لن ينسى الله محاولتك في ادخال الطمأنينة بقلب غيرك ،عندما كان قلبك مُنهك🖤
مســـ5ــــــــاء بي توقيت الخرطوم وصلت شدن السودان من القاهر وطوالي للمستشفى تحديداً مكتب دكتور يزن
شدن: مساء الخير دكتور
الدكتور: اووو مساء النور نورتي البلد ي دكتورتنا 😍 حمدلله علي السلامة كنت عارف ح ترجعي بس م بي السرعه
شدن: فيك تقول م بقدر اتاخر علي طلبك غير انو الفترة دي ماخده اجازة ومنتظرة سبب يرجعني البلد وذي م شايف رجعت بس ممكن اسألك سؤال
الدكتور: عارف سؤالك لنو مستحيل ترجعي بي السرعه دي لو م حسيتي بي كلام كتيير في طلبي علي العموم اتفضلي معاي
دقايق وصلو غرفه يزن وكان نايم
شدن: مين ده ي دكتور
الدكتور: يزن محمد اتعرض للحادث وحصل معاهو شلل نصغي
شدن: تمام بس في الف دكتور غيري لي ضربت لي
الدكتور: لنو طول الشهر داهو رافض يتجاوب مع اي دكتور عشان كده فكرت فيكي لنو واثق فيكي ده ملف المريض بتمني تكوني قدر ثقتي ي بتي
شدن: اكيد ي بابا م تخاف كل شي ح يكون ذي م عايز
الدكتور: يلا اشوفك في البيت
تعريف سريع 😍
شدن عثمان الامين بت دكتور عثمان دكتور يزن اخصائي علاج فزيائي عمرها 24 زوله مرحه وجنها ضحك وفي نفس الوقت عنيده للدرجه وجمييييييييلةة🤤 قصيرونةة حلابيه شغاله في القاهرة وعايشه مع امها لنو اهله منفصلين رغم انها عاشت حياه اسريه صعبه بس بتحاول تزرع الفرح في كل مكان ام شدن دكتوره نساء وتوليد تقريبآ ده كل شي مهم في حياه شدن.......... يلا تعالو نشوف اول لقاء بين شدن ويزن
شدن: السلام عليكم انتو اهل المريض
محمد: نعم انتي منوو
شدن: انا دكتوره شدن من اليوم مسؤوله من علاج يزن
نور: ولدي ح يمشي تاني صح
شدن: اكيد ح يمشي بس لازم نقيف مع بعض عشان الحاجه دي تحصل اول شي لازم يطلع من هناا لنو محتاج للجؤ احسن من المستشفى لازم يرجع البيت
يارا: طوالي ي دكتوره
شدن: تمام ح امشي اجهز اوراق الخروج
شدن جهزت كل شي
الصبــــــــــاح
يزن فتح عيونو شاف ايه من الجمال بت قصيرة لابسه بنطلون جنزي معاهو قميص ابيض شعرها مفرود كان لون شعره احمر من تحت وفوق اسود لمن ركز شاف نفسو في الغرفه
يزن: انتي منووو وبتعملي هنا شنوو وانا رجعت بتين البيت
شدن: انا دكتوره شدن بس ممكن تقولي شدن اما رجعت بتين امس بس للأسف كنت ماخد منوم اما بعمل شنو ف واضح اني قبل شوي قلت دكتوره يعني علاج فزيائي اي سؤال تاني 🙂
يزن: اطلعي برا م عايز اي علاج انتي فاهمه
شدن سكتت مسافه بعدين قعدت في كرسي يزن ال متحرك
شدن: هي القعدة هنا حلوه ولا شنو
يزن: كلامي واضح اطلعي بره م عايز اشوفك هنااا فاهمه
