أحببت تلك الجبانه

الفصل السابع

في الملاهي.......
أمنية : بالله عليك يا اسر مش عايزة ادخل بيت الرعب ... علشان خاطري ....
اسر : تعالي بس يا أمنية دا لذيذ خالص ... ولا الفكرة انك تمشي في وسطهم روعة ... تعالي بس
أمنية : مهو انت عايزني امشي في وسطهم لحد مخرج ومش عارفين الطريق ... انت كويس يا اسر
اسر : مش انا معاكي
أمنية بخوف : أيوة انت معايا
اسر : طب بتخافي وانا معاكي
أمنية : لا
اسر: طب هاتي ايدك ويلا ....
أمنية : ........
اسر : يلاااااا
أمنية : ربنا يستر ....
____________________
في بيت الرعب ....
أمنية : عاااااااااااااا ....
اسر : بس بس اهدي
أمنية : عيونه بتطلع دم يا اسر
اسر : دا مش حقيقي يا حبيبتي اهدي
أمنية : لا لا .... دا رقبته مقطوعة
اسر : والله مش حقيقي ...
أمنية : طلعني من هناااااا....
اسر : طب انزلي من على السلم علشان نطلع بره
أمنية : سلم ... دا عليه دم ... يععععع ... وفي ظلمة مش انا قولتلك اني بخاف من الظلمة ....
اسر : طب تعالي ...
أمنية : هتعمل ايه
اسر : هعمل ايه يعني هشيلك وانت غمضي عيونك
أمنية : لا لا ...
اسر : أمنية يلا ....
" شلتها علشان اطلعها من بيت الرعب وكانت ماسكة فيا جامد ... اتمنيت أفضل واقف في المكان دا علشان تفصل قريبة مني كدا ... طلعت بيها برة وهي لسه ماسكة فيا ومغمصة عيونها .... مهتمتش بالناس اللي بتبص علينا في تعجب اهتميت بقربها مني وبس ....."
اسر : طلعنا
أمنية : بجد ...
اسر : أيوة فتحي عيونك ....
" فتحت وشوفته هو وانا متعلقة في رقبته .... اد ايه بحس بالامان في قربة ... بحبه ؟! أيوة بحبه ... لا بعشقه ... هو كان عوض ربنا ليا عن كل حاجة ... عرفت وقتها أن ربنا بيحبني علشان بعتلي اسر .... يارب تكون بتحبني يا اسر ... حبني ربع الحب اللي انا بحبه ليك ... "
اسر :سرحانة في ايه
أمنية : فيك ...
اسر : ايه ...
أمنية : احم احم ... ممكن انزل ....
اسر : امممممم ... لا
امنية : الناس بتبص علينا ...
اسر : مش مهم ....
أمنية : طب انت رايح فين
اسر : هنرجع بيت الرعب
" اول مقولت كدا لقتها حضنتني جامد وجعت غمضت عيونها ...."
أمنية : لا لا علشان خاطري ...
اسر : خلاص بهزر ... عايزة تروحي فين تاني
أمنية : لا خلاص روحني ...
اسر : طب يلا ...
أمنية : طب نزلي ...
اسر : نرجع بيت الرعب ...
أمنية : العربية فين
اسر : هههههههه مجنونة
أمنية : بيك ...
اسر : بتقولي ايه
أمنية : بقول على البيت ...
اسر : اصلي سمعتها حاجة تانية ....
أمنية : لا مفيش حاجة ...
اسر : طيب بس الحاجة التانية اللي سمعتها عجبتني
أمنية بخجل : بجد ...
اسر : بجد ....
______________________
" وصلنا البيت وانا دخلت  الاوضة بتاعتي بس هى فضلت واقفة في الصالة ... "
اسر : واقفة ليه ...
أمنية بخوف  : هو انا لو دخلت الغرفة بتاعتي هلاقي فيها دم صح ... وواحد رأسه مقطوعة
اسر : ههههههههه
أمنية : انت بتضحك
اسر : انت خايفة ...
أمنية : جدا ....
اسر : طب تعالي نامي عندي في الاوضة بتاعتي ...
أمنية : وانت هتنام فين
اسر : تتخيلي هنام فيها ....
أمنية : بجد
اسر : أيوة ... هتيجي ولا تدخلي للعفاريت
أمنية : لا لا هاجي ....
