#قضيه_زواج للكاتبه|| امونهه المطرشقة {مكتمله}

1

#قضيه_زواج

قناتي تلجرام رواياتي كلهن غادي
☟

https://t.me/amoona190
☟
#حسابي ع لانستا ; https://instagram.com/amona_amon13?igshid=1gjb2fomktg50

المقدمه و الحلقه 1

بطله الروايه اسمها نادين بنت في عمر ال20 سنه
مواصفاتها طويله بشرتها قمحاويه عيونها واسعات فم كرزي و شعر و عيون ع لاسود بنت هاديه شخصيتها ضعيفه ..
امها فاطمه شخصيتها ضعيفه زي بنتها و تحب صغارها
عندها اخين وليد اكبر منها بسنه و فادي اكبر منها بثلاث سنوات شخصيتهم وحده صعبين هم لاثنين و ح نتعرفو عليهم ف احداث الروايه ..باتها متوفي..

#گتآبآت_آمونهہ_آلمطـرشقهہ🍂🥀

________________________
نادين واقفه ع المرايه مبتسمه و شافت فونها يرن رفعاته طول
نادين:صباح الورد يا عمري
معتز(حبيب نادين): صباح الحب غريبه الوعيه بدري
نادين:قلت نكسر الروتين
معتز:دوم ان شاء الله
نادين:وووه يا بيبي حتى نوتي حاسدني فيها
معتز:الحق حاسدك ع النوم
نادين:ووك
معتز؛المهم انحبك
نادين:نموت فيك
معتز:خلاص عندي شغل انا تو
نادين :ربي يرزقك ان شاء الله و يعاونك
معتز: مادام ا تصبحت على صوتك متفائل بيومي💜
نادين:ربي يخليك ليا
معتز:ولا يحرمني منك ...

نادين سكرت الخط و قعدت مبتسمه و طلعت من الدار
فاطمه:صباح الخير وين مصحصه اليوم
نادين:صباح الورد
فاطمه،:تعالي افطري معاي انا و وليد
نادين:حاضر نصلي و نجي
فاطمه :باه و مشت من جنبها و حطت الفطور ع لارض
وليد :خلاص يا امي الموضوع تم
فاطمه:ان شاء الله خير يا ولدي
وليد:ان شاء الله
نادين قربت منهم:صباح الخير
وليد م رفعش راسه:صباح النور
فاطمه اقعدي افطري
نادين قعدت بحداها مصادره وليد و تشوفله و هوا ياكل
وليد في لحظه رفع عينه و وجه قعد احمر
وليد:شنووو الخرا الي امدايرتيه على وجك
نادين:شنو والله مش دايره شي
وليد:تشوفي فيا احمار انا م نفهمش
نادين :والله مافي شي على وجي
وليد بصوت عالي:ما تحلفييييش كدبب ما تحلفييش كدب
نادين؛ انا ما نكدبش
وليد :و تردي اخرههه و خدا صحن الجبنه خبطه في وجها
فاطمه،:الله يا يربحكوالبنت مش دايره شي فيي وجها تضربها قداممي
وليد صبى و نزل جلابيته و لبس طاقيه و سباط و طلع
فاطمه قربت من بنتها تمسحلها في وجها من الجبنه و دم من اثار الخبطه
نادين:انا شن درت باهي بش يعاملني هك؟اه
فاطمه:ربي يهديه من بعد ما خش ع الجماعه هذوما تغير ربي يردلي ولدي زي قبل😔💔
نادين ضمت امها بدون دموع ولا بكي مستغربه من تغير خوها
فاطمه :ربي يهدي النفوس
نادين قامت غسلت وجها و رفعت السفره غسلتها و ردت ل دارها رفعت فونها لقت مسج من معتز
معتز:ادعيلي في شي اليوم لو صار منه ح نجي نخطبك طول
نادين ابتسمت و غمضت عيونها و قعدت تدعي لربي انها تكون حلاله و الموضوع الي قال عليه يسير منه ردت رقدت...

