البنت القوية💪🏻👩🏻

الجـزء الرابـع✌🏻😍

الكــاتبة:فـاطمة الشــمري

طبعاً ما ذكرتلكم شنو شغل إخواني(الچبير علي عندة سياره يشتغل بيها تاكسي وعنده راتب شهري يعني مكفي أهله وأخوي الوسطاني محمود ما يدرس مرات يروح للمدرسه ومرات لا يعني يروح بس حتى يرضى أبوي ما يحب الدراسة وكل يوم يشتغل شي يعني الشغل اللي يتوفر يشتغلة ومصطفى ما يشتغل المدلل الصغير بس يروح للمدرسة وما يدرس يعني مو شاطر🤷🏻‍♀️☹️

محمود:آني چنت كلش ذكي بس ما أدرس أبد وما أحب المدرسة بس لو دارس ومتعب نفسي چان طلعت من الاوائل والله😂😂😂
چنت اروح المدرسة بس حتى أرضى أهلي وأبوي ومرات أغيب لو حصلت شغل مرات ادوام الظهر والصبح أشتغل لأن مثل متعرفون شاب وأحتاج الفلوس ومرات جمعة وسبت يعني أحصل الشغل أشتغل
شفت الوضع هيچ وجتي فترة الهجرة كل الشباب هاجرو
فكرت بهالسالفه خذت وياي مدة أفكر أنو أهاجر بالاخير جيت لأبوي

محمود:ها يابه إشلونك
الأب:هلا بابا
محمود: بوية آني جيتك بموضوع وأريدك تساعدني بيه
الأب:خير....
محمود:بوية آني أريد أهاجر وإنت مو عندك إقامة بتركيا إنروح ع تركيا ومناك نسأل ونعرف التفاصيل وانروح
الأب:لا بابا ماكو طلعة من العراق وبعدك صغير اشلون تروح
محمود:لا بويه اني الفكرة هاي ببالي واريد اروح
الاب:ماكو طلعة من العراق،هو اني چم واحد عندي هو انتو الثلاثة هين عليه أعوفك تعيش بالغربة بعيد عني؟؟!
محمود:بويه أولاد عمي كلهم طالعين بالخارج(بالنرويج) واني اروح اعيش يمهم مو وحدي
الأب:صمت.......ما حچة ولا حچاية لأنه ما راضي
محمود:ها بوية شگلت
الاب:يصير خير😶
إجتي فترة ماكو أبوي ما راضي بعده
محمود:يابه آني باچر اروح اسوي الجواز حتى چم يوم وأطلع واريد مساعدتك لأن ما عندي فلوس إعتبرهن دي
الأب:اني گلت ماكو طلعه من العراق
محمود:تمام،فاطمة غسلي الزِّي العسكري مالتي باچر اروح أسجل بالحشد الشعبي اني شاء الله
فاطمة:يا علي دخيلك إشبيه محمود🤦🏻‍♀️🤦🏻‍♀️🤦🏻‍♀️!!!!

طبعاً ابوي من شأفة هيچ قافل گله تمام سوي الجواز
لأن مثل متعرفون ميحب ايشوف إبنه ايروح من ايديه شهيد( چان الوضع كلش مو زين)
گعد محمود ثاني يوم راح سوا الجواز
أخذ من أبوي فلوس راح جهز الجنطة مالته مالت السفر واشترت ملابس وكلشي
وراحو حجزو تذاكر وطلعو ع تركيا هو وأبوي وبس
أبوي رتبها إله مناك من تركيا حتى يهاجرون
يطلعون بالأول ع اليونان وبعدين ع البلد اللي هو ايريده

راح محمود ع اليونان ورجع اأبوي
محمود راح عن طريق البحر يعني ومرت ثلاث أيام وماكو اتصال من محمود
هنا أبوي تسودن واني هم وكلنه گلبنه عنده
خفنه صاير بيه شي
وماكو أبوي يبچي وأمي تبچي 💔💔💔💔
بالأخير........

يتبع........
تصويتات وتعليقات بليززز اللي تعجبه القصة خلي ينشرها❤️✌🏻

Love u all❤️☹️