#قضيه_زواج للكاتبه|| امونهه المطرشقة {مكتمله}

6

#قضيه_زواج💔

قناتي تلجرام رواياتي كلهن غادي
☟

https://t.me/amoona190
☟
#حسابي ع لانستا ; https://instagram.com/amona_amon13?igshid=1gjb2fomktg50

الحلقه 6

ندى:في شي غريب ساير شوفي الرجاله كلهم جنب بعضهم نادين ناادين نادينن و فجأه البنات كلهن التمو عليهم ندى طاحت ع لارض تبكي

نادين فاقده الوعي ايفيقو فيها و يشربو فيها ف اميه مافي حد فاهم ولا شي و خيرها شن شافت
ندى قربت و خذت فونها و قرت اخر مسج جاها
المرسل (نصيبي) الرساله 《 اسف كنت بنكمل حياتي معاك علاقتنا تو انتهت شوفي حياتك بدوني..... معتز 》

ندى طاح الفون من يدها:لا مستحيلا يكسرها لا مستحيل يخذلها و يسيبها يوم عرسها
منيه داروحها مصدومه و تبرم و مبتسمه و بعدها شافت فادي و وليد خاشين للقاعه قربت تجري و كانت لابسه فستان اسود لي فوق الركبه حطت شعرها بالجنب و مشتلهم ع اساس مشغوله على نادين
منيه :وليددد فاادي ووليدد وليدد
فادي بتكشيخ؛نعمم
منيه دموعها نزلو:نادين مغمى عليها ماعرفناش خيرها ارفعوها للمستشفى
فادي :ترا قولي للنساوين يخشو جوا
منيه :به
و مشت تجري داروحها تغري فيهم بدبشها
منيه؛معليش خشن جوا معليش وليد بيخش و قال ما نبي نشوف حد هنا

في ثواني ماقعد حد غير ندى الي مصدومه و نادين طايحه ع لارض و دمعتها ع خدها و فاطمه مش فاهمه شي
فادي خش يجري بعد شاف اخته ع لارض
فادي:احكي شن صاار شن في
ندى بصوت مخنوق:العرس خرب العريس ما بيجي
وليد:الفرحح ح يتمم مافي شي خرب
نادين :ههه عرس بدون عريس تضحك على من انت
وليد:مستحيل نخلي سيرتنا على كل لسانا
نادين تبي تحكي و فونها رن لقاته معتز ردت طول
نادين ابتسمت مع دموع ينزلو :حبيبي علاش البصاره البارده هذي فجعتني ياروحي
وليد&فادي يشوفولها بصدمه
نادين:حبيبي رد علاش البصاره هذي مش عارفني نخاف منها
معتز: انتي ان تي انتي طالق طالق طالق
نادين دموعها ينزلو و تضحك :هههههههه هههههههه
ندى:خيرك بسم الله
فاطمه:كنك يا بنتي شن في بسم الله عليكك و قعدت تخبط فيها على وجها

نادين:ههههههه قالي طالق ههههه طلقني ووووه اطلقت
فاطمه ضمتها و قعدت تبكي و نادين تضحك بهستيريا
وليد و فادي طلعو
ندى تشوف لصاحبتها تنهار في اسعد يوم ف حياتها و ايديها امربطات ماعندها كيف تساعدها
نادين بدت تخف ضحكتها بالتدريج و تتبدل ببكي و تردد في كلمه وحده :طلقني طلقنيي طلقني

ⓘⓝⓢⓣ: amona_amon13

گتآبآت_آمونهہ_آلمطـرشقهہ🍂🥀

وليد :كيف بنواجهو النااس تواا بنتنا يوم عرسها تطلققق اااه قوليي شن الحلل
فادي: ا و يقاطعه مازن

مازن:الحل عندي يا خوي ولا تواطي راسك و بنت عمي نعرفها ما ادير العيبه
وليد شافله و قعد ساكت و فادي نفس الشي و في لحظات اتفقو شن يديرو و شكروه ......

