قصص دينيه ومواعظ

قصة يأجوج ومأجوج الجزء الثاني

قصص دينيه وعبر وحكم 👇👇👇👇
يعنى الناس دول جيران يأجوج ومأجوج ..
ربنا وصف الناس دى بإيه ... ٩٢٢
( لا يكادون يفقهون فولا )
يعنى انه ؟؟
علماء كتير فسروا الآية دى انهم كانوا بيتكلموا لغة غريبة
وصعبة ،
مكنوش بيفهموا باقى البشر ، ولا باقى البشر بيفهموهم .
طب سؤال مهم جدا لازم نسأله !
طالما هم مبيعرفوش يتكلموا ولا يتفاهموا مع غيرهم .. ، ازاى قالوا لذى القرنين ان يأجوج ومأجوج مفسدين فى الأرض ... ؟؟
فى سورة الكهف ( قالوا يا ذا القرنين إن يأجوج ومأجوج مفسدون فى الأرض )
جواب السؤال ده عند أغلب العلماء انهم اتواصلوا معاه بلغة
الاشارة ، وذو القرنين كان عنده طولة بال عشان يفهمهم ويساعدهم لوجه الله .
المهم السكان دول غالبا سكان جورجيا قالوا لذى القرنين ...
هنديك الفلوس اللى انت عايزها بس ابنى سد بينا وبين
يأجوج ومأجوج ..
لانه عنده العلم ... علم البناء ، وعلم الهندسة اللى فى
الغالب مكنش موجود عند حد غيره فى الزمن ده .
طيب الملك الصالح "ذو القرنين" عمل ايه بالظبط
عشان يخلص الناس من شر يأجوج ومأجوج ؟؟
الملك ذو القرنين قالهم :
أنا مش عايز فلوس ، أعينونى بقوة
اللى هعمله هيبقى حاجة عظيمة جدا ،
عشان تتنفذ محتاج آلاف وآلاف من العمال
وصححلهم خطأهم ..
انه هيبنى ردم مش سد ....
طب ايه الفرق بين السد والردم ؟؟
من بلاغة القرآن إنه صححلهم المطلوب بإنهم هيبنوا ردم
بدل سد ..
الفرق من وجهة نظر هندسية إن السد بناء حى والردم بناء
فالسد ليه عمر افتراضى بيتأثر بالهزات الأرضية .. بيمتد
لعشرات السنين ولما يفنى ويتهدم بيتحول لبناء ميت
أما الردم هو فى الأصل بناء ميت ... فبيعيش ماشاء الله له
من السنين من غير ما يفنى ..
فى تفسير الطبرى السد هو حاجز بين شيئين ،
لكن الردم حائط من الأمام وحائط من الخلف وبينهم طبقات
مردومة فوق بعض ميتأثرش بأى عوامل أرضية
ابتدوا فعلا يبنوا الردم
وطلب منهم حديد وعملوه ألواح متساوية
بنى ردم قوى من الحديد ، بين جبلين عظيمين ،
وبعدين دوب النحاس عليه ، ابتدوا ينفخوا النار زى ما
علمهم ذو القرنين ... اتفاعل النحاس مع الحديد فبقى
متماسك ،
بكده اتحاصروا قوم يأجوج ومأجوج جواه ،
واتمنع شرهم عن البلاد ..
وبقوا عايشين فى جوف الأرض ..
طب بيشوفوا ازاى؟
👇👇👇👇👇👇
طب بيشوفوا ازاى؟
بالصخور المتوهجة
طب بيعيشوا ازاي فى جوف الأرض ومفيش ثمر ولا
غذاء ولا حياة ؟؟
الدكتور مططفى محمود شرح فى حلقة شمس منتصف
الليل ان فيه فجوات فى القطب الشمالى شافها الجغرافيين
بيدخل منها بعض الأشجار الاستوائية وبعض المياه لجوف الأرض ..
بس رغم كل العلم اللى عندنا منعرفش الأشجار دى بتعوم
ازاى على المياه لمسافات كبيرة ، وبتوصل لحد فين وازاى
بتوصل لجوف الأوض .. الله أعلم فنحن ما أوتينا من العلم إلا قليلا
الشيخ الشعراوى قال حاجة جميلة جدا فى تفسير آية (ساوى بين الصدفين )
يعنى ايه ساوى بين الصدفين ؟؟
يعنى فيه جبل يمين وجبل شمال ( صدفين )
بينهم فجوة كبيرة جدا ..... يعنى منخفض كبير جدا ..
الردم اللى عمله ذو القرنين بالحديد والنحاس المصهور خلى الفجوة بين الجبلين ترفع وترتفع ،
كل ما الردم يزيد الفجوة ترتفع ...
لحد ما ارتفاعها بقى مساوى لارتفاع الجبلين ..
يعنى ايه أفرغ عليه قطرا ؟؟
تفريغ النحاس المصهور فى الفجوات بين الحديد ..
زى الأسمنت كده لما بيدخل فى الفجوات بين الحديد والزلط

شوف بقى الجمال معايا ...
ذو القرنين أسند النعمة للمنعم الأول ..
بعد ما خلص الانجاز العظيم اللى عمله ، وخلص ملايين من
شرور يأجوج ومأجوج قال ايه ...؟؟
( قال هذا رحمة من ربى )
اوعى تنسب نجاحك فى الحياة لنفسك ..
مهما كنت شايف نفسك ذكى وعندك علم كبير ،
مهما كنت شايف نفسك قوى اوعى تتغر بقوتك ..
دايما بعد أى نجاح تحققه وأى عمل تعمله قول ( هذا رحمة من ربى ) ..
عشان ربنا اداك الفكر واداك الأدوات اللى تنجح بيها ، بس
هو صاحب النعمة والتوفيق
وعشان لما تقول هذا رحمة من ربى ساعتها بس ربنا يديم عليك نعمته ..
( قال هذا رحمة من ربى فإذا جاء وعد ربى جعله  دكاء وكان وعد ربى حقا وتركنا بعضهم يومئذ يموج فى بعض ونفخ فى الصور فجمعناهم جمعا )
طيب ذو القرنين كان يقصد ايه لما قال فإذا جاء وعد
ربى جعله دكاء ؟؟
يعنى أنا عملت الردم ده يعيش سنين وسنين ، لحد ما ربنا
يريد انهم يقدروا يخرجوا من فتحة فى الردم ده.
طيب يعنى ايه وتركنا بعضهم يومئذ يموج فى بعض ؟؟
يعنى لما يخرجوا هيختلطوا من كترهم بكل البلاد
والجنسيات زى الموج ..

صلوا على الحبيب ❤️❤️
استغفروا ❤️❤️❤️❤️❤️
👇👇👇👇👇👇👇👇👇👇👇👇👇👇