#١٠٠_فرصة🖤
قدرت أبعد، وعرفت أعند ،حتى الهجر قدرت عليه،
شوفت القسوة بتعمل أي ! ••
_نرجع؟
_نرجع .
أنت واعي للي بتقوالة
عارف كام مرة نمت معيطه بسببك
عارف كام مرة أتوجعت بسببك، كام مرة قلبي بيوجعني عشان عارفه أنك بتخوني وبرضو بستحمل بغبائي
كام مرة تطلعني غلطانه وأنت الوحيد اللي بتغلط اصلًا، كام مرة أصالحك عشان أنت زعلت رغم إن أنت اللي غلطان بس أنا غبية بخاف علي زعلك بس قلبي يتكسر مش مشكلة المهم انت.
أنت عمرك ما هتفهم ، أنت محبتنيش ، اللي بيحب مش بيأذي وأنت كنت أكبر اذي في حياتي، عمري ما هفكر حتي إني أرجعلكك ، أنسي
بصلي ب غرور_ بتحبيني علي فكرة.
ضحكت _ كرهتك ضعف حبي ليكك .
_ مش هتقدري تعيشي من غيري.
_ أنت مش أُكسچين عشان مقدرش أعيش من غيرك، بالعكس دا أنا كدا بكسب حياة مُريحة ليا ، أنت مُتعب لقلبي ، حمل تقيل أوي و أنا مش قدة.
_ بقيت وحش دلوقتي؟
_ أنت وحش من الأول بس الحب غبي و اعمي، بس الحمدلله فوقت .
_ بطلتي تحبيني؟
_ يمكن، بقيت اشوف عيوبك، بقيت أشوف الجزء الوحش اللي فيك، و دا معناة إني بطلت أحبك، بطلت أبررلك عيوبك و أشوفها ميزة، العيب عيب، و أنت عيوبك لا يمكن تكون من واحد بيحب، اللي بيحب بيصون مش بيخون .
_ أنا أسف
_ يفيد بـ اي الأسف بعد كل دا ، لا قلبي هيرجع يحب، والا قلبك هيتغير، كلمه بتتقال و خلاص، يمكن لو الوقت غير دا، يمكن لو الظروف تانية ، أو لو كنت جيت بدرى شويا، ممكن أتقبل اسف بقلب واحدة بتحبك، بس حاليًا قلبي رافض يشوفك أصلًا فـ اسفك مش مقبول، هيجي وقت و أسامحك بس صدقني عمري ما هنسي، وعمري ما هرجع .
***-***-***-***-***-***-***-***-***-***-***-***-***
_وَحشك صح؟
_لا ، اللي كانت وحشاني بجد رجعت لي، نفسي كَانت وحشاني، بس هو لا .
_قدرتي تنسي بـ السرعة دي ازاي؟
_مش بسرعة والا حاجة ،هو اللي مسح حُبه في قلبي بكُل موقف عملة،
بكُل دمعه نزلت من عيني بسببة، أنا مش بياعة الحكاية كلها إني بستحمل ياما لحد ما طاقتي تخلص، مش الإنسان طاقة برضو، أنا بقا طاقتي خلصت .
***-***-***-***-***-***-***-***-***-***-***-***-***
_السلام عليكم
_وعليكم السلام، مين حضرتك
_أنا محمود اللي هيشتغل هنا جديد، بقالي ياما واقف بس حضرتك مش واخدة بالك .
_اها كُنت سرحانه، أهلًا أتفضل أنا مريم
_تشرفنا يا أستاذة مريم، وألا تحبي مريم بس ونشيل الألقاب.
_خليها مريم بس و بلاش الألقاب.
_اتفقنا.
***-***-***-***-***-***-***-***-***-***-***-***-***
_اة أخيرًا خلصت، معاد الغداء دلوقتي صح يا مريم؟
أنت تقرأ
الرُكن الهادئ•🖤.(قيد التعديل )
Short Story#اسكريبتات_شهد_أيمن• ••°°هُنا يوجد رُكنك الهادئ، هُنا تجد مثالًا لأحزانك و أفراحك و الكثير من الخيال الذي يجعلك تذهب عالم آخر بعيدًا عن ضجيج هذا العالم الذي نعيش فيه، هُنا تجد ذاتك••°°🦋🌼 🧚💙🌌
