#نيران الثأر

بارت 1

المو كد المهابة يعيش ما مهيوب
            ابنادم هوا بيده يصوغ منزلتة
حسب صوغة الذهب ينحط حجل لو تاج
            لو يحضن رجل لو روس شايلتة
.
.
.
.
.
.
اعدة على الكرسي بثوب الخطووبة والدموع بعيوني واصوات الأغاني عالية والعالم ملتهية وتركص ولا عبالك اني گدامهم مغصوبة على العررس وهمة بكيفهم مقررين مصري اباوع على خواتي كل وحدة بيهن متوسطة الساحة وردح للكاع وبنات عمي وياهن وجهال كبار وصغار انوب ادور وجهي الاگي امي اتباوع علية ودموعة بعيونه مو گاادرة تسويلي شي لان ابوية واخواني كلهم وية ابن عمي الغثة هو سبب بتدمير حياتي واني بعدني صغيرة ويني ووين الزواج صحيح شكلي مو ناعم وحجمي وجسمي ينطيني عمر أكبر بس اني مارايدة ازوج ماحب هاي عادة عمامي من احنا وصغار يزوجونه اني بعدني طفلة من حقي ادرس واعيش مراهقتي مو ازوج ولا همة عافين امة محمد ومزوجيني لواحد اني شگد احبة واعزة ولا يگول مزوجيني لهذا المكروه علي الي هو يصير ابن عمي ايگولون هو رايدني من أجبت للدنيا وموكف زواجة لان ينتضرني أكبر يلة يزوجني طبعا اني اسمي نار عمري 15سنة اني أصغر فرد بالعائلة والدللة طبعا بس مادري وين راح دلالهم اهلي من غصبوني ازوج علي المهم مواصفاتي طولي 160 وزني 57 بشرتي لونه حنطاوي عندي شامة يم حنجي ويم حلگي صاحبت شفايف مرسومه والي يميزني عيووني حادة كولش وشعري لونه جوزي بس من احطله حنه يصير احمر وهو طويل جوة خصري اني صاحبت السان وأكبر واحد مااخاف منة قوية ميهزني ريح اخذ حقي بيدي لو شماصار وصار
ومانسمع آلة كالو راح يعقدون اني شنو هنا احس نفس مثل الطير المذبوح لا اگدر اغير الواقع البي اني ولا اكدر اتقبل الواقع عاد كالو يلة جيبو العاروسة خل تعقد عاد جني خواتي
رقية:- كومي يحلوة راح يعقدولج على شيخ الشباب ... اني شنو هناية طافرة الدنيا من عيني وودي امرغلهة بالگااع شيخ الشباب خاب ما تاكلون تبن مكيفين راح يزوجوه للشايب
حوراء:-وولج يخبلة ووين صفنتي صارلي ساعة احجي ووين بالج بس لا بالحب المهم اگعدي هاان راح يقرة السيد ومن ايكمل جاوبي موافقه ماشي
نار:-اني بس هزيت راسي ماحجيت وية احد
عاد بلش السيد يقرة إيات ومعرف شنو عاد اخير شي گالي.. گولي نعم وانت وكيلي....عاد اني هنا انبلع الساني اريد احجي ماكدر يعالم والله ماريدة مجبورة علية بس لا حياة لمن تنادي عاد اختي حوارء دستني يلة گلت نعم وانت وكيلي عاد هو هم سئلة للعريس الغفلة وجاوبة بموافقته
بيداء:-يلة عيني تغطن الزلمه راح يفوت ويلبس عروسته الذهب
نار:- عاد هو طبق بكل هيبة وقار ورافع خشمة عشتو والله يالله عود فرحان... عاد أقترب گعد جان يگول..
