أحببت تلك الجبانه

الفصل الثالث

اسر : نكون اصحاب ... يعني انت تحكيلي كل حاجة وانا كمان احكيلك .... ايه رايك
أمنية : يعني انا اي حاجة عايزة احكيها احكهالك
اسر : أيوة ...
أمنية بسعادة : يعني انا مش بقيت لوحدي خلاص
اسر : لا يا ستي انا معاكي ....
أمنية : انا مش مصدقة .... وااااو
" كانت بتتنطط زي طفل صغير جاله لعبة .... وفجاة حضنتني .... استغربت قربها مني ... بس مكنتش كارهه مش عارف احساسي وقتها كان ايه ... بس فرحت اني دخلت السعادة على قلبها .... هى فعلا تستاهل الفرح مش الحزن ... تستاهل الامان مش الخوف والجبن ...."
أمنية بدموع فرحة : انا مش مصدقة نفسي انا كنت عارفة انك مش زيهم ... كنت عارفة .... انا كان نفسي يبقى عندي أصحاب ...
" كنت فرحانة اني في حضنه اوي ... حسيت بأمان ... بس خوفت يكون اتضايق من قربي منه ... فبعدت عنه بسرعة"
أمنية بخوف : انا ... انا اسفة
اسر : خايفة ليه ....
أمنية : مش خايفة ... انا اسفة والله من الفرحة بس غصب عني ....مش تزعل
اسر : بس انا مش زعلان
أمنية : بجد ...
اسر : أيوة مش زعلان ... ممكن اكل بقى ....
أمنية : حالا ....
اسر : أمنية ... كنت عايز اقولك اني هنزل الشركة من بكرة ...
أمنية بحزن : يعني هتمشي ...
اسر : مانا مش هفضل قاعد في البيت ... هناك منين
امنية بتلقائية : مش مهم ناكل ...
اسر : هههههههههه ... انت طبيعية بجد
أمنية : انا اسفة والله ... انا غبية اصلا ... بس اصلي بخاف
اسر : طب بمناسبة الخوف ... ممكن تبطلي تخافي ... طول مانا موجود جنبك متخافيش من اي حد ...
أمنية : مهو ...
اسر : مهو ايه بس ... وبعدين مفيش حد هنا غيري انا وانت ... وفي البيت تحت ... ماما واسماء وبابا .... عايزة تنزلي تقعدي معاهم في اي وقت انزلي ... انت بتخافي من ماما ...
أمنية : لا انا بحبها اوي .... هى عمرها مزعلتني وسيمو وبابا خالد ....
اسر : خلاص متخافيش ...
أمنية : ماشي ....
اسر : يلا بقى جعان ... ولا ازعق تاني
امنية بسرعة : لا لا مانت حلو اهو .... مش تزعق وانا هحضر الفطار بسرعة ...
اسر : شطورة يا صغنن ....
أمنية : هههههههه انا كبيرة يا اسر
" ضحكت .... وضحكتها كانت حلو اوي ... خدت عهد على نفسي اني اكون سبب في فرحتها ... مرت الايام وكنت بروح الشغل وارجع متاخر .... بس كل مرة كانت بتحصل حاجة غريبة .... كنت اول موصل على باب البيت أمنية تفتح من غير مدق على الباب .... اتعمدت المرة دي اني مطلعش اي صوت ... كنت طالع على السلم زي الحرامي اللي خايف حد يسمع صوت خطواته ....."
أمنية وهى بتفتح الباب : اسر انت جيت ....
اسر بصدمة : انت غرفتي منين اني جيت ...
أمنية بتوتر : لا هو يعني عادي ....
اسر : لا مش عادي كل مرة انت بتفتحي الباب من غير مخبط حتي ....
أمنية : مهو ... أيوة ... سيمو بتقولي ...
اسر : ينفع تكذبي ...
أمنية بخوف : لا مش هكذب انا اسفة والله ....
اسر : انت خايفة من ايه ...
أمنية بدموع وخوف: انا اسفة مش هكذب تاني .... اسفة
" كالعادة طلعت تجري .... مش عارف اعمل معاها ايه علشان تبطل خوف .... انا تعبت منها ..... حاولت اكون صاحبها علشان تبطل تخاف بس بردو بتخاف ...."
_______________________
بليل في غرفة اسر
أمنية بهدوء : انا جيت احكيلك تاني .... انت قولت أننا نبقى أصحاب واحكيلك بس انا لسه بخاف ... خايفة ترجع تزعقلي او تضربني ... انت عارف انا كذبت عليك فعلا ... سيمو مش قالتلي حاجة ... انا بحس بيك يا اسر ... انت اماني ... لما بتبعد بخاف ... اول محس بامان بعرف انك رجعت .... انا بفضل طول اليوم خايفة برغم وجود اسماء وماما فاطمة وبابا خالد ... بس بستناك ترجع ... بدور عليك .... انا خوفت لما قولت اني كذبت لان في يوم كانت  جارتنا تعبانة اوي .... وانا روحت اشوفها ...