منيه واقفه تشوف في خطتها صار منها او لا و بعد شافت وليد و فادي راجعين ابتسمت انه صار من الي في بالها

فلاش باق...

منيه:ااه مش قتلك
مازن:تي سكري الباب و اسكتي مش جوك
منيه:عندي لك فكره بمليون
مازن :شن هيا
منيه:بس نتفقو ع المقابل قبل
مازن تم الي تبيها

منيه :تخلي كل شي يمشي طبيعي تنخطب تجهز روحها و يوم عرسها تقعد لك بدون اي مجهود منك

مازن:كيف
منيه:انت طبعا ولد عمها و نحنا عندنا حاجه اسمها ولد العم يقدر يحجر بنت عمه
مازن:اها بسس
منيه:استنى انت مش ح ادير هكي حرفيا لا
مازن:به نسمع
منيه:يوم العرس تجي هيا من المزين للقاعه وقتها راجلها ح يكون قريب يجي و جو زفت الرجاله و كذا المهم هذي ادبرها انت و شطارتك اطلع العريس قبل الزفه ما تطلع بشوي و تعلم هله انه العرس ماصارش منه من موبايله تبعت مسج و في نفس الوقت ينبعت مسج ل نادين
مازن:بس تبيلها مخمه
منيه:صدقني ساهله يجره واحد للسياره بالحكي و بعدها يولع السياره و يكون ف اثنين وراه ف مايقدرش يطلع لانهم ح يمسكوه
مازن:كويس بكل بعدها هك مازالت مرته انا كيف بتكون ليا
منيه:ساهله بكل بعد يكون مع الرجاله خليهم يفتحو موبايله اكيد ف صور ليها او صور شخصيه لي اهله يبتزوه بيهن او يعذبوه عاد هذا شغلكم المهم انهم يخلو يكلمها يطلقها و اساسا مش ح يتعبو معاه لانه اسلوب التهديد بفعل هوا يشوفه يمشي
مازن:اي
منيه:خلاص بعد الفرح يكون بيخرب انت ح تجي و ما تستر على اختهم و تنقض الوضع عاد طارزان😂 و ح يكونو شاكرين لك و هيا بما انه جوازها ما تمش ف مش عليها عده و تاني يوم تقدر تجيب الشيخ و تتزوجها و وقتها الطلب الي نطلبه يتنفذ

مازن:تمام بس قصدك يسير منها؟
منيه: هذي انت و شطارتك بس خططي انا مستحيلا يفشلن
مازن:شن ندير انا تو يعني؟

منيه :عيش دور ولد العم الحنون الي زي لاخ و خايف عليها و خلينا نحنا نقيمو عرسها
مازن:متأكده

نرجعو لاحداثنا

وليد : حيتم الفرح
فاطمه:كيف ما تقعد غبي
وليد:ح تتزوج مازن
فاطمه:على كيفك هيا
وليد:اكيد مش على كيفها اقل شي الناس مايحكو علينا
فاطمه:خلي الناس تحكي كلامهم ولا سعادتها
وليد:ولد عمها حجرها و خطبها هذ اخر كللام
نادين:انا مش متزوجهه حد انت فاهم
وليد:مش وقتك توا
نادين:انت الي مش وقتكك
وليد ضربها كف:نحنا درنا الي تبيه تو دورك
نادين سكتت
طلعو برا و العرس بدء يمشي عادي و كل اارجاله يحكو حجرها ولد عمها و يفتو حرام او حلال

#گتآبآت_آمونهہ_آلمطـرشقهہ🍂🥀

نادين قعاده ع المسرح و تشوف ف مازن جاي من بعيد و بلحظه حساته معتز ابتسمت و بعد قرب منها اختفت لابتسامه

كل الناس تشوف و تحكي كيف مازن هوا العريس

مازن؛ولو عفوا مش ضروري تشكريني
نادين:مستحيل تفكر اني ح نقعد ملكك
مازن:مع لاسف هذ الواقع ضروري تتقبليه
نادين وقفت و ...

يتبع💛

حلقات قصار عارفه بس اهم شي مع دراستي م نفواش فيكم