كانت تبكي لانها أعتادت عليه اكٺر من كونها احبته💔
مره اسبوع علي يزن وهو فاقد الوعي اسبوع ونور تبكي وتدعي انو م تخسر روح قلبها ولدها الوحيد اما يارا كانت في حاله صعبه فقدان الاخ حاجه صعبه وكيف ويكون هو الوحيد اللي بفهمك😔 هو سندك♥️ علاقه يزن ويارا كانت اقوي من اخ واختو كانو اصحاب للدرجه بعيده بس وجود سليم كان بخفف عليها الوجع شويه ومحمد كان مجبور يكون قوي عشان كل الاسرة محتاجه ليهو 💔 كان بكون قوي قدام بتو ومرتو ويبكي في قلبو علي خوف خساره يزن 😔 اما اسيل كانت خايفه بس الخوف من خساره يزن في نفسو ولا فقدان امير احلامه نصبر ونشوف 😊
محمد: ي دكتور لو ممكن عايز اسفر يزن برا البلد م ممكن افضل منتظر كدا
الدكتور: اول حاجه ي استاذ محمد حتي لو سافر مستحيل يحصل غير المكتوب بعدين في اشارة من عقل يزن بدا يتجاوب مع العلاج دي حاجه كويسه يعني تحت اي لحظه ممكن يرجع ليهو الوعي بس انت ادعي ربنا 😴
محمد: بإذن الله بإذن الله 💔🥺
يارا: سليم يزن ح يرجع لينا صح
سليم: تعالى ندخل ليهو
دخلو سليم ويارا غرفه يزن....
سليم: يزن عارف كويس انك سامع كلامي الوضح عجبك النوم انت لازم تقوم لنو في سر انت م عارفو ومتاكد لمن تعرف ح تضربني عشان كده لازم تقوم يزن انا بحب يارا انا بعشقها عديل لازم تقوم عشاان اطلب يدها منك وتحضر عرسنا ي صحبي 🥺
يارا: طول عمري كنت بقول انو اهلنا بحبو يزن اكتر عشاان خاطر حبهم اصحى ي يزن وعد تاني م بقول كدا 😭💔 بس م تخليني انا ولا شي من غيرك ي يزن م تخلي اختك براها 😭💔
سليم ويارا حاولو كتير بس من غير فايده 😔 طلعو وكمل اليوم والتاني وهم في انتظار حاجه جديده لمن محمد سمع الممرضه بتقول ليهم وين الحلاوه حمدلله علي السلامة استاذ يزن رجع ليهو الوعي😍👋🏻
من الفرحه محمد ونور سجدو حمد وشكر لي رب العزه 😴 ساعه واتحول يزن لغرفه تانيه دخلو اهل يزن وسليم واسيل
محمد: لسه نايم ي ممرضه
الممرضه: م تخاف ماخد مهدي شويه ويصحى
بعد شويه سمعو صوت يزن
يزن: اااسسيييل
اسيل: جنبك ي بيبي حمدلله علي سلامتك حبيبي
نور: وأخيراً ي روحي فتحت عيونك
يزن: ماما ااانا
نور: اسكت ي روح امك لمن تبقى كويس نتكلم علي راحتنا هسه اخد راحتك
محمد: فعلآ ي ابني
يارا: قربت من يزن وعيونا كلها دموع حمدلله علي سلامتك تاني م تعمل فيني كدا صدقني بموت لو عملتها تانى
يزن: سلامتك ياقلبي تعالي قريب
يارا قربت من يزن وهو حاول يقرب منها بس كانت الصدمه😢
فجأة يزن دخل في حاله حقت صمت م قال ولا كلمه وكلهم بسألو مالك بس مافي رد لمن بدا يصرخ
يزن: لالالالالالالالا مستحيل لا يارب
محمد: يزن مالك ي ولدي
يزن: بابا انا م حاسي بي نص جسمي م قادر اتحرك بابا فااهمنييي م قادر اتحرك 😭💔💔💔
نور: كيف يعني ده كلام شنو طول بالك عشاان نمت كتير م تخاف مافي شي
يزن: ماما انا م قادر فاهمين كلامي
حاول ينزل من السرير بس من غير فايده
سليم طلع ينادي الدكتور ويزن بقى يصرخ ذي المجنون وصل الدكتور كشف علي يزن بس هو كان جايط شديد في النهاية الممرضه طعنت يزن حقنه مهدي وطوالي نام
الدكتور: اسف بس يزن حصل معاهو شلل نصفي
يارا: يعني 🥺💔
الدكتور: يعني يزن بقى مقعد للاسف عن اذنكم
كلهم من فرحهه اتحولت للصدمه لنو صعب عليهم يشوفو يزن وهو في كرسي متحرك بعد م كان بمشي بعد م كان صوتو في البيت ضحك وفرح تاني ح يكون هادي
سليم: عارف الموضوع صعب عليكم بس الطب اتطور واكيد في علاج م تخافو
يارا: فعلآ كلامك صح
نور: ح نعمل كل شي عشاان ترجع تمشي ي ولدي
طلعو كلهم للدكتور
محمد: ممكن يرجع يمشي تاني
الدكتور: اكيد اذ ربنا كتب ليهو كدا اهم شي يبدا في علاج طبيعي لنو هو الامل ليهو
نور: موافقين ح نعمل المستحيل شوف لينا احسن دكتور وم تهمك القروش
الدكتور: حاضر
الدكتور بدا في اجراءات البحث عن اخصائي علاج طبيعي شاطر اما يزن دخل في حاله نفسيه لنو صعب علي شخص كان عايش حر طليق يكون مقعد في كرسي عاجز 😪💔 بس هل ح يقدر يمشي تاني؟؟
*****************
يارا: اسيل وين انتي مفروض تجي لي يزن يومي وانتي ليكي يومين م جيتي
اسيل: اسفه بس كنت مصدعه شويه
يارا: انتي جاده كلو مجرد صداع اسيل انتي عارفه يزن بحبك قدر شنو وحاليا دي اكتر فترة محتاج ليكي فيها بتمني تبقي قدر حبو وتكوني قريبه منو وم تخذلي اخوي ي اسيل مفهوم كلامي
اسيل: بس
يارا: يلا سلام
يارا غفلت الخط بس هل كلام يارا واحساسه صح ولا اسيل بجد اختيار يزن الصح؟
السماء في المستشفي ***♕
اسيل: مثاااؤ يزن
يزن: بيبي كيفك وين مختفيه اشتقت ليكي
اسيل: اسفه كتير بس كنت عيانه
يزن: تعالي جنبي انتي عارفه انتي احلي حاجه في حياتي انا طلعت من الدنياا بيكي انا خسرت كل حاجه ي اسيل خسرت قدرتي في انو اكمل حياتي ذي الناس💔😪 بس واثق مستحيل اخسرك انتي ❤ صح ي روحي
اسيل: يزن يزن انا عايزة اتكلم معاك في موضوع مهم جدا
يزن: لا ي اسيل م عايز اسمع حاجه عايزك جنبي بس قربي من مشتاق ليكي كتير 💔
اسيل: بس لازم تسمعني 😢
يزن: تمام لو مهم كدا احكي لي 😔
اسيل: انا انا
نقيف هنا في الحلقه الجاية نعرف كلام اسيل شنو🤤
صلو على الحبيب المصطفي🥰❣️
نتلاقي 💟
