معشوقتى الصغيرة الجزء الثالث ( أخر مراحل العشق )

البارت الأول

معشوقتى الصغيره
₩₩₩₩₩₩₩
البارت الأول(الجزء الثالث )
₩₩₩₩₩₩₩₩₩₩
تأليف نوران محفوظ
₩₩₩₩₩₩₩₩₩

نظرت لهم بتمعن قبل أن تردف : مين الا هيقولى بيخونى مع مين

نظر لها جواد بتذمر : وانت بقا اكتشفتى انه بيخونك فجيتى تعرفى مننا بيخونك مع مين مش كده

اومأت له بتأكيد فنظر لها جياد بغيظ : تعرفى يا جورى أن كارم ليه الجنه انا يما نصحته وقولتله بلاش جويريه يقولى بحبها قولتله ف حب يرفع وحب يموت
اكيد دلوقتى صدق

نظرت له بغيظ شديد
فضحك التؤام جايد وجايدن

فنظرت لهم وأشارت بسببتها عليهم قائله بحنق : بقا انتوا اخوات انتوا ثم حدقت فيهم بغيظ وقبل أن تردف شىء آخر وجدوا من يقتحم الغرفه

نظرت لهم مريم بغيظ : بتعملوا ايه هنا هو مش ده يوم التجمع والمفروض تقعدوا معايا

جايد بعدم فهم : انا معاكى انه يوم التجمع والمفروض نقعد معاكم مش معاكى

برمت مريم فمها وقالت بلامبالاه : كل زى بعضه ثم نظرت لجورى ها عرفتى بيخونك مع مين

هزت رأسه برفض ثم أشارت ع اخواتها قائله : مش راضين يقولولى

نظرت لهم مريم بتمعن وهى تقول بحسرة : ما هما اكيد مش هيقولوا عنه حاجه علشان بيستر عليهم ثم نظرت لجواد بشده

فقال بتهرب : انا رايح ازوار واحد صاحبى

مسكته مريم من ثيابه من الخلف قائله : ولد تزور مين احنا هنكدب ع بعض انجر انزل تحت واياك فاهم اياك انزل القيك مشيت

جذب جواد نفسه بقليل من القوة قائلا : هو انا مش باقى ع عمرى انا مستنيكى تحت يا معلمه

نظر لهم جياد ببرود ثم تركهم وذهب

نظرت مريم لجورى باستنكار : الولد ده طالع لأبوكى قوى

جورى بضحك : اه واللهى

نظر لهم جياد وجايدن بملل وقال جايد : انا نازل ها نازل مش ناقص جنان
جايدن : خدنى معاك يا عم نشوفوا مزه نعكسوها

جايد بضحك : هو حد قالك اننا عندنا حفله

جايدن باستغراب مصتنع : اومال ايه الصوت ده هو مفيش بارتى

جايد بضحك : لااا مفيش بارتى بس ف نفوس لازم نخليها تتصافى

نظر له جايدن بشر فبدلها الاخر نفس النظره بعد خروجهم نظرت مريم لجورى : مش عارفه ليه حاسه ان جايد وجايدن كانوا هيجوا ريا وسكينه بس حصل لغبطه ف الجنس

ضحكت جورى بقوة وهى تقول : تصدق نفس احساسى رغم انهم بقا عندهم عشرين سنه بس لسه تصرفاتهم من وهم أطفال زى ما هى

^^^^^^^^^^^^^^

جايدن بتأكيد : صدقينى يا منار دخلت عليه اوضة المكتب امبارح لقيته بيكلم واحده وبيقولها اهم حاجه تنيمى العيال علشان ميقطعوش علينا