القدر الجميل

بارت 1

عيناها جميلة كـ جمال منظر النجوم ليلاً..♥️🔐
.
.
.
.
.
.
بيت جديد عائلة جديدة ناس جدد ما اعرفهم اخذوني من الميتم اللي ابد مجنت اطلع منه إلى من نروح سفرات صعدت بالسيارة و اني ابجي ما اريد اروح وياهم

نجلاء : بنيتي لا تخافين انتي راح تروحين يم ناس امينه و يحبوج راح يجيبولج اللعاب هواي و يصير عندج صديقات

قدر : بس اني اريد ابقى هنا يمج اخاف منهم

نجلاء : لا ماما لا تخافين روحي وياهم و اني بس اخلص شغلي اجي عليج

قدر : بدموع انتضرج
صعدت بالسيارة و هاي المرية كعدتني ليورة و كعدت يمي مشت السيارة و اني ابجي ما اعرف وين رايحه ولا منو هاي الناس اللي اني وياهم سمعت صوت الرجال و هوة يكول

جهاد : بابا لا تخافين من اليوم اني ابوج و هاي أميرة امج صيحيلنا بابا و ماما

قدر : يعني انتة بابا و هية ماما

جهاد : ابتسم اي اني بابا و هي ماما

قدر : فرحت صار عندي اب و ام يعني هسه محد يكول يتيمة من يجون للدار سالت عمو اقصد بابا جهاد
.... بابا عادي تصير انتة بابا صديقاتي

جهاد : ضحك على طفوليتها لا بابا ميصير اني بس ابوج انتي

أميرة : يربي شنو هاي الطفلة شكد حبيتها ربي يقدرنة و نربيها احسن تربيه

جهاد : امين

و من بعد هذا اليوم صار بابا جهاد و ماما أميرة كلشي بحياتي نسيت ماما نجلاء و نسيت الدار حبيت البيت و الالعاب الجابلياها بابا صرت اطلع و اللعب وية الجهال بالشارع و المنطقة جانت كلش حلوة چانوا بابا جهاد و ماما أميرة حالتهم المادية متوسطة رغم هذا عيشوني بحب و ود و سلام

قدر : اليوم اول يوم الي بالمدرسة اني صف اول ابتدائي لابسة ملابس المدرسة و اني اضحك. و فرحانة رحت اني و بابا للمدرسة بعد ما خلتلي ماما الاكل بالجنطة و مي و فلوس كالتالي اشتري بيهم

جهاد : بابا اليوم اني راح اوديج للمدرسة مكان كلش حلو حجيتلج علية قبل بي الناس تتعلمين بي تكتبين و تقرين اريدج سباعية و متخافين لطلعين من المدرسة اني اجي عليج مفهوم حبيبتي

قدر : اي بابا ما اطلع ولله

جهاد : مو كلنة ميصير نحلف على اي شي حبيبتي اذا صادقة ميصير تحلفين

قدر : يعني شنو

جهاد: انزلي بابا و من ترجعين من المدرسة اكلج

قدر : اول خطواتي بالمدرسة صوت من وراية يصيحني اللتفتت

ست سناء : تعالي ماما انتي اول مو

قدر : اي

ست سناء : تعالي وياي

قدر : اخذتني لصف بي هواي طلاب بعمري كعدتني بالوسط لان اني طويلة جنت رغم صغيرة
أخذت كتب و خلص الدوام بس صوت الاطفال البعمري يبجون على اهلهم بس اني جنت ما ابجي مدري ليش
خلص الدوام و انتضرت بابا شفتة واكف بالباب رحت علية باسني