" اول مدخلت الاوضة بتاعته افتكرت اول يوم لما قالي متقربيش من الاوضة بتاعتي ولا اي حاجة تخصني ... غصب عني عيط ...."
اسر : بتعيطي ليه يا أمنية
أمنية : اول يوم لما جيت هنا انت منعتني ادخلها ..كنت كل مادخلها اخاف... كنت بقول انك هتزعقلي وتزهق عليا ...
اسر : طب انا اسف... ومن يوم وجاي الاوضة دي بتاعتك وتنامي فيها ....
أمنية : وانت مش هتضايق
اسر : بالعكس هكون مبسوط ...
أمنية: تمام ... انا هنام على الأرض
اسر : ليه بتقولي كدا ....
أمنية : طب هنام فين
اسر : على السرير طبعا ....
أمنية : وانت هتنام فين
اسر بهمس : اقولك ومش تقولي لحد ...
أمنية بنفس همسه : ايه
اسر : هنام على السرير .... تتخيلي
أمنية : ايه
اسر : خلاص اطلع انام برة واسيبك مع العفاريت
أمنية : لا لا لا .... خلاص
اسر : طب يلا روحي غيري لبسك دا وتعالي نامي ...
أمنية : طب تعالي أقف على باب الاوضة وتفصل تكلمني لحد مخلص ...
اسر : هههههه تمام يلا يا جبانة
أمنية : انا مش جبانة انا بس خايفة
اسر : طب يلا يا خوافة
أمنية: اذا كان كدا ماشي
اسر : هههههههههههه والله العظيم مجنونة
أمنية : مانا عارفة .... يلا أقف هنا وانا هدخل اغير ... وافضل اتكلم ....
اسر : علم وينفذ اميرتي
أمنية : برافو عليك ...
اسر : أمنية
أمنية : نعم
اسر : مش انت قولتي كلمني
أمنية : اه صح
اسر : طب يلا .... أمنية بنوتة شطوره ومش بتخاف وبابا اسر واقف هنا على الباب ...
أمنية : بابا اسر جميل ... وأمنية فرحان كتير
اسر : علشان أمنية جميلة ... ونورت دنيتي ...
أمنية : وبابا اسر دخل الامان لقلبي من تاني ....
اسر : علشان أمنية تستاهل الامان والفرحة
أمنية : خلصت .... برافو عليك مش خوفت
اسر : لا في حاجة مش مظبوطة
أمنية : ايه ...
اسر : شعرك ... بحبه وهو سايب اكتر ....
أمنية بخجل : تمام ...
اسر : يلا ... علشان انا هموت وانام ...
أمنية : تمام ... تصبح على جنة
اسر : وانت حوريتها ....
_______________________
تاني يوم ....
" صحيت لقتها لسه نايمة .... وشعرها نازل على عيونها ... شلته من على عيونها ولقيت ملاك نايم ... تلقائي من بوست رأسها ... كنت مبسوط وهى نايمة جنبي ... عمري في يوم متخيلت اني هحب حد كدا ... او اكون فرحان بقربه كدا ... فكرت أن لما حبيت سوزي في سن المراهقة أن هي الحب ومن بعدها مش هحب تاني ... كنت غلطان ... لما هى سافرت مع اهلها انا كمان سافرت اتعلم بره ... كنت بفتكرها دايما ... كنت بقول اني خلاص فقدت روحي معاها .... ولما بابا قالي اتجوز امنية رفضت الموضوع لاني معرفش أمنية وكمان كنت مستنى سوزي ... بس لما أمنية دخلت حياتي حاجات كتير اتغيرت ... حسيت بالمسؤولية ... واللي ساعدني على كدا طفولتها وخوفها اللي متملك منها ... حبيت جدا اني اكون اب ... أمنية دخلت على حياتي السعادة ... خصوصا أن معنديش أصحاب غير معاذ .... كان يومي فاضي وهي ملته ... كانت حياتي ممله ... بوجدها بقى كل يوم مختلف عن اللي قبله.... شكرا يا ربي على امنيتي اللي اتحققت في وجود أمنية ...  "
أمنية : اممممم ... صباح الخير
اسر : صباح النور
أمنية : انت بتبصلي كدا ليه
اسر : اصل انهاردة مختلف عن كل يوم ... لما صحيت انهاردة لقيت ملاك نايم جنبي ...