ع الساعه 2
فاطمه:بنتي نوضي تغدي و ديري كيكه و حاجه نحطوها لعيت عمك جايينا ع الغشاء
نادين: والله ما جوهم يا ماما عارفتني ما نقبلهم قوليلهم مش قاعده ولا اي شي
فاطمه:عيب عد هم كم ساعه تحمليهن بالطول ولا بالعرض
نادين:اووووف يا ماما
فاطمه:استغفر الله العظيم طلعت من الدار
نادين قامت لفت شعرها و طلعت بكل قوه و اندفااع تجري خبطت في فادي
فادي:تي شوفي قدامك الزحح المفروض نديرو مطبات فالحوش بش تهدي السرعه
نادين:تي نحي من قدامي مش وقت غلاستك ع الصبح
فادي:اووي اي صبح عشيه توا
نادين:اللي هوا مش جوك عاد و مشت تجري بنفس السرعه للمطبخ
فاطمه مكشره:حطيت الغداء هي
نادين:به و طلعت و قعدت جنب وليد و نست طحنت الصبح
وليد:شنجو
نادين:بيك احلو يا نصي
وليد طلعلها شكلاطه من جيبه
فاطمه ابتسمت و بدت تاكل
نادين بعد ما خدتهت اذكرت و قلبت وجها عليه 😂البطن اولا✋😂

فات الجو عادي و بهدوء و رفت السفره و مشت للمطبخ غسلت العوايز و قعدت ع الطاوله
نادين:ندير كيكه و شنو و شنو و شنو لا اولا و حقربي ندير كيكه عجايز و قهوه والله ماني متعبه روحي على خلايقهم السود و اسرع شي سندوتشات قرل حتى بيتزا خساره فيهم 🥴

و بدت تجهز ف حدود ساعه كملت و بخرت الحوش و دارت قهوه لروحها و فتحت نت

فاطمه:الباب يخبط له ساعه كنك م تفتحي
نادين:حاطه السماعات م سمعتش
فاطمه:و كيف سمعتيني تو
نادين:لاغنيه كملت🙂

و سمعت صوت امها فتحت الباب و حبايب قلبها خشو

نادين اوووف ضروري انجامل تو و ابتسمت ابتسامه مستفزه و تسلم بأطراف اصابعها عموما عيت عمها ما كانوش معملتهم معاها واو لا كان شعور الكره بينها و بينهم متبادل

#گتآبآت_آمونهہ_آلمطـرشقهہ🍂🥀

فاطمه:يا مرحبتين اقعدي اقعدي تفضلي يا زاهيه
زاهيه:زاد فضلك يا يام
نادين في عقلها :اخخخخ سدك غير مشيتها تقول بطريق و مولود جديد

فاطمه عطتها نظره بتاع صبي جيبي عصير و و هي ولا على بالها تبتسم و تشوف لبنات عمها لاثنين سليمه و منيه و تجامل فيهن
فاطمه مقهوره من بنتها و حركاتها و جت صبت و نادين وراها طول منعاا للاحراج
فاطمه:تي حطي عصير نقول لي سااعه عيب عليك
نادين :اوووف يا امي تو نحطلهم سم
و بدت اطلع ف السفره و تصب ف العصير سمعت باب المطبخ يخبط بهدوء
نادين:وووك اكيدا فادي ماحد يدير حركات الحيوانات لاليفه إلا هوا
و الباب يخبط اخره
نادين بصوت عالي:تي يا فادي مش جوك راجي شوي
و مشت قدمتلهم عصير و شكلاطه و قفت عند منيه و عفست على رجلها
منيه:ااه ما تشوفيش انتي
نادين:وووك اسفه ما شفتك
منيه مع نظره تقتل:لا عاد
نادين حطت السفره و ردت للباب للباب فتحاته

مازن:يا مرحبا
نادين:انت شن تببي هنا مش في باب تاني و في مربوعه
مازن مسك يدها
نادين:حركات المعيله و قلت الادب الي ادير فيها للعا.. الي زيك م اديرهنش ليا انت فاهم و جت تشد يدها مازن شد يدها الثانيه
نادين:تي شن تبي
مازن:نبيك وافقي بس و ربي بكره نجي نخطبك
نادين:مستحيلاا انت بالنسبه ليا ولد عم بس ولا اكتر ولا اقل
مازن:بس انتي بالنسبه ليا اكتر و مازن بعد يبي شي ياخده
نادين:مش انا يا مازن مستحيلا نتزوجك لو كنت اخر شخص ف العالم على جثتي انت فاهم
مازن قرب منها...
منيه....

يتبع...

هذي كانت مقدمه الروايه بش تعرفو بس الشخصيات و لاحداث يبدو من الحلقه 2💜
طبها ح يقعد النشر كل يومين حلقه و لو فضيت تكون في حلقه اضافيه