تعليقاتكم رجاءً 💗
-
ذلك الوجه الحَسن ، سَحرني بِجمال عينيه
وسيف أنفُه ، وطراوة شفتيه
* * * * * *
مشاري جالس بسريره يفكر
وبعدها ارسل رسالة لجليل
مشاري " هاي "
جليل " هلا و غلا "
مشاري " الصراحة فكرت في كلامك كثير "
جليل " توه ما مرت ٢٤ ساعة عليه "
مشاري " بس أنا فكرت "
جليل " قول "
مشاري أخذ نفس " آسف ، مقدر أغير الي بقلبي بيوم وليلة "
جليل عقد حواجبه وكتب " ما جبرتك تغيره بيوم وليلة ، عطني فرصة وأنا بكون قدّها "
مشاري عض شفته " وإذا ما حبيتك؟ "
جليل " شهر واحد بس إذا ما كنت قدّ الفرصة خلاص ارفضني مثل ماتبي "
مشاري استغرب ليش شهر واحد بس ، ما علق وكتب " اوكيه "
جليل " بكره الخميس فاضي ؟ "
مشاري " الصباح ايه بس الليل لا "
جليل " طيب تسمح بكره نطلع مع بعض ؟ "
مشاري دق قلبه (بهالسرعة بشوفه ما نسيت ملامح وجهه وهو يعترف لي) " اوكيه ما عندي مانع "
—
اليوم الثاني
جليل بالمطبخ عقب ما طبخ الحلا المتواضع وحط معها فواكه
جاء نيروز : يمي أبي
جليل : هذا مو لك
نيروز : مشفوح مخلي كل شي لبطنك
جليل : يالقفك بس ، المهم شرايك بشكلي ؟
نيروز : تهبببل وش حلوك
جليل حط الحلا بشنطة الأكل
نيروز غمز لجليل : استمتع بالموعد ، زين ما اخترت ياخوي ، بالتوفيق في أخذ قلبه
جليل : يا حلوك بس ، يلا انا رايح
نيروز رجع لغرفته ويتحلطم بداخله كل اللي حوله طايحين بالحب إلا هو ولا مرة حس بمشاعر الحب أو شي تأفف
مازن جاء عنده : وش في الحلو مكشر ومتأفف ؟
نيروز : ممكن تذلف بعيد
