_ أنا زهقت من العيشة دي، أنا مبحبكيش افهمي بقي
_تأكل برتقان؟
_بلاش برودك دا بتعصبيني
_طب تحب احضرلك الغدا ؟
_مش طافح
•سابني ودخل ينام، حقيقي قلبي واجعني أوي، قلبي بيوجعني كل مرة بيقول كدا بس مش بظهر دا،
مش ذنبي ومش ذنبة، أحنا اتجبرنا على الجوازة دي،
أو هو بس اللي أتجبر، أصل أنا كُنت بحبه، وللأسف مازلت أحبة، مفيش في ايعدي حاجه اعملها غير إني استحمل.))
-كُنت قاعدة بتفرج على التلفزيون لوحدى زي العادة ومستنياة، لقيت الباب اتفتح بهدوء وهو دخل قعد جمبي من غير كلام.
_حمدالله على السلامه يا مصطفى
اتنهد وبصلي_حنان، أنا أسف
اتوترت_أسف على أية؟
بصلي ب حُزن_ أنا حاولت والله بس مش عارف أكمل، أنا بظلمك وبظلم نفسي، أنا هكلم جدي و أفهمه أننا مش مناسبين لبعض.
-بداءت أتوتر و أنا لما بتوتر بعيط، بس حاولت اتماسك قدامه.
_يعني عايز تعمل اية؟
_احنا لازم نتطلق
قلبي وقف ساعتها "_نتطلق؟؟
_ايوا يا حنان
اتنهدت _تمام بس بلاش دلوقتي، فرح أختك الاسبوع الجاي وأحنا لازم ننزل البلد، بلاش ننكد عليهم، استنى بعد الفرح
_تمام يا حنان، شكرًا عشان فهمتيني
ابتسمت_لا على أية، أنا هدخل ألم هدومي وهنزل البلد .
_ استني هننزل مع بعض كمان يومين
_لا، أنا عايزا أنزل لوحدي ومتقلقش هقوالهم انك عندك شغل وإني أنا اللي عايزا أغير جو عشان كدا نزلت
_اللي تشوفيه يا حنان .
(•سيبته وقومت ألم هدومي، للاحظه تفكيري اتشل، حاسة أن دماغي وقفت، يعني كدا خلاص، حُب ١٠ سنين من طرف واحد راح في لحظه، أنا عارفه أنه مش بيحبني بس على الأقل كنت بحاول، مش عارفه أعمل ايه بس اكيد ربنا شايلي الخير، اكيد.)
(-خلصت و حاولت انام، بس مقدرتش، كل اللي قدرت عليه انيغ اعيط و بس،
من غير ما أحس لقيت الصبح طلع، قومت لبست وطلعت لقيته نايم على الكنبة، بصيتلة كأني بحفظ ملامحه، نزلت بُراحه من غير ما اصحيه، و ركبت القطر.
(••_ مش لو كنت حبتني في الاربع شهور دوال كنا هنكون مع بعض دلوقتي،
كان زمانا مبسوطين زي أي اتنين بيحبوا بعض ،
بس للاسف الدنيا مش دايمًا عادلة .•
_قلب جدك، وحشتيني يا بنتي
_أنت اللي وحشتني أوي، و وحشني حضنك اوي يا جدو
_طب تعالي في حضني يا بنتي
أنت تقرأ
الرُكن الهادئ•🖤.(قيد التعديل )
Historia Corta#اسكريبتات_شهد_أيمن• ••°°هُنا يوجد رُكنك الهادئ، هُنا تجد مثالًا لأحزانك و أفراحك و الكثير من الخيال الذي يجعلك تذهب عالم آخر بعيدًا عن ضجيج هذا العالم الذي نعيش فيه، هُنا تجد ذاتك••°°🦋🌼 🧚💙🌌
