#مدحت_وسمر الجزء التالت
اااااااه يا دماغي أنا فين وايه اللي جابني هنا
أنتم مين ؟
سمر: اهدى يا مدحت انت في بيتنا وده ابويا الأسطى حنفي ودي أمي الحجه انصاف
مدحت : هما دول إليّ هيعملوا عليكي ملوخية صح هو أنا جيت هنا ازاي؟
الأسطى حنفي: حمدلله ع سلامتك يا بني انت كنت بايظ خالص نزلت جبتك من تحت قدر ولطف
مدحت : متشكر أوي يا أونكل ممكن التليفون بتاعي زمان ماما قلقانه عليا وبتعيط
سمر: فعلا رنت عليك كتير وانا مرضتش أرد عليها أمسك كلمها
مدحت : ايوه يا مامي شوفتي إليّ حصلي أنا اغمى عليا ووقعت من طولي روحت احضر فرح في شارع القرد إليّ بيتنطط
سمر: النسناس الشقي
مدحت : ايوه صح شارع النسناس واحد قالي لازم تضرب دي ...لا يا ماما مضربتش بنت
ا
سمر: يا مدحت طمنها واخلص انت بترغي كتير ليه
مدحت: خلاص يا ماما أنا بقيت كويس ابعتيلي هيثم ياخدني أو وائل ابن خالتو
سمر: هو لسه فيه وائل وهيثم يا بني ارحم أمي العيانه
مدحت : خلاص يا ماما أنا هتصرف... سلامه
مامتك مالها يا سمر الف سلامه عليكي يا طنط عفاف
الحجه أنصاف : اسمي أنصاف يا روح طنط اما اروح أعملك لقمه تتقوت بيها
مدحت : ياريت لو عملتي من سمر ملوخيه تحطيلي شويه في اللقمه يا طنط
سمر : صبرني يااارب انت يا بني تاكل وتعتمد الله مش عاوزه اشوف وشك تاني
الأسطى حنفي: عيب يا سمر ده ضيف عندنا خد راحتك يا بني ده بيتك
مدحت: متشكر يا أونكل حضرتك مذواق اوي
سمر : ايه مذواق دي انت بتألف لغه اسمها ذوق
الأسطى حنفي: دمه خفيف الوأد ده يا بت يا سمر
سمر: اهاا تاخذه تعلقه على باب الورشة
الأسطى حنفي: فكره يا بت يا سمر هو أصلا شبه فرده الكوتش النايمه
مدحت: دي حفله صح انتوا بتحتفلوا بيا
سمر: لا بنحفل عليك فيه فرق ومالك فاتح بوقك وبتضحك واحنا بنشتغلك انت عبيط يلااا
الأسطى حنفي : عارفه يا سمر لو سبتك مع الوأد ده سنه بحالها مفيش خوف منه بالعكس أنا أخاف عليه منك والله استأذن أنا اروح الورشة
سمر : مع السلامه يا كبير أبقى هاتلي معاك حاجه حلوه ...... استني كده يا بابا ده فيه دوشه في الشارع شكلها خناقه تعالى نتفرج
مدحت : أنا كمان عاوز اتفرج
سمر : يالهوووي يا بابا ايه الست إليّ زي القمر دي ايه إليّ جابها هنا
