كاتبة الريواية "مني العماري"
صورو خوتي كم صوره مع خواتي ومعش قدرو يمسكو دموعهم طلعو وعيونهم مرغرغات🥺😢
اول ماطلعو لحقناهم انا واسماء واضبطناهم وقعدنا نبكو وهما ايطبطبو علينا انا مسكني محمد واسماء احمد
محمد: هششش كنك ياهبله ليش لبكا هذا كله
انا: مانبيش حنونه تطلع من حوشنا واعرا طلعتها😭😭😭
احمد: خلاص تو اتجيكم وتمشولها توا هيا اسمت علي اسم رااجل
محمد: خلاص سلم خيتي عدي امسحن ادموعكن تو اتشوفك حنين تقعد تبكي وبدال ماتعدي لحوش رجلها عروس اتعديلا غوله' وضحك😂🙂
احمد: حي علي جد المنضر بعدها🤦🏻♀️😂😂😂😂
انا: نمسح في عيوني ونضحك' خزي صامطين😂😂
اسماء:😂
خشينا للقاعه وجت عمت حنين حنتها والفرقه اتغني عليهم بعدين رقينا طبور وااحد وبنضام والفرقه اتغني حنينا اسيل وماما هدتها خاتم ذهب
انا: بصوت عالي' ريهام ادم بيخش ادوي للفرقه
ريهام: هيا هي
خش ادم وكان محلق جديد وريحة عطرة ماليه القاعه ماسك ماما من يدها وواخذ باقة ورد
الفرقه: خلاص تواطن يالعيون...خلاص تواطن
البنات: يااالعيوون
الفرقه: خلاص توااااطن
البنات:ياااالعيووون
الفرقه: الغالي درنالا وشووون..الغالي درنالا وشون
البنات: وووووه 👏🏻👏🏻👏🏻👏🏻
الفرقه: الغالي مووش اخساره فيه......عروسه في حوشه اتسليه
البنات:: العب العب👏🏻👏🏻👏🏻👏🏻
ادم باس راص ماما ويده وركب ع المسرح قرب من حنين اضبطها وبركلها وجا مقابل اسيل وكانت الفرحه باينه في وجه قرب منها ورفعلها البرنوص وعطاها الباقه باس راصها وسلم عليها بالخد وبدلو الدبله
ادم: مبروك علينا ياحلااالي ♥😍😍
اسيل: ترعش' الله ايبارك فيك حبيبي 🥺😊
الفرقه: تربينا ترباية بر ...... عصارة كيف الطير الحر
شيرلي ادم ركبتلا واضبطته وصورنا انا وماما واسماء وحنين واهل اسيل وقصو القاتو وقال بنطلع خلاص
الفرقه:كيف الصقر ايحووم وراهاا.......سكر راصه لين خذاها
البنات: اياااياايايي👏🏻👏🏻
الفرقه: اجعن ليلتهاا ضااويه
البنات: كيف طريق الزاويه
أنت تقرأ
اول حب ❤
Romansaحكايتنا علي بنت ليبيه ماتعرفش شن معني الحب وماجربتش ولا مرة ولا عمرها حست بيه لعند جاها يوم وحبت ول أول مرة. كيف بتكون حياتها! وهل بتوفق في اول حب لها ولالا؟؟ ❤❤ الريوايه بالهجه الليبيه😊
