#نيران الثأر

بارت 30

#نيران الثأر
للكاتبة أشنونا

عفتيني لحد ما صرت شي ماكو
الصدمه وكعده الغرفه
انت اول حرك بـ الماي ما يطفه

جنت اصلي ومر ذكرهم
وتيهت كلشي وسهيت
وطاحت ادموعي على خدي
وحيل من الله استحيت.

.

.

.

حسن.. يمة اجيب موطة الج ازبري احمر

نار.. لي جيبة جامد خوش حبييي

حسن.. اي اخذ إياد

نار.. لا عوفة هنا يلعب روح على سريع وتعال
راح جاب كعدنا ناكل و نسولف ما عدنا شي كعدت اكل ازبري اعرف بنفسي راح اتمرض بس ميخالف احبه

اكل واكل باياد موطة جان يجي علي
حط بحظني أمير

ام علي.. هاا يمة شبي

علي.. سئلوا أمة كاعدة توكل بيهم موطة كل يوم هاج استلمي بنص الحر بلاعيمة ملتهبة

نار.. مجاوبتة صاربي ابرة وكوم علاج مسحت دموعة وبستة هزيتة ونام بحظني

ام علي.. على كيفك يمة هوا هذا الي يزوج زعطوطة هسة لو الله هاديك وخليني ازوجك مرة شيلك وشيل بيتك

نار.. زوجي محد لازمج لا تبقين تحجي وتنكين يطلك ويروح يزوج محد كاض هدومة

كلش ضوجتني كمت اخذت جهال ورحت وهيا تحجي عليا شوف يمة شوف شون تجاوز على امك وانت واكف ولا تحشم احد

كل نهار لسانها هيج طويل متبري منها هل ادبسزز

ركعت باب وحبستهم كمت اعزل وانظف هم يلعبون فتحت شبابيك وهويت الغرفة

جان يجي شون إعصار

علي.. شبيججج هااا شهل لسان ولجج

نار.. لا تعلي صوتك وصيح امك جفص بلبطن ماطول اني هيج مضوجتكم وجودي ينرفزها طلكني كااافي

ملاحظ  نفسك شدسوي وياية ترة اني نار حبيبتك صيح وتحجي وتعيط
بدن دموعي ينزلن شبيكك مدا شوف ترة تعبت واني اكول ميخالف عندة ضغوط

علي انت دا تنساني تطردني بليل صيح عليا وعلى جهالك شجاك شغيرك
اجة ديحظني دفعتة وطلع وركع باب ورى

اني كمت ابجي
هسة ديكولون شهل لواكة هيا مو لواكة
بس صعب الي متعود على جنية والصوت فجأ ينكلب شيطان ويصيح ويحجي ويعلع عليا و يطردني

ميتحمل يباوع عليا ولا على جهالة وروحة بخشمة هوا طالع كل نهار ماعندة دوام صعبة ترة

بقيت نزلت بسبعة كليت بتيتة و شوربة أمير سويت وروبة وطرشي وطاوة طماطة وصعدتها فوك

كعدت اكل اني وجهال أمير موتني يبجي ميقبل كوة مروة وكلتة شوربة وجهال هم حسن ياكل ويوكل باياد فدوة لحنيتة