علي:- ها يبت عمي كسرت خشمج واخذتج ونفذت عهدي ههه ضحك باستهزاء:-
عااد اني خزرتة وگتلة يبن عمي انت الي اجيت وحطيت ايدك بالنار وتحارشت بيه والي يحط ايدة بالنار يحترگ فانت هذا مصيرك راح تخليك تندم على الساعة الي تزوجتني بيه ... شفته رجع يبتسم بس احسة كتلة مال نار ههه سهلة هاي البداية .. عاد قدمو الذهب وكعد ايلبسني بس احسة يتقصد يطخ بية أو يلمسني فد كرهتة بذيج اللحظة ولو اني كارهتة .. عاد هو كمل الذهب وطلع
واني وعيت على دايصير بيا تخبلت خبال
جان يطب ابوي عمامي يردون يباركون هيا حفلة بس عائلة اني هنا توسطت ديوانية
صحت بصوت عالي
نار: هااا كيفتوا فرحتوا لحد يوصل يمي ويباركلي والله لكلب دنيا فوك راسكم ولكم انا انا هيج يصير بيا انا طول عمري اني كلة قراراتي من ذاتي مو منكم تجون دمروني بهل زواج
كطنة وطلعوها من اذنكم تسمعون انا وابقى نفس ماعليا اكمل أحلامي و طموحي طزززز بكل هنا جاني راشدي من ابوي
رازق : ادبسززز صوچي انا انطيتج مجال هواي كلها تلومني بيج ولججج ما متندم بحياتي بكد ما تندم بيج انتي لج هيج سوين بيا حتى فرح تكلبي عزة وانا اكول بنتي كبرت يوم عرست طلعتي نفسج نفسج
نار : جريت نفسي من ابوي صرت نار من اعصاب كلبت ميز و كلشي و ضربت باب طلعت ركض غرفتي قفلت باب وشككت الفستان بيجي لجنت لابستة وكعب شمرتة و نسدحت على جرباية
اني اذكر  قبل سبوع صار بيا
هسة شي اكيد كلكم دختوا انا مثل ما تعرفون اسمي نار علي كلب سماني من جنت صغيرة لان جيت فترت حرب وكذا عيوني حادات كلش و صفر كلشش فعلي جان هنا هوا مراهق وسماني بهذا اسم
انا جنت كلش وكحة من صغيرة جنت اني رئيست عصابة بنات عمي ما يلعبن هواي فالعب ويا ولد جان علي يملص اذاني ويطببني للبيت مخليني اطلع العب اني ابقى انوح يم امي
طبعا هسة اعرفكم انا عندي خواني 3  أسد وسامي متزوجين بنات عمي بيداء و هناء خوات علي وحيدر ممزوج انا
وعلي خير من الله عندا 5 اخوان 4 خوات عندي انا 3 عمام ماعدا ابوي عمات ثنين كلها عدها سيت كلاصات وجداري كل يوم  ذاب واحد ادري نسوان شكد يخلفن
مهم انا دائما يصيحون عليا بمختلف اسماء مرة عرمة مرة وكحة مرة مسترجلة لان اخذ حقي اوكف بوجه اكبر واحد ماهتم احد ابدد اهم شي حقي ماسمح احد بسهولة
وعلي خلي اعرفكم عليا طبعا هنا بهل أحداث انا عمري 15 سنة ماخذة شهادة ثالث توني عطلت
هوا مهندس عمرة 30 سنة اسمر مملوح وصاحب شخصية بس انا ماحبة اموت منة لان متسلط بس هوا بدنيا شايف نفسة اذكر كبل
جان بيتنا بصف بيتهم بينا يمكن نص بستان مهم كلش جبير اكو مرجوحة جنت انا بعمر 13 اموت عليا لان هوا جان شكلة يسويلي اشوف بي كلشي مناسب بس احبة كاخ لا أكثر ولا أقل شون حيدر
جنا دائما هوا يمرججني بيها يحجيلي ع حبيبتة الي هيا انة
علي : ايي يا نيراني اهزج بعد
نار: علوش بشرفك احجيلي ع حبيبتك
علي: خوش احجيلج بس سكتي هيا بنيتي كبل مصير حبيبتي لان هيا أصغر مني بهواي بس انة اعشكها عشك كوة صابر عليها
نار: خب دكوم يعشك ابو عشك اشوفك شون معبس ليل نهار زوجها فضني
علي: بخزرة چم مرة كايلج من امسلت لا تقاطعيني
نار : هنا ضاج عاد ردت اغير موضوع
يلة يلدنكة كمل خلي نسمع قصت عشكك
علي: هوا ينفض دشداشة ويعدل چراوية دولي ماحجي وياج
وجان هنا صيحني امي
ولجج نويرة صخيمة تعاي
نار : اي فطومة جيت كلتها انة اضحك (امي اسمها فاطمة)
يلة علوش باي لوحت بيدي هذا يخزر عفتة رحت اركض هنا اني امشي حافية علاقتي مو زينة ويا نعل
هاا فطوم شتردين جلبت باذني
امي : انة كم مرة كلتلج كولي يمة مو بسمي يلغبرة امداج
دمغتني ع راسي
