#نيران الثأر

بارت 35

#نيران الثأر
للكاتبة أشنونا

آثاري تلوڪَلي الوحدَه ،
لا صاحب نشد عني ،
ولا واحد وفة بوعدَه ..

گالولي راح ومايرد گلت اليروح براحته
محد يموت من القهر كلمن يموت بساعته.

من كون الك بـ الطيف جيه
بشرني أحط حنة بـ اديه

.

.

.

ثاني يوم رحت للسوك
اخذت تنانير كلهن عدلات و بناطير قماش ماركة يموتن
قميص طويل و اخذت تنانير كلهن تلث ارباع ويم ركبة
واحذية كعب اسود اخذت شالات مكياج ملابس داخلية وجنط وأخذت غراض للجهال هدوم واحذية ملابس مدرسة

حتى قرطاسية اخذت وكفنا ابو عربانة يلة وصلنا مكدرنا كلهن نشيلهن
اخذت لابن حيدر كم قطعة
رحنا جو زين بدا يكسر بس بلبصرة ماكو هيج شي حارة نار

فرغت غراض كعدت أكدر والبس ابوي كاعد مكال بس بلعافية لان يدري بنفسيتي و كلشي بية فسكت علمود لا يضوجني علمود لبسي

خواتي من زمان ما اقبل يتحكمون بلبسي رتبت غراض
مضل هواي ونبلش دوام اني مرحلة ثانية متحمسة وعدت نفسي ابدا حياة جديدة

بس ثاري من علي ما نسيتة جان كرمش من عيوني ميوكع هل رمش آلة دموع تنزل تحرك جذر مالتة يلة يوكع

نمت نضفت كل جسمي وجهي بهاي كعدة اتعلمت احف وحتى كمت اضوج من لمياء تنام اني ماحب احجي نعزلت كمت احط ميكب

واجيب مجلات احاول اقلد واسوي ابوي جابلي نقال علمود اخاف اتأخر وجان صير نار مستهترة هههههههههههه بمنظور الكل

لبست تنورة ضيقة وتلث ارباع وحذاء كعب قميص ابيض
دخلتة مخليتة هيج محلو ورجعت شال نفشتة لبستة بطريقة حلوة حطيت مرطب شفايفي وحواجبي ثخان مو خيوط هههه مثل هل مودة ايعع

مسكارة وجريت كحل وغسلت بعطر وطلعت برة
وحيدر وصلني وراح للشغل نزلت واني امشي مشيتي معتادة جني طاوس هههههه

رحت افتر اشوف استكشف واسئل معدنا شي اول ايام كعدت بكافتريا جوي بنات يمي سلموا عليا وكعدوا

سارة... هلو حبي شونج

نار.. هلو حبيبتي حمدالله انتي

شيماء.. يابة من اخير جينا نرقمج

هديل.. ايي ههههه

نار.. هههه كعدوا
كلهن عبايات بس سارة لا مثلي نوعا ما

شيماء.. شفناج كاعدة وجينا نتعرف

نار.. الي شرف والله اني نار من بصرة بس تاركة ورجعت

سارة... اني من ديالى اسمي سارة

نار.. والله كلت لهجتج غريبة بس شكيت بيج بغداد مو ديالى