أمنية بخجل : امممم واضح أن اليوم انهاردة هيكون جميل
اسر : دي انا واثق منها .... يلا نفطر وننزل نشوف بابا علشان عايزني ...
أمنية : تمام
_____________________
في شقة خالد
اسر : صباح الخير يا بابا
أمنية : صباح الخير يا خالو
خالد : صباح الخير يا حبايبي عاملين ايه ...
اسر : الحمد لله احنا بخير
فاطمة : صباح الخير ياولاد
أمنية : صباح الخير يا ماما .
اسر : حضرتك طلبتنا يا بابا
خالد : أيوة يا حبيبي ...  معاذ طالب ايد اسماء
اسر : بجد ...
خالد : أيوة ... وانا وافقت ومستني ردك
اسر : طبعا موافق يا بابا .... معاذ اخويا وصاحبي وانا شاهد على أخلاقه
خالد : والاهم من دا كله اهبل ...
اسر : هههههههه اه والله عندك حق
فاطمة : متقولش كدا على ابن اختي
خالد : دا انت شاهدة على هبلة
فاطمة : احم احم
خالد : أيوة فعلا احم احم ... المهم دلوقتي هما اقترحوا عليا انها تكون شبكة وكتب كتاب ... علشان ظروف محمد مش هتسمح أنه يجي من السعودية كتير ... انت عارف ان جوز خالتك شغله كتير ...
اسر : وجهة نظر بردو .... خلاص يبقى يوم الخميس على ميوصلوا ...
خالد : تمام يا حبيبي اللي فيه الخير يقدمه ربنا ...  أمنية يا حبيبتي ...
أمنية : نعم يا خالو
خالد : كنت عايزك تروحي انت وأسر تعزمي بابا ومدام كريمة ...
أمنية بخوف : ايه
اسر بسرعة : حاضر يا بابا ... هنروح ... صح يا أمنية
أمنية : ا..... اه ماشي
_________________________
على الفون ....
اسماء : أيوة يا ميزو
معاذ : قلب الميزو يا ناس
اسماء : عيب ...
معاذ : امتى تيجي البيت بقى وتنوريه ... من يوم مبابا سافر علشان شغله وماما راحت معاه. ... وطبعا مريم جوزها في السعودية وسافرت ليه ... وانا عايش في البيت دا وحيد ...
اسماء : معلش يا حبيبي ... انت ظروف شغلك حتمت عليك تفضل هنا ...
معاذ : الحمد لله يا سيمو ... بس انا قولت اهو لازم نتجوز بسرعة ..
اسماء : بس انا لسه باقي لي سنتين في الكلية
معاذ : ولو ولو ... تكملي الكلية وانت في بيتي
اسماء : هههههههههه طيب اهدي
معاذ : يلهوي ..... خدي قلبي اهو ....
اسماء : هو معايا يا دكتور سلام.....
معاذ : سلام ياروح قلبي .... الحب حلو يا ولاد ...
_____________________
أمنية : احنا هنروح يا اسر
اسر : لازم نروح يا أمنية ...
أمنية : بس
اسر : أمنية انا جنبك ...
أمنية : تمام ...
اسر : يلا ...
أمنية : يلا ...
__________________
في بيت مصطفى ...
اسر : جاهزة ...
أمنية : طول مانت معايا جاهزة ...
بعد دقائق من الدق على الباب ....
كريمة : مين ... انت يا مخ......
اسر : وانا كمان يا مدام كريمة
كريمة بخوف : اهلا اهلا ..  أمنية حبيبتي وحشتيني خالص
أمنية : شكرا يا ماما كريمة ...
كريمة : ازيك يا بشمهندس اسر
اسر : كويسين ... استاذ مصطفى فين ...
كريمة. : جوه ... اتفضلوا .... اتفضلوا
مصطفى: أمنية يا حبيبتي ... عاملة ايه
امنية : الحمد لله يا بابا بخير ... وانت
مصطفي : كويس يا حبيبتي ... البيت وحش من غيرك
أمنية : انت مكنتش بتقعد معايا اصلا يا بابا
مصطفى بحرج : احم احم ... ايه يا كريمة مش هتجيبي حاجة نشربها ....
كريمة : حالا ...
