نظر لها بصدمة واجاب سريعا :ايييهه!!!!
اجابت تيا وعلي وجهها علامات الاستفهام : في ايه هو حضرتك تعرفني ؟!
ظل ادم يتمتم بصوت منخفض بدهشة : ده انتي مش بس شبها في اسمها حتي فيكي ملامح منها !!
وهي تحاول سماع مايقول ولكن فشلت فقالت : هو حضرتك بتقول ايه
فاق من دهشته واجاب : لا ولا حاجة ،ثم اكمل هو انتي ساكنة فين ؟
استغربت تيا سؤاله فأجابت :وده يهم حضرتك ف ايه معلش
ادم: يهم ويهم جدا كمان ..
فصمت ثم اكمل ببعض اللهفه : ها ساكنه فين!!
تيا : انا شايفة ان ده ميهمش حاجة انك تقبلني ف الشغل ولا لا؟
ادم : خلاص انتي صح ..وبداخله" انا هعرف بطريقتي ولو طلعتي انتي مش هرحمك "
ولكنه اردف مكملا حديثه معها : خلاص تمام انتي اتقبلتي والشغل ابتدي من دلوقتي اتفضلي
ظلت تيا تسبه بداخلها علي غروره هذا ولكن اومئت بصمت
ووقفت لتذهب ولكن اوقفها صوته يقول :اتصلي بماجد الغي بقيه الاجتماعات انهاردة وفي ورق علي المكتب برة خلصيه
تيا :تمام
وذهبت تيا ولكن بعد دقيقة اخري وفتح باب مكتبه ودخل منه سيف قائلا بمرحه المعتاد : قولت اجي اسأل عليك اكيد وحشتك
اجابه ادم : اتنيل اقعد وركز معايا كدا ..هي البت اللي دخلتهالي دي مش شبه تيا اخت سلمي ؟؟
سيف : احنا مش هنخلص من ام السيرة بتاعت سلمي دي وبعدين ياسيدي لا مش شبهها ومش علشان الاسم تبقا هي
ادم : طب خلاص يسيف
سيف : يا ادم فكك من السيرة الزفت دي وتعالي يلا بينا هخرجك خروجة جامده يعم
ابتسم ادم وقال :خليها يوم تاني انا هروح انا
سيف بمرح : طب طلاق تلاتة ما هو حاصل و هنروح دلوقتي ولا يرضيك اطلق البت اللي معرفهاش دي
ضحك ادم بقوة علي مزاح صديقه وقال : خلاص خلاص وعلي ايه يلا بينا
سيف : اشطا اوي كدا هتصل بالواد حمو يجيلنا بقا
اومئي ادم وجلسوا سويا لفترة صغيره ثم ذهبوا.
~~~~~~~~~~~~~~~~~~~~~~~~
كانت تجلس تيا بملل في الخارج وثم رأتهم خرجوا وهم
يضحكون وقالت بداخلها " ايدا بيضحك دي معجزة!!! "
ذهبت لهم قائلة : استاذ ادم هو حضرتك هتمشي وانا خلصت كل اللي قولتلي عليه ينفع امشي ..
كانت تنظر له نظرة بريئة وكأنها قطة صغيرة ...صمت ادم كان سيعترض ولكن وجد نفسه تلقائياا اجاب عليها : طيب روحي
ابتسمت تياا وقالت بمرح : الاهيي تنستررر
اندهش ادم من هذه الصغيره نعم فهو يراها صغيره لانها قصيره بالنسبه له ولكنه كان يضحك بداخله علي ما تقوله ...كان سيرد ولكن اوقفه ضحك صديقه سيف القوي علي ردها ..رمقه ادم بغضب واخذه وذهبوا وهو يشعر ببعض الغضب بداخله ولكن لا يعرف لماذا ؟؟
أنت تقرأ
عندما نعشق الصدف
Romanceاحيانا نصادف اشخاص يغير حياتنا من الظلمه الي النور ولكن يجب علينا ان نستغل هذه الصدفة لنشعر بهذا التغير💖
