهلها محد عافنة ابد و هسة اني صف سادس ماما متشددة علية هواي علمود القراية لان متقبل تريد اصير دكتورة و اني ببالي غير شئ ببالي محامية اريد اخذ حق ماما من عد أهل بابا صح البيت و القطع باسمي بس هذني حق ماما تعب زوجها ما اخذ من اهلة اي شي كلة من تعبة حسب محجتلي ماما و كالتلي اني كتلة يخليهم باسمج لان انتي محد الج على الأقل اني الي اهلي و اكيد انتي بنيتي ماكو فرق اذا باسمي لو باسمج

قدر : صفنت يعني شنو ممكن اسميهم ملائكة قليل احبهم هواي هواي ماما ما اعرف شنو اكول وشلون اردلكم هذا كلة

أميرة : اذا تريدين تردينة صيري دكتورة

قدر : صفنت ما اعرف اذا اكوللها اصير محامية شراح تكولي و اذا أكوللها ما اريد طب و عندي هدف اريد ارجع فلوسكم من أهل بابا جهاد شنو راح يكون موقفها
جتي امتحانات السادس و اني ذبيت كل حملي على الدراسة ما أخذت دروس لان ما احب اطلع هواي و لازم روحة و رجعة كل يوم اروح امتحن الكة ماما منتضرتني بالباب تسالني على الامتحان و اني اكوللها زينة مرت فترة خلصت الامتحانات مرت 3 سنوات على وفاة بابا جهاد بس ابد مفارق بالنة شتاقيت لهذاك البيت و لايامنة طلعت نتائج السادس اني ناجحة معدلي 87 ماما كالت حتى لو مو دكتورة مهندسة هم ميخالف اهم شي تكملين الي شافها للنتيجة اخو ماما من اجة يسويلي الانسيابية كتلة

قدر : عمو انت مو تكول انتي مثل بنتي عندي طيب منك اريدك تخلي بالنسيابية القانون اول شي

حمدان : ليش بابا معدلج يقبل تحليلات

قدر : حباب عمو اني اريد قانون

حمدان : هاهية مثل متريدين

قدر : بس لتكول لماما حباب

حمدان : هاهية بابا لتخافين ما اكول

اريد قانون لان هذا حلمي مو بس انتقم و اخذ حقي لا اني القانون هوايتي احب اصير محامية اكو جانب بشخصيتي يكول انتي اجتماعية انتي متحررة انتي إنسانة قوية اطلعي من الجدران الحابسة نفسج بيهم فعلا و هذا الي صار من صرت بالجامعة هنا اني تغيرت صرت إنسانة اني ما اعرفة و هذا الحبيتة بية .... يتبع