القدر الجميل

بارت 3

أتمنى لو أن اللحظات الجميلة تبقى للأبد.
I hope the good moments lasted forever.❤️
.
.
.
.
.
.
.
قدر : من جان عمري 6 سنوات و اجيت مجنت افتهم

شي ولا سألت عن اهلي اصلا جنت متخيلتهم همة

اهلي الحقيقيين الذبوني و هسة رجعوا اخذوني بأبا

جهاد اصلة من العمارة و ماما أميرة أصلها من ديالى

يعني من تبنوني سكنوا بغداد لاول مرة لان أهل بابا

عشائر و مقبلوا يتبنى رادو منة يتزوج بس مقبل لان

يحب ماما أميرة اول دخولهم لبغداد راد بابا يكون

نفسة هوا عندا بيت بالعمارة فباعة و إشترة بيت

ببغداد و اشتغل هناك بشركة هندسة لان هوا مهندس

اصلا و ماما أميرة مكملة معهد معلمات صرنة عائلة

هادئة مينسمع صوتهم إلى أن اجة هذا اليوم المشؤم

البي انتهت هذي العائلة و الي هوا موت بابا جهاد

الصبح الساعة ب10/30 اندكت الباب حيلل طلعنة اني و ماما أميرة

أميرة : اي اي عيني جاية يا ستار يا ربي

فتحنة الباب ولد يطلع عمرة 16 سنة صغير كال

...هذا بيت ابو قدر

أميرة : اي يمة هذا صاير شي

...ابو قدر وكع علية بناء العمارة و نقلوا للمستشفى

أميرة : يمة سودة بوجهي لك يا مستشفى

...مستشفى *****

قدر : لبست ماما أميرة عبايتها ردت اروح وياها بس

مقبلت راحت و اني قلبي يوجعني و ادعي و اصلي

لان هذا الإنسان مو بس احتواني لا هذا الإنسان

حياني لحد الان اصلي صلاتي بوقتهن مستحيل

اتركها و هوا العلمنياها من اول مطبيت علمني هواي

أمور ربي بجاه حبيبك المصطفى احفظة من كل شر

و احمي النة لكن بلحضة دخلت ماما أميرة الساعة 4

و هي تعيط هنا اني فقدت الكلام  ما اعرف شحجي

لو شكول  الناس التموا سيارات كوومة و

شيوخ هذا و نسوان تعيط لابسين اسود اجتني ماما

أميرة حضنتني وهي تبجي ولج راح راح الغالي و

هوا يوصي عليج و لج على فراش الموت و هوا

يكول ديروا بالكم على قدروة كلبي يوجعني ما اكدر

احجي مقهورة ميتة بس دموعي متنزل وكأنه فقدت

الحس طببتني ماما للغرفة كالت ابد لتطلعين و