نار : انة افرك راسي يمة جاي اشاقيج عائلة ما تتحمل شقة
جان امي تشهك
امي : ولجج صخيمة شبيج ويا نعل ليش تطلعين حافية مو كلها زوجت انتي نعال متلبسين ولج راح تموتيني ناقصت عمر
نار: يمة احسة يقيد رجلية انة وحافية اطير مو امشي
حيدر هوا يطب
حيدر : شو اكفي اشوف جناحتج
نار : دنجب يلة ضميتهن عليك
حيدر : ههههههههههه ولج ادبسزز خويا نوري ليش ماتلبس نعال ع راسك
نار : مالبسك انتة
حيدر : هههههههه يا ادبسززز ام لسان دولي يلة صبي خلي نتغدة متت جوع
نار : ابو حلك انت شوكت شبعان ليل نهار تعلف جنك زمال ولول هوا حظ الملايح بسمة لايح ياكل وما يسمن الثور
حيدر : هههههههههههههه هل لسان بكصة ان شاء الله ياالمسودنة ماكل من جيب الخلفج
نار : عود سوا نفسة يعرف يحجي ولك ليش متحافظ ع ماي وجهك تولي من جدامي
حيدر : هههههههههههههههههههههههههه ولج يمة متت مو لسان بلوة والله يمة متتت
نار : موتت اهل الكبور ان شاء الله دافك زيجي ادعي عيوني ليفوك
جان ادخل إنذار
ولججج نويرة اجي افرك حلكج تعاي ساعديني
نار : ايييي جيتججج فطومم هههههه
دفرت حيدر رحت اركض لأمي جوة داتعزل

رحت اعزل وياها وانضف
اجة ابوي و تغدينا وغسلت المواعين ورحت افتر اشوف بيت عمامي خواتي
رحت يم رقية بقيت العب ويا جهالها
طبعا هنا اني راح افوت ال14
فمرة كاعدين بيت عمي كلنا وشي اكيد علي كاعد يخزر بيا
اني متوسطة الساحة اسولف اضحك
زين العابدين : شو انجبي بس طولت السان يلخايسة
نار: ولكك زوين ترة املصك اذانتك والله اشوف شون لعد تجي انتة ومرتك وجهالك تعلفون يمي آلة اجيبك بجلاق
سجاد : ام لسان ولج نوب كمتي تضربين جلاليق
نار : رجاء انت لا تحجي وياية لا عبالك نسيت الجبس اخذتة مني
سجاد : ههههههههههههههههه خرب بحظج يلبوخة
جان يطب هنا اخوي أسد
أسد : سلام عليكم شونكم
كلها ردتلة السلام بس اني
أسد : ست نار وشرار ليش متردين
نار : اولا كون لبق بالحديث معي ثانيا الي يريد اردلة السلام بفلوس هذا رد نار مو اي احد
اسد: طبج حمس اجر االي
نار : هههههههه لا حبيبي مو جاوبت بكلبي يعني الي اجر
هنا كلها كامت تضحك.
أسد كفخني على راسي وكال كبر لهل عقل الصغير
بقينا نتعللل علي ضاج وكام راح جحرة قصدي غرفتة
وانة وأهلي كملنا و رجعنا لبيتنا
دانام بغرفتي حسيت بمغص ظهري عرفت نزلت الشهرية
انة ماتحمل فدنوب اصير بيها رحت سببحت و بدلت
صخنت و عرركتت و بطني وظهري كمت اضرب ببحايط اعيط وابجي جتي امي تتركض
ااميي : ولج نيورة حبيبتي شبيج يمة
نار بالم : ولج يمةةة راح اموت ولجج والله راح اموت
امي : ولج يمة فهميني شبيج جتج شهرية
نار : ايي يمة جتني ولجج راح اموت لو عاقر ولا هل أوجع يمة وهنا كمت ابجي
امي : ههههه امداج يلغمة تعاي بحضني افرجلج بطنج استغفري ربج ان شاء الله مبيج شي حبيبة
هنا امي تقرة قرآن تفركلي حد لما نمت وتعبت صبح اختي رقية كامت تتطلك لان حامل
راحت للجدة و أخذوا امي انة هنا اطلك بس مندون جاهل هههههههههههههه
بيت فرغ اني كمت ابجي من ألم عاد جان يندك بابا اني اعيط
طب علي هوا وجها عافسة و مخطوف
علي: ولج نار شبيج يمعودة شجاج بويةةة
نار : علييييي وخر من وجهي لااحط سجينة بطني واموت وخررررررر
هنا كمت اعيط صدك كمت آموت
علي : فرك وجها وكعد يشرب جكاير يخزر بيا امدة هل صوتت غير افهم شبيج
نار : انت معليكككك اميييي وين كمتت ابجي حيل اني مكرفصة على نفسي
علي أدنة يمي كعد
علي: ولج بوية كليلي شبيج انة حاظر
.
.
.
.
.
.
.
. إن شاء الله حيكون تنزيل البارت
كل ثلاثة أيام انزل بارت لان بعدني
داكتب وداخذ الأحداث من صاحبة
القصة
ان شاء الله مراح اقصر وياكم
❤️
.
.
.
.