نزل فيهو ضرب بي غضب شديد في النهاية الولد شرد منو قبل ليها كانت ب تعيان بي صدمه 😳 وعيونها كل دموع 🥺💔
شدن: كيف وبتين حرام عليك كنت متاكده في شي لنو مستحيل كل ال عملتو كان بدي نتيجة سريعه غير انو كل فحوصاتك تأكد انو الحاله حقتك م متاذمه بس العامل النفسي هو السبب لي م اتكلمت طول الوقت دا ساكت رد بتكلم معاك
يزن: كنت مبسوط يوم حسيت انو في احساس في رجولي واني بديت اتحرك بس لمن انتي قلتي ح تمشي بعد علاجي م قدرت اتكلم لنو م عايز تمشي وفي نفس الوقت م عارف انا حاسي كدا لشنو م كنت عارف اني حبيتك الا عرفت انو اسيل ماتت وبي العكس م حسيت بي شي يعني انو بت بحبها وماتت مفروض احس بي شي م حصل بس هسه م قدرت امسك نفسي وهو بقرب منك حسيت روحي ح تطلع عرفت اني بحبك وبعشقك ي شدن
كانت دي اول مره تسمع منو شدن من غير دكتوره
شدن: قول اسمي تاني تصدق حلو في لسانك 🥺♥️
يزن قرب منها ومسك يدها
يزن: ح تسمعي مني طول عمرك ي شدن
شدن: بحبك بحبك شديد ي يزن
حضنو بعض من غير تفكير ذي م حبو بعض من غير تفكير😍
يزن كان حاسي انو شدن اول حب في حياتو لنو شدن حبت يزن في روحو في نفسو م يزن الكان حبيب اسيل
شدن: خالتو ح تفرح شديد
يزن: خلاص يلا نرجع البيت
شويه وصلو شدن دخلت اول البيت كلو كان نايم بس هي جمعت الكل في الصالون
شدن: عندي ليكم مفاجأة
نور: في الوقت ده ي بتي خير
شدن: خير ادخل
يزن دخل كانت فرحه نور كبيره للدرجه م قدرت تتحرك الا يزن قرب منها
يزن: م تبكي ي ماما احمدي ربنا انو رجعت ذي الاول
نور: الحمدلله م كنت متوقعه ح اشوفك كدا ي روحي انا شكراً ي شدن انتي رجعتي لينا الفرح من جديد
يزن حضن يارا ال كانت ح تموت من البكاء بي فرحته علي اخوها
انتهت الليله بي اكبر فرحه في حياه نور رجعت الحياه لي ولدا الوحيد شكرت شدن وسط دموع والفرح وبي نسبه لي شدن ويزن كانت بدايه قصه عشق ح تفضل العمر كلو قصه حب ح تكون مثال للوفاء 🤤
الصــــــــــــــــباح 🌸
شدن رجعت البيت وفي بيت يزن بدا التجهيز للعرس يارا
شدن: بابا يزن بقى كويس
عثمان: ودي فرحه دكتورة شدن بي نجاح تجربه جديده ولا فرحه حاجه تانيه لنو شايف كلام في عيونك السمحه دي
شدن: بابا 🙈
عثمان: لا كل شي واضح 😂😉
شدن: انا داخله انوم باي 😘
حب يزن وشدن كبر للدرجه بقى واضح للي كل الاهل انتهى الشهر والتعب وجاء يوم العرس كان العقد والزفاف في الصاله الدعوه عشا شدن كانت لابسه فستان ضيق من فوق ومن تحت واسع وسط م طويل شديد كحلي معاهو كعب عالي فضي فاكه الشعر وعامله مكياج خفيف بس كان طاغي للدرجه بعيده ظهر كل جمال شدن كانت نجمه الحفله 🤤♥️ ويزن لابس بدله كحلية بي قميص ابيض كان عباره عن بطل في مسلسل تركي يزن بي الفعل والاسم🤤😂 والحركه دي وضحت علاقه يزن وشدن للدرجه يزن اتقدم ليها في زفاف اختو
عثمان: م عايز ادخل في حياه بتي الخاصة بس حاسي في شي بينكم وخايف م يكمل وشدن تكرها السودان بتي وبعرفها
يزن: خلاص ثواني
طلع واخد المايك من الفنان
يزن: يارا اسف حبيبتي ح اوقف الحفله 5 دقايق عمو بابا ماما واهم حاجه في حياتي شدن حبيبتي وصحبتي ودكتورتي قدام كل الحاضرين وقدام اهلي وابوكي تقبلي تكملي حياتك معاي موافقه تكونى حبيبتي طول العمر وتكوني حلالي😍♥️
كان بتكلم وماشي لمن قرب وقف قدامه
شدن: بي عيون كلها دموع اي اي موافقه
يزن: عمو بابا رايكم
محمد قرب من عثمان
محمد: موافق ي دكتور عثمان تنقذ حياه ولدي للمره التانيه😂
عثمان: خير وبركة ربنا يتم علي خير
واصلت الحفله يزن وشدن رقصو مع بعض رقيص طول الحفله يزن قال ل شدن الجايه ح تكون حقتنا 🤤 انتهى الزفاف وعملو الجرتق والعرسان طلعو طوالي شدن رجعت مع ابوها بعد م محمد اتفق مع عثمان ح يجي يتقدم رسمي ل شدن بعد امها تصل السودان وخلص اليوم😴🤟🏻
من الصباح عثمان ضرب لي ام شدن وفتح معها موضوع العرس في البدايه كانت رافضه بس وافقت بعد م شدن نزلت دموعها😂
محمد: اها ي دكتور عثمان المدام وافقت
عثمان: ح نبقى اهل قريب قولي عثمان بس بعدين نحنا في انتظاركم
تانى يوم جاء يزن واهلو وكل شي تم ويزن كان مصر العرس يبقى سريع اتحدد بعد 20 يوم وكانت بعيده ليهو 😂 شدن كان عندها شرط بس قالت ح تقولو قبل العقد بي ساعه نصبر ونشوف الشرط شنو
صلو على الحبيب المصطفى🥰❣️
نتلاقي 😴💜
