عقلي : ها ي مغفل هتعمل ايه؟
قلبي : اركن انت ع جنب وانا هتصرف
عقلي : ي بني اسمع مني مينفعش
قلبي : وانت شوفتني قبل كده غلطت ف قرار انا اخدته؟!
عقلي : ايه.!!!
قلبي : ايه!!
انا : ايييه 🤔
عقلي : طب افتكر اني قولتلك بلاااش
قلبي : ماتخافش 😎
عقلي : خلاص بشوقك
قلبي : ع بركة الله
......
.....
عقلي : مالك ي بني ف ايه؟؟!
قلبي : .....
عقلي : بس.. انا كده فهمت
قلبي : خلاص نقطنا بسكاتك و ماتشتغلش دلوقت الله لا يسيئك انا ع اخري.
عقلي : ازاي بس انا غصب عني لازم افكر ف الي انت عملته ده
قلبي : ي عم ابوس ايدك سيبني متوجعنيش اكتر م كده
عقلي : مش قادر والله مانا قادر
قلبي : ي بني انا بموت وقف تفكير الله يخرب بيتك
........
.....
عقلي : ها اتعلمت ؟!
قلبي : ايه! اه... اه طبعا.. اكيد.. عيب عليك
عقلي : لما نشوف
قلبي : بقولك ايه.. مش جايز مايكونوش يقصدوا؟
عقلي : انت بتلمح بإيه ي استاذ مغفل بيه باشا
قلبي : ها.. لا لا ولا حاجه
عقلي : اثبت بقا دول داخلين علينا اهم
قلبي : ..... طبعا طبعا
عقلي : اوعا ها... احترس.. لازم تتقل كده
قلبي : اه انا خلاص اتعلمت.
......
.....
عقلي : مالك؟!
قلبي : اصل اييييه....
عقلي : مالك ي بني
قلبي : اصل بصراحه كده انا سامحتهم تاني...
عقلي : ي نهار ازرق.. ي نهار ازرق.. انت ماتقولش تاني.. قول تالت رابع عاشر
قلبي : وانا اعمل ايه يعني؟
عقلي : خلاص هفكرلك
قلبي : لا لا لا والنبي سيبني... انا كل مره بتوجع اكتر
عقلي : مش قادر لازم افكر واجلد فيه
قلبي : ي عم كفايا النهار قرب يطلع... انت بقالك شهر بتفكر م ساعة الموضوع ما حصل.. هقف منك والله... طب سيبه ينام ي عم.. حرام عليك..
عقلي : تستاهل ي اهبل ي متخلف
🤷♀️🤷♀️🤷♀️🤦♀️
YOU ARE READING
حوار بين العقل و القلب
Cerita Pendekعندما يكون العقل هو من يسيطر دائما تصبح الحياه جامده مجرده من جميع سبل الرفاهية والترويح عن النفس.. ويكون الشخص مغلقا حول نفسه، وعندما يكون القلب الذي يسيطر دائما يصبح الشخص مغفلا لا يعي ماذا يفعل هائما في الحياه بلا ترتيب سابق من قبله و يأتي سائلا...