" كانت قاعدة جنبي وبتبص على كل جزء في البيت ... وساعات تتضحك بحسرة وأوقات تدمع ... مسكت اديها جامد علشان اقويها ... بصتلي واحزان الدنيا في عيونها... عيونها بتقولي شوفت يا اسر ... شوفت الجحيم اللي كنت فيه ... شوفت العذاب اللي في جدران البيت ... على كل جدار منهم حكاوي عن اللي عشته هنا ... الجدران دي هي اللي سمعت صراخي من مرات الاب.... "
اسر بهمس : طول مانا جنبك متخافيش ... محدش يقدر يقرب منك ...
أمنية بنفس الهمس : شوفت هنا كتير
اسر : حسيت بكل اللي شوفتيه لما بصيت لجدران البيت يا أمنية ... بس اتطمني انا هنا ...
أمنية : ممكن متسبش ايدي
اسر : مستحيل اسيبهم ...
كريمة لنفسها : والله وبقيت انا اللي اخدم عليكي يا بنت صفية ...
كريمة : اتفضلوا ...
مصطفي : عن اذنك يا حبيبتي جاتلي مكالمة ضرورية للشغل  ...
أمنية : اتفضل يا بابا ....
كريمة : اتفضلوا اشربوا العصير
أمنية : تمام ... يعععععععع ايه القرف دا
كريمة : قرف ايه يا بت
أمنية : مش دا قرف دا اسر
اسر : عندك حق يا حبيبتي ...
أمنية : واضح كدا أن ماما كريمة مش بتعرف تعمل حاجة خالص
كريمة : اه والله اصل كان عندي خدامة ومشيت ...
اسر : قطع لسان اللي يقول على مراتي خدامة ... فوقي لنفسك يا ست انت
أمنية : أهدى يا حبيبي ... مش تعصب نفسك
كريمة : والله وطلعلك صوت يا مخفية
أمنية : لا لا اهدي كدا ... اصلك خلاص كبرتي وممكن يجيلك ضغط أو سكر أن شاء الله ...
كريمة : بت انت
أمنية : لا خلاص مش اسمها بت ... اسمها أمنية ... امي الله يرحمها سمتني أمنية ... مش بت ... يبقى متجيش واحدة من الشارع تقولي بت ... اه كمان ... اعرفي ان الايام اللي جاية مابنا كتير يا ماما كريمة ...
مصطفى : ايه يا ولاد مشربتوش العصير ليه
أمنية : لا يا حبيبي شكرا .... المهم كنت جاية اعزمكم على شبكة اسماء يوم الخميس أن شاء الله
مصطفى : بجد ... مبروك يا اسر
اسر : الله يبارك فيك يا عمي
أمنية : يلا بقى يا اسر
اسر : يلا يا حبيبتي
أمنية : استنى اسلم على ماما كريمة أصلها بتوحشني ...
أمنية بهمس لكريمة : اليوم اللي جيتي زرتيني فيه قولتيلي اني هرجعلك صح ... احب اقولك أن رجعت بس رجعت أمنية تانية خالص ... أمنية اللي عاشت في البيت دا بقت جبانة ... بتخاف من الكل ودا كان بسببك بس خلاص هى ماتت واتولدت أمنية جديدة .... بس ابوها اسر اللي بياخد حقها مش مصطفى اللي بيسمع كلامك ... اعرفي كويس اني مش هسكتلك ... وهندمك على كل اللي عشته معاكي ... سلام يا ماما....
اسر : عن اذنكم ... 
مصطفي : اتفضلوا ....
اسر : باي يا ماما كريمة
كريمة : ..........
مصطفي : كريمة سرحانة في ايه
كريمة : ايه ... ولا حاجة ... سلام
__________________
برة البيت
أمنية : اسر شوفت شكلها
اسر : أيوة ...
أمنية : واااااااااااو قدرت عليها .... انا فرحانة اوي اوي اوي يا اسر ... انت اجمل اسر في الدنيا ...
اسر : هههههه ... وانت اجمل أمنية في حياتي ...
أمنية : ربنا يديمك ليا يارب
اسر : ويديمك ليا ...
أمنية : ممكن اشوف خالتو زينب ... كانت بتحبني اوي
اسر : يلا يا حبيبتي ............
#يتبع
Aya shehata❤