تعليقاتكم رجاءً 💗
-
محبوبي اللطيف
* * * * * *
جت امه تصحيه من النوم: قوم يا الخيشة ما صارت
تقلب بنومته: يمه تكفين مالي خلق محاضرتي الظهر
سمع صوت ابوه : هذا للحين ما قام
وقف بسرعة ويطلع ملابسه : قاعد اطلع ملابسي عشان اجهز صباح الخير يبه
وباس راس ابوه
تنهدت الأم وراحت تصحي البقية
ابوه : نيروز ناقصك شي ؟
نيروز ابتسم ويسوي انه يستحي : ايه
ابو نيروز : وش هي ؟
نيروز : المصروف
ابو نيروز عطاه فلوس : لا تروح اليوم لمكان ارجع للبيت بدري من تخلص محاضرتك و أنت بتكون هنا طيب؟
نيروز يومئ
وبعدها نيروز صحصح من أخذ الفلوس
وراح يتروش و بعد ما خلص نزل
وشاف اخوانه قايمين ويفطرون
وتكلم بدرامية : تفطرون بدوني
ام نيروز صفعت راسه بخفيف : تعبت وانا اقومك من النوم
اخوه تكلم وهو يضحك: خيشة نوم ، تنوم بأي مكان تشوفه
نيروز رجع يشهق بدرامية: حتى النوم حاسديني عليه
ابو نيروز : عاد الا وليدي لا تضيقونه
نيروز رفع خشمه وتدلع : يلا بابيي ماميي أنا بطلع
اخوه : انتو مدلعينه أكثر مننا ! حتى شوفوا نهاية الدلع بابي مامي ؟؟
نيروز طلع لسانه لهم : موتوا حرة
وطلع وهو يدندن
نيروز هو الولد من الزوجة الثانية
اخوانه يحبونه ويدلعونه كذا مرة ويمزحون معاه كثير وهو يزيد المزحة عليهم
الزوجة الأولى متوفية من وهم صغار لذا أبو نيروز مو عارف يربي ٣ عيال لحاله وانهم بعمر صغير لذا تزوج أم نيروز
٣ عيال ( ايهم ٢٤ ، أوس ٢٣ ، جليل ٢٢ )
ركب السيارة ولبس نظارته الشمسية ويهمهم بأغنية