فلااااااااش باك
زينب : ااااااه ....
أمنية : خالتو زينب ... انت كويسة
زينب : لا يا أمنية تعبانة اوي ....
أمنية : انت سخنة اوي ... انت لازمك كمادات ..
زينب : روحي انت يا حبيبتي كريمة هتزعقلك ...
أمنية : انا مستحيل اسيبك ....
" برغم خوفي الكبير من ماما كريمة إلا أن مقدرتش اسيب خالتو زينب ... كانت محتاجاني ... ازاي اسيبها.... انا هفضل معاها واللي يحصل يحصل ..... "
بعد اربع ساعات ....
أمنية : خالتو زينب انت الحمد لله كويسة دلوقتي ... وحرارتك نزلت كمان .... انا عملتلك شوربة خضار اشربيها تمام ... انا هبقى اسال عليكي ...
زينب : شكرا يا حبيبتي .... كتر الف خيرك ... ربنا يسعدك يارب ...
" كنت فرحانة من دعوتها ... انا فعلا محتاجة السعادة .... بس برغم السعادة دي إلا أن خوفي كان أكبر .... "
كريمة : انت جيتي يا مقصوفة الرقبة
أمنية : .........
كريمة : متردي يا بت كنت بتصيعي فين ....انطقي ....
" وقتها مسكتني وفضلت تضربني ... بابا مكنش موجود يحوش عني .... فضلت اصرخ ممكن قلبها يحن بس لا ... تقريبا مش عندها قلب ...."
كريمة : كنت فين انطقي
امنية : والله كنت عند خالتو زينب كانت تعبانة ...
كريمة : كدابة ....
أمنية : والله مش بكذب ... والله كنت عندها
كريمة : اخرصي يا قليلة الادب تلاقيكي كنت ماشية مع ولد ولا بتصيعي ... وكمان معملتيش الاكل .... انت نهارك اسود ....
أمنية : والله مش بكذب. ..
" فضلت تضربني لحد مأغمى عليا .... صحيت يومها بليل من وجع جسمي لقيت جسمي كله ازرق ووشي وارم من الضرب .... سمعتها وهي بتقول لبابا اني كنت ماشية مع كريم ابن الجيران ... وبابا كان عايز يرجع يضربني بس هى رفضت ... تقريبا مش كانت عايزاه يشوف شكلي والضرب دا .... او خايفة اني اقوله الحقيقة ...."
باااااااااااااااااك
أمنية ببكاء : فضلت العلامات دي على جسمي اكتر من شهر وأثرها لسه موجود معايا .... كنت بشتغل في البيت برغم وجع جسمي .... مكنتش يخرج من البيت .... وبابا صدقها ومكنش بيكلمني ... انت سألتني مرة وقولتلي انت بتكلي لوحدك ... أيوة يا اسر كنت باكل لوحدي .... دايما كنت باكل لوحدي ... بعمل الاكل واقعد في المطبخ اكل ... اليوم اللي بابا يسأل عني فيه تقوله كلت وبتذاكر ... اوقات كتير مكنتش باكل .... كنت بزهق من كتر مانا باكل لوحدي .... كتير كنت بتمنى بابا يجي يقولي تعالي كلي معانا .... بس انا زعلانة منك يا اسر .... قولتلي انك هتاكل معايا بعد كدا ... بس انت بتروح الشركة ولما بستناك انت بتقولي انك اكلت برة .... انا كل يوم بعمل الاكل واستناك وانت مش بتاكل معايا وبرجع اشيل الاكل تاني من غير ماكل ... شوفت بقى ... انت كدا وحش يا اسر والصغنن زعلان منك كتير خالص .... ومش هكلمك تاني ... بس هحس بيك لما ترجع من الشركة وانا اللي افتحلك الباب زي كل يوم .... شكرا يا اسر ... شكرا انك نايم علشان اقدر احكي .... نفسي في يوم احكيلك كل دا وانت صاحي وتخدني في حضنك وتطبطب عليا وتطمني بس مش هقدر ... مش هقدر احكيلك ... تصبح على جنة يا اسر
___________________________
تاني يوم ....
" لأول مرة اصحي متاخر كدا ... كنت كل مرة بصحى قبل اسر علشان اعمله الفطار قبل ميروح الشركة ... بس شميت ريحة اكل.... روحت للمطبخ تلقائي ..."
أمنية : اسر بتعمل ايه
" كان لابسة مريلة المطبخ وبيعمل اوملت ...."