شدن: انا ح اطلع بس في واحده من الحلالات لمن احس اني م مني فايده او م عرفت اخليك تمشي او لمن انت تمشي بجد الوقت دا ح امشي مفهوم حاليآ الساعه 9 من بكره ح تصحى 8 قدامك نص ساعه ح يدخل ليك ممرض عشان تجهز نفسك بعد نص ساعه تكون في الحديقه عشان تفطر ونبدأ علاج بتمني م تعاكس عشان انا م اعمل ذي حلووو يلا سلام
بعد شدن طلع يزن جدع كل شي قريب منو وبقى يصرخ مستحيل م عايز علاج كدا مبسوط م عايز امشي وامشي لشنو واكتر واحده بحبها اتخلت عني كان بتكلم مع نفسو وقلبو محروق دخل عليهو الممرض
الممرض: السلام عليكم استاذ يزن انا يس ح اكون معاك يومي حسب كلام دكتورة شدن
يزن: اطلع بره م عايز شي
الممرض: اسف بس مفروض علي اسمع بس من الدكتوره
يزن رفض يتحرك والممرض رفض يطلع بعد مسافه يزن زهج طلب منوو يقرب وينفذ المطلوب مسافه بسيطه ويزن بقى جاهز وطلع برا
شدن: م بحب التاخير ياريت م يتاعد
يزن: هههههه اعمل ليكي شنو اسمعي ي بت انتي انا م عايز علاج اتفضلي اطلعي بره البيت واطلبي قروش قدر م عايزة يعني ح تاخدي من غير تعب في احلي من كده
شدن: امممم تصدق فكرة برضو بس م عجبتني لنو بحب اخد قروش بعد تعب يلا كمل فطورك وانت ساكت عشاان اعمل ليك فحوصات
يزن: حاضر
للحظه شدن فكرت انو خلاص هي كسبت بس تاني فكرت عرفت انو يزن شخص صعب وماكر ومستحيل يفهم سريع شافت افضل تصبر وتشوف يحصل شنو اما يزن فضل يفطر علي راحتوو للدرجه بعيده بعد مسافه قبل عليها
يزن: فطور حلو احلي من المستشفى يلا باي لمن الغدا يجهز بنزل ضغط زر في الكرسي واتحرك
بي كدا خلص اليوم الاول من غير فايدة بس الباقي م معروف نشوف يحصل شنو
كمل اليوم بي جوطه بين شدن ويزن ومحاوله من شدن بس فشلت تاني يوم......
الصباح ****
شدن دخلت غرفه يزن وكان نايم غفلت المكيف والمروحه وقعدت في الكرسي بعد نص ساعة الغرفه بقت نار يزن طوالي صحى
يزن: ممكن اعرف مين اتصرف كدا
شدن: انا 🤤
يزن: حلو افتحي المكيف سريع
شدن: سوري م شغاله معاك قوم وافتحو انت
يزن: ي دكتوره شدن بطلي رخامه وافتحي المكيف وياريت تطلعي من حياتي م عايز اي علاج انا كدا مبسوط م عايز منك شي مفهوم
شدن: اوكي
يزن: افتحي المكيف
شدن: قبل شويه قلت م محتاج مني شي صح يلا اتفضل اعمل كل شي بي نفسك او خليك راكب راس وخليك في الكرسي الملعون ده حلو باي
شدن كانت طالعه شافت يارا قدامه
يارا: لو سمحتي ممكن نتكلم
شدن: اوكي
يارا: لحظه بس
دخلت فتحت المكيف والمروحه لي اخوها وغفلت الباب وطلبت من شدن تدخل معاها غرفتها
يارا: انا يارا اخت يزن الصغيره ضروري اتكلم معاكي في موضوع
شدن: اتفضلي طوالي
ح يكون الموضوع شنو وهل عناد يزن ح يخلص وشدن تقدر تتفوق علي يزن ويبقى كويس والكلام يارا ح يكون ليهو دور في علاج يزن نقيف هنا ونعرف في الحلقه الجايه
صلو على الحبيب المصطفى 🥰❣️
نتلاقي 💟
