#قضيه_زواج للكاتبه|| امونهه المطرشقة {مكتمله}

4

#قضيه_زواج

قناتي تلجرام رواياتي كلهن غادي
☟

https://t.me/amoona190
☟
#حسابي ع لانستا ; https://instagram.com/amona_amon13?igshid=1gjb2fomktg50

الحلقه 4♥️

ندى قربت من الباب و ردتلها
ندى:هههه خيرك العرب بيطلعو علاش خفتي
نادين:تخيلي كنت متوقعتها ادير اي مشكله
ندى؛من
نادين:منيه
ندى:مش للدرجه هذي يا نادين راكي اووفر جدياات
نادين:في شي امخوفني والله
ندى:ان شاء الله خير

فاطمه:تعالن هنا العرب عدو
سليمه:هي ي اعميمه نغسلو العوايز و نجو
فاطمه:خلاص ي بنتي كثر خيركن نصبولكن ف فراحكن تو تجيهن نادين
نادين:وووه يا ماما خليني انحس اني عروس اشوي بس
فاطمه:عروس شنو الستر العرب مازلنا ماوافقنا عليهم اصللا
نادين:ناقص غير ترفضو نهربلكم معاه بعدها
زاهيه:😂😂ريتي البنت
فاطمه:ماعد في حشم بكل
نادين قعدت جنبهن:انا واضحه جدا معاكم و انا عندي شحم لاكن حشم ما حشم ما تمسكوهاش علي

وفاء:لا اطمني يا بنتي ره عمامك و خوتك وافقو اول ما عرفوه
نادين:لولولولولولولي
ندى قرصتها:حيي ع العار افطني انتي شن اديري
نادين:تي خليني فرحانه للنم
ندى:ربي يدوم عليك فرحتك
نادين :ان شاء الله

فاطمه:هي صبي ديريلي العشاء و حسابك بعدين
نادين:ووووه عليااا
وفاء:ربي يهنيها ان شاء الله شفتي فرحتها ياخيتي ان شاء الله ديما فرحانه
منيه بصوت واطي:نوطره ح تشوف اللفعه شنو بيسير فيها كان ما قعدتلي خدامه

فاطمه:خيرك ساكته يا مني
منيه:لا شي يا اعميمه

نادين:خلي ي سليمه ح نكمل انا
سليمه ابتسمت: لا تو نساعدك اصلا ماعد في حوسه واجد
نادين:خيتي سلمها بنت العم الحره
سليمه نزلت راسها بعد شافت فادي قاعد:سلمك
ندى:ناادين طالعه تبي شي
نادين:خليك تتعشي عندنا
ندى:تبي ست الحبايب تذبحني ما نقدرش نطول فهمتي ما نسوقش فالليل
نادين:نوصلوك انا و فادي
ندى:لا شكرا هي باي
نادين:سكري الباب وراك😂
ندى:تفو به

فادي:حطولي اي حاجه ناكلها جعان
نادين:راجي العشاء
فادي:وحقربي ماعندك وج انتي ديريلي يا سوسو
سليمه:من
فادي:في سوسو غيرك
سليمه :اه احمم حاضر ح نديرلك
فادي:تمام بعد اتجهزي كلميني
سليمه:به
نادين:المفروض قلتيله لا
سليمه:انتحشم بعدين اصلا في من الموالح زادو ح نحطهن له
نادين:به زعما شندير عشاء
سلبمه؛واللهي ماني عارفه شوفي اعميمه
نادين:اوووف ح تهزب
سليمه:معناها ديري اي شي عادي
نادين:ح نشوف
و قعدت اتفكر ف الاخير طلع معاها رز و شربه

سليمه اتخبط على باب دار فادي
فادي:خشي
سليمه خافت بس خشت بسرعه ماشافت حد حطت السفره و طلعت تجري

نادين:بسم الله صوت قلبك نسمع فيه عن بعد
سليمه:اه لا بس خبطت يدي ف الباب
نادين اها به و قعدت تجهز

