عشقتك عشق ليس له وجود
ورسمتك فى خيالى فارسا ﻷحلامى
لأفيق على واقعا حقيقيا يخبرنى
بإننى لست سوى طفلة فى نظريك
ريناد
لم أراكى سوى طفلة ولا اعلم متى كبرتى
فهل ذلك عيب فى نظرى ام فى عقلى لا ادرى
لم استوعب بعد بأن ط...
فى صباح يوم جديد في منزل الجمال عدى بنفاذ صبر : يلا يا بنات هتاخر خلصوا يلا ريناد : احنا خلصنا يا ابيه يلا ليوصلهم الى الكلية ثم يغادر الى ورشته في الكلية عند ريناد بعد ان تنتهى المحاضرة يوقفها المعيد قائلا : ريناد استنى عايزك ليغادر الجميع وتبقى هى ريناد : خير يا دكتور فى حاجة الدكتور بجدية : هو بباكى موجود يا ريناد او اخوكى اقصد انا عايز راجل من عيلتك اكلمه فى موضوع ريناد : لا بابا وماما ماتوا وانا صغيرة انا عايشة مع اخويا الكبير عدى وهو اللى ربانى هو فيه حاجة يا دكتور الدكتور : خير ان شاء الله طيب ممكن رقمه ضرورى محتاجه فى موضوع ريناد : اتفضل حضرتك وتغادر دون ان تعطى الموضوع اهتمام وتنتظر حنين فى كافتيريا الكلية فتاتى لها ويغادروا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فى ورشة الاخوة يدق هاتف عدى برقم غريب لينظر عدى للهاتف فيجد رقم غريب عدى : السلام عليكم ورحمة الله وبركاته مين معايا المجهول : وعليكم السلام ورحمة الله وبركاته ممكن اخد دقيقة من وقتك عدى : اتفضل بس على الاقل قولى انت مين الدكتور : انا سيف الهلالى دكتور فى الجامعة بدرس لاخت حضرتك انا طالب ايديها منك ممكن حضرتك نتقابل واقول لحضرتك كل حاجة عدى بجدية : ماشى هستناك الساعة 4 فى كافيه افندينا مناسب معاك المعياد سيف : ايوه حضرتك مناسب هكون في انتظارك مع السلامة .......................................................
فى منزل الجمال كانت الفتاتان تعد طعام الغداء ريناد : نونا فى حاجة غربية حصلت النهاردة نسيت اقولك عليها حنين : ايه اللى حصل يا اخرة صبرى ريناد : دكتور سيف طلب منى رقم عدى وسالنى على بابا قولت ليه انه متوفى حنين : يبقى الصنارة غمزت وهتوحشيني يا اخت ريناد : انا مش فاهمة حاجة حنين : يا بنى ادم براس حمار انتى افهمى راجل وبيسالك على رقم راجل ليكى اب او اخ يبقى عايز ايه غير يتقدملك ريناد : انتى بتقولى ايه يا حنين انا مستحيل افكر فى الارتباط حنين : ليه هتفضلى عايشة على ذاكراه اذا كان هو مش شايفك اصلا وخطب وهيتجوز قريب وانا مستحيل اسيبك تدمرى مستقبلك حتى لو اضطريت ادخل عدى لتكمل بحنان قائلة : ريناد دكتور سيف محترم وحلو واى بنت تتمناه فمتضيعيش مستقبلك علشان وهم فى دماغك لو دكتور سيف معجبكيش فى غيره يتمناكى ماشى يا رينو انا بكلمك علشان مصلحتك فمتزعليش منى ريناد :انتى فعلا معاكى حق انا مش هضيع حياتى فى وهم انه هيحبنى ويرجعلى فى يوم انا هشوف حياتى ومستقبلى وهو ماضى وراح