اسر : اتا بعمل اوملت انما ايه حكاية كنت عايش عليه في امريكا .... حبيت ادوقهولك ....
" خوفت ليكون سمعني امبارح .... خوفت جدا ...  بس كلمته طمنتني...."
اسر : بصراحة حبيت اعتذرلك عن امبارح ... انا اسفة ...
أمنية : اممممم ... البشمهندس اسر بيقول  اسف ...
اسر : شوفتي ... واضح انك عدوة ...
أمنية : اسفة والله
اسر : انت تعرفي كلمة تانية غير اسفة يا أمنية يا حبيبتي
أمنية : يا ايه ..
اسر : احم احم ...مش عايزة تدوقي الأوملت
أمنية : هدوق ماشي .... الله جميل اوي ....
اسر : بتكذبي ...
أمنية بخوف : لا والله مش بكذب
اسر : خلاص خلاص ... اهدي انت مش بتكذبي
أمنية : أيوة انا مش بكذب
اسر : وانا مصدقك ... البيض حلو
أمنية : جدا ....
اسر : خلاص هعملك على طول ...
أمنية : انت اللي هتعمل ...
اسر : أيوة ... كل فترة هعملك تمام ....
أمنية : تمام ...
اسر : أيوة في حاجة كمان ... ومن غير متخافي حاجة حلوة ... بصراحة اكل الشركة وحش اوي ... وانا بطني وجعتني منه ... فبعد كدا انا هصبر شوية وارجع امل في البيت .... لو بتكلي بدري كلي انت وانا لما ارجع هاكل تمام ...
أمنية بسعادة : لا هستناك ... انا اصل مش ...
اسر: مش ايه ...
أمنية : ايه ... مش مهم خلاص ... انا هحضر الاكل واستناك تمام....
اسر : هتفتحيلي الباب ....
أمنية بخجل : هفتحلك الباب ...
اسر بمكر : أيوة خلي اسماء تقولك وافتحيلي اول ماجي
علشان ايدي بتوجعني لما بخبط على الباب .....
أمنية : احم .... حاضر ... ماشي
_______________________
في شقة الحاج خالد
فاطمة : بت يا اسماء ... انت يا آخرة صبري
اسماء : نعم يا ماما ....
فاطمة : تعالي يا سيمو يا حبيبتي ...
اسماء : الله اكبر ... ماما يا حبيبتي انت كويسة ... مكنت آخرة صبرك من شوية
فاطمة : أيوة يا حبيبتي دي حاجة حلوة ....
اسماء : والله ...
فاطمة : اسكتي بقى ... عيزاكي في خدمة
اسماء : قولي كداااااااا.....
فاطمة : كدااااا يا بنت الهبلة
اسماء : شكرا يا هبلة ... اقصد يا ماما ...
فاطمة : عايزين نخلي اسر يقرب من أمنية
اسماء : حلاوتك يا فطوم ...
فاطمة : بيئة اوي ...
اسماء : شكرا يا ذوق ... بصي بقى لازم تسمعي كلامي اللي هقوله بالحرف الواحد ....
فاطمة : ربنا يستر .....
________________________
في شقة اسر ...
" لأول مرة ارجع من الشغل وافضل واقف فترة قدام الباب مستنيها تفتحلي كالعادة بس هى اتاخرت اوي ... طلعت المفتاح وفتحت باب الشقة ...."
اسر : ايه داااااااااا
امنية بخوف وصوت ضعيف : مين
اسر : أمنية انت فين ... النور قاطع انا مش شايف حاجة
امنية : اسر ... ارجوك الحقني ....
" فتحت كشاف الفون ... فضلت ادور عليها لحد ملقتها قاعدة في جنب وحضنة  نفسها اوي ... والدموع على خدها .... جريت عليها وقعدت جنبها"
اسر : أمنية مالك ... انت خايفة كدا ليه
أمنية : ا... اسر ... ا...النور ...عل...علشان خاطري ايد النور... انا ... انا بخاف من الظلمة اوي ....
" كانت ماسكة فيا جامد ... اكتشفت أن عندها فوبيا من الظلمة .... وكانت بتقول كلام كتير مش مفهوم ...."
امنية : خليها تقيد النور وانا مش عمل كدا تاني ... والله مش هعمل كدا تاني ... قولها قيدي النور أمنية بتخاف ... أمنية بتخاف ...
اسر : اشششششش .... اهدي يا حبيبتي ... انا هنا ... 
أمنية : أمنية خايفة ...  أمنية خايفة .... مش هعمل كدا تاني ... مش هعمل كدا تاني ... قولها أمنية مش هتعمل كدا تاني .... خليها تقيد النورررررررررر
اسر : أمنية ........
Aya shehata