#اسكريبت♪•|🖤
_ قوم يا بية
_ صباح النور يا حبيبتي..خير على الصبح
_ قوم بدل ما ازعلككك
_ يا بنتي نبرة صوتك واضحه انك هتزعليني اصلاا ..ها طلعت بخونك مع مين انهاردة..؟؟
_ مع ريم اللي معاك فالشغل البت المسهوكه دي ام شعر اصفر
_ والمصدر ؟؟
_ حلمت اني قفشتكوا وانا جاية افاجئك اني حامل
_ اي دا هو انتي حامل
_ تؤ تؤ دا كان حلم
_اديكي قوالتي اهو حلم..يبقي اخرسي بدل ما ابطحك ب طوبة اجيب اجلك
_ حاضر متزعقش الله
_......
_حمودي
_ هاا
_بحبك
_ماشي
_يا حودةة بقاا خلاص ماهو الحلم كدا متبقاش قفوش
_انا قفوش يا ستي سبيني ف حالي
_ متزعلش بقا 🥺
_ مش هضعف ..سلام
_ رايح فين
_اكيد مش رايح اتفسح رايح الشغل
_ طب مش هتفطر
_تشكري يا زوق سلام.
ومشي*
_ هو متعصب لي انا مالي ماهو اللي بيخوني فالحلم..صحيح رجاله غريبةة!!!!
((انا سلمي ..هادئة جدا ومش مجنونه خالص يعني ..متخرجه وعندي ٢٤سنه •
حودة حبيبي دا بقا الحته الجوانيه،،الحب الحب .. محمود اتقدملي جواز صالونات بس الحمدلله ربنا رزقني ب افضل زوج واخ واب وصديق ليا ..والاهم من كل دا راجل بجد ،،حبينا بعض وعايشين مبسوطين جدا ..متجوزين بقالنا سنتين ولسة محصلش نصيب اننا نجيب نونو بس هو مش بيضايقني بالموضوع ومستنين لما ربنا يرِيد ..اه بنتعارك ياما بسببي وبسبب تفاهتي بس مفيش أدني مشكله وبنتصالح عادي جدا ونشوف موضوع جديد نتعارك عشانه ،،التغيرر مطلوب برضو..😹 ))
_مساء الخير
_مساء الفل يا قمر ..نورت البيت يا حبيبي
يبصلها ب استغراب_الله الله ..دا طبعا عشان اللي حصل الصبح وعشان منكدش عليكي صح
_ با قافشني انت .. خلاص بقا يا روحي ..دعونا ننسي اخطاء الماضي
_وبعدين!!
_نخترع اخطاء جديدة عادي ..مش حوار يعني
_ يادي النيلة ..خشي حضري الاكل عشان جاي مفرهد ..افوق وبعدين نشوف الأخطاء القديمه والجديدة وكله
_ احم اصل
_ اصل وفصل .. انجزي
_ بص اصل يعني ،،صح انا نسيت اقوالكك
_ قوالي!!
_اصل الاكل دا من ضمن اخطاء الماضي
_ يعني؟؟
_ يعني نسيت اعمل اكل
وطلعت تجري))*
يرفع ايدة ويدعي_ يارب صبرني على البلوة اللي بلتني بيها يارب .. اعمل فيها اي دا اقتلها والا اولع فيها..
سلمي طلعت راسها من الباب"_طلقني لو مش عاجبك طلقني
_اطلقكك..دا هنفخكك على كلمه اطلقكك دي
_ الشبشب لااا ....هييييه مجاش عليااا
يرفع التاني_ بقا كدا ..طب قابلي دا
_اةةةة دا جيهه
_ احسن عشان تتشطري تاني يا حلوة وتقوالي طلقني
_اسفة 🥺
_ انا نازل
_رايح فين تاني
_ ف داهيه
_خدني معاك
_ ياااارب
سلمي بعد ما نزل _ انا لو مرات ابوة مش هيضايق مني كدا ..الولا دا غريب اكيد اكيد بيخوني ..!!
(بعد ساعتين يدخل محمود يلاقيها قاعدة مكانها )
_ متقوليش قاعدة كدا من وقت ما نزلت.. اي دا أنتِ بتعيطي ..مالك يع سلمي
_.....
_ سلمي ردي عليا
سلمي بعياط_اصل ..اص ل ..
_ اهدي اهدي ..انا مش زعلان خلاص والله ..وبصي جبتلك الاكل اللي بتحبيه اهو.
_ لا ..لا مش بيعيط عشان كدا.
_ اومال في اي اهدي واحكيلي
_ اصليي حامل
_ ايي ..مين حامل
_ ان ا ..انا اخيرا هنبقا اب وام
_ بجدد ..انتي عرفتي ازاي
_ بقالي كام يوم حاسة اني تعبانه وبطني وجعاني..انهاردة بعد ما أنت نزلت دوخت ..نزلت للدكتورة اللي ف العمارة انت عارف انها صاحبتي يعني وكشفت وقالتلي اني حامل واني لازم ارتاح.
((محمود قام حضنها ولف بيها))
_يعني هبقا اب .. الحمدلله..اللهم لك الحمد..انا بحبك اويي ♥️
_ انا فرحانه اوي ان هيبقا عندي حته منك
_انتي احسن حاجه ربنا ادهاني .. رغم انك بتطلعي عيني بس ربنا يعلم حبك ف قلبي اي..انتي ساكنه قلبي..فرحتيني بوجودك ودلوقتي فرحتيني اكتر بالنونو اللي هتجبيه ويشيل اسمي ..يارب يبقي شبهكك وشبهه قلبك ..بحبكك ♥️🌙
_انا بجد بحبك اوي.. ربنا يحفظك ليا ي احلي واجمل زوج فالدنيا ♥️♥️♥️
((بنقابل ناس تكون لينا سكن..تنسينا اي وجع واي حد عدي علينا ،،حياتنا تتلخص فيهم ،،يكونوا هما الحاضر والمستقبل ،،يكونوا الوطن اللي بيحتوينا♥️🌻))
#تمت♥️🖋️
رايكواا
#Shahd_Ayman🦋
أنت تقرأ
الرُكن الهادئ•🖤.(قيد التعديل )
Krótkie Opowiadania#اسكريبتات_شهد_أيمن• ••°°هُنا يوجد رُكنك الهادئ، هُنا تجد مثالًا لأحزانك و أفراحك و الكثير من الخيال الذي يجعلك تذهب عالم آخر بعيدًا عن ضجيج هذا العالم الذي نعيش فيه، هُنا تجد ذاتك••°°🦋🌼 🧚💙🌌