#گتآبآت_آمونهہ_آلمطـرشقهہ🍂🥀

بعد وقت نادين حطتلهم العشاء و عيت عمها مشو و عمتها وفاء قعدت عندهم و هيا نهت حوستها و مشت لدارها

نادين شدت فونها ووه واخيرا قعدت و رنت على معتز
معتز:ايوا
نادين:شنجو
معتز:تمام و انتي
نادين:خيره جوك متنكد ف احلا يوم صار معانا
معتز:ولا شي
نادين:ما خاطركش تدوي معاي
معتز:تبي الحق
نادين:اي
معتز ماخاطريش نسمع حد حاليا
نادين:بس انا مش اي حد
معتز:هي سلام

نادين عزقت الفون جنبها و قعدت تبكي لحد ما خداها النوم

.........................................
في صبح ثاني يوم و امل جديد بالحياه

معتز:امي انا طالع و اليوم ما ادورينيش بايت برا.
امينه:غير خلينا نحكو
معتز:بالجو توا ماليش خلوق نحكي ف شي
امينه:تي خيرك من الصبح انت ماهو الي تبيها درتها و مشينا للبنت و طلبناها من هلها و موافقين والله حيرتنا معاك يا ولدي شن تبي بالضبط
معتز:بعد نعرف روحي شن نبي ح نقولك صدقيني
اميننه:ربي يهديك بس
معتز:يهدينا جمععيا و طلع من الحوش و خش للسياره ولعها و حرق العجل و طلع بسرعه...

رفع فونه و رن على اول رقم شافه قدامه
معتز:تعال للاستراحه بروحك كان انت راجل
جمال:راجل و غصبا ع الي جابوك
معتز:معناها تعال بروحك
جمال؛تم ساعه و نكون غادي و نشوفو من الي مش راجل
معتز سكر الخط و مشا للاستراحه

...........

نادين وعت و تفتح ف عيونها بالغصب و تشوف جنبها و رفعت الفون كانت متوقعه تشوف رنه او مسج من معتز بس للاسف ماكانش في اي شي نزلت دمعه من عينها و مسحتها طول

فاطمه:صح النوم
نادين؛جعانه بناكل
وليد،:صبح يا فتاح قوليلنا صباح الخير بس
نادين:مش جوك يا وليد و قعدت ع لارض و بدت تفطر
فاطمه مشت للمطبخ بدون ولا كلمه عرفت بنتها متضايقه

وليد :حق ما سألتكش موافقه انتي
نادين:على شنو
وليد:على الراجل الي جي طلبك
نادين:اكيد اموافقه مش انا الي جبته🙂
وليد:شنو شنوو
نادين:زي ما سمعت و بدون نقاش مش جوك اولا ثانيا خلاص خطبني
وليد:صبر ياربي و عزق االكبايه الي في يده و طلع

فاطمه شافاته طالع و هي ف المطبخ طلعتله تجري :تعال يا وليد افطرر بس و بعدها تو تطلع
وليد سكر الباب بقوه و طلع

فاطمه:اووووف ربي يهديكم و يصلح حالكم
نادين:يهدي عويلك انا ربي هاديني غير كان ماحد يجي شوري بس
فاطمه مش من بحداها

نادين قعدت ساعه تاكل و رفعت السفره و كل ثاتيه تشوف للفون ع امل تشوف شي من معتز بس مع لاسف مابعت شي اخر شي رقدت

_________________
معتز قاعد جوا السياره قدام باب لاستراحه :والله نوريح فرخ ال###
و شاف سياره جايه من بعيد بس ماكانش فيها واحد و في ثواني الشارع كله سيارات و نزلو ناس شدوه و سكروله عيونه

معتز:واللهي تشووف اااه تتناصرو عليا دايرلي روحك راجل و جايبهم يشدوني غيرر تعالي راجل ل راجل واللهي نوريككك يا###
و فجأه.....

يتبع