#مدحت_وسمر الجزء الخامس
قسم الشرطه
خشي منك ليها لحضره الظابط
سمر: متزوقش طيب ...ايه ده أمال الظابط فين يا ماما المكتب فاضي
أنصاف : أنا عارفه يا سمر ربنا يستر
سمر: يستر ايه بس ده إليّ احنا عملناه ناخد فيه مؤبد ...
أنصاف : يمكن يطلع ظابط ابن حلال ويخرجنا هو اسمه ده إليّ على المكتب ؟
سمر: والله ده لو بيحج كل يوم ما احنا خارجين
آه اسمه ايه ؟؟؟؟.......النقيب/حماده هاني
أنصاف : ههههههه اسمه مسخره
سمر: ما احنا في التجمع لازم الظابط يبقى حماده
اهووو جه استر يارب
حماده هاني: اهلًا اهلًا اتفضلوا اقعدوا
أنصاف : شكله ابن ناس يا بت يا سمر يزيد فضلك يا باشا
سمر: أنا مش مطمنه خالص
حماده هاني : لا إنتوا فهمتم غلط تقعدوا مقرفصين ع الأرض مش أدامي علي المكتب
أنصاف : طيب ينفع اربع رجلي أنا زي أمك
حماده هاني : ليه قاعده ع الطبليه بتخرطي ملوخية
سمر: خلاص يا ماما حاضر يا حماده باشا هنقرفص
حماده : ايه بقي عامليلي بلطجيه
أنصاف : يا باشا الست الحربايه دي خطفت جوزي عاوزني اسكت
حماده : خالتو باكينام حربايه نهاركم اسود قضيه كمان سب وقذف
سمر : كان لازم أتوقع مش حماده أهي طلعت خالتو
حماده : إنتي يا بنت تعالي هنا فين بطاقتك؟
سمر : أهي يا حماده باشا
حماده : طالبه في ايه ان شاء الله شكلك اداب
سمر : بادي المصيبه آداب ايه يا حماده باشا ان في طب اسنان
حماده : بجد والله طب اسنان
سمر : آه والله ايه الانبهار ده
حماده : بصي كده على ضرسي ده تعبني اوي
سمر : ما شاء الله سنان ساعدتك لولي بس الضرس ده عاوز يتحشى
حماده : يتحشى رز يعني ولا لحمه مفرومه
أنصاف : هههههه عسل والله يا باشا هو لو لحمه مفرومه معصجه من أيدي تاكل صوابعك ورآها
حماده: آه ويسلام لو جنبها شويه مكرونة بتعمليها ازاي يا حجه
أنصاف : أنا بجيب الزبده واحطها على النار وبعد كده أخرط بصله وانزل بيها
حماده: تنزلي بيها تروحي فين ؟
أنصاف : لا اقصد احطها على الزبده وبعدين فصين توم
