سَنَدى"مكتملة."

5.تنين مجنح وكتكوت

كرم بصراخ/ياسييييييين
رأي ياسين كرم وهو يخرج من الماء ويتوعد له فركض بأقصي سرعه له وكرم وراءه يصرخ به فوقع نظره على غرفة تغيير الملابس الخاصة بحمام السباحه فركض عليها ودخلها واغلق الباب وتنفس براحه بينما كرم يطرق على الباب بعنف من الخارج
كرم/ياسيييييييييييين افتتتتتتتح بدل ما افتحلك دماااااااغغغغك
ياسين بضحك/هيهيهيهيييييي معرفتش توصلي... مين جامد ناااااااااو
رأي مالك ريم ويارا وأسماء وهم يشاهدون ما يحدث فذهب ووقف بجانبهم
ريم/بقولكوا ايه هو اللي بيتكسر مش بيعرف يعمل الاكل؟
يارا/امممممم على حسب الكسر ممكن يقعد في السرير أو يقدر يتحرك عادي
ريم/طب دلوقتي لما كرم يكسر ياسين لما نروح هيقدر يعمل الاكل؟
يارا/لا كرم أظن أقل مدة هتكون شهرين لأن آخر مره مراد اتكسر فيها منه قعد شهرين في السرير ودي كانت أقل فترة
مالك/ابليس فرحان بيكوا اوي قاعدين تعملوا خطط على الواد المسكين
يارا/هاهاها لوك هو إذ توكينج.. (look who is talking)
مالك/قلبك قاسي اوي
اسماء/ايه دا نسيت أقدم البرنامج بتاعي احم احم نبدأ أعزائي المشاهدين رجعنالكم بحلقه جديدة من برنامج مغامرات عيله العامري بعد دفع المدعو ياسين رأفت لرجل المهمات الصعبه كرم محمد في الماء وخرج كرم كالصقر لا صقر ايه يا جدع دا تنين مجنح وايه دا يلهوي دا بيضحك دا يووووممم الهنااااا وزعوا الشربات يا عياااال ولولوليييي
كان كرم يبحث عن طريقه ليفتح بها الباب حتى جاءت له فكره فإبتسم بشر وذهب وفتح الخزانة التي توجد بجانب الباب وأخرج مفتاح صغير
كرم بسخريه/الحمار نسي أن الباب ليه مفتاح اختياطي يلا استعنا بالله
اسماء/إنا لله وإنا إليه راجعون انتقل الى رحمة الله تعالى فقيد الشباب لا شباب ايه فقيد الطفولة ياسين رأفت ثم استدارت لريم / البقاء لله يا حبيبتي عااا
ريم ببكاء مصطنع/ كان بيضحكني والله الله يرحمه بقى
سمع ياسين صوت فتح الباب فتراجع للوراء وهو يهمس بنبرة اشبه بالبكاء/اشهد ان لا اله الا الله وان محمد رسول الله ..هموت ودا كله من فرده الجذمه اللي في دماغي اللي قاعد يفكر أفكار حماره شبه صاحبه منه للللللللللللله
اخيرا فتح كرم الباب فصرخ ياسين ثم نظر له بهدوء/خير ياابوالصحاب في حاجه
كان كرم يحاول كتم ضحكته على منظر ياسين الذي يدعي وكأنه لم يفعل شئ
كرم/خير؟ وهييجي الخير منين من وراك يا مصيبه
ياسين/يا قلب المصيبه.. يا روح المصيبه.... يا عقل المصيبه ثم صرخ بصوت عالي/ياعمييييييييببي
خرج ياسين وهو يركض ووراءه كرم
كرم/دا انت ليلتك سوده النهارده
ركض ياسين ووقف عند جهة المسبح اليمني بينما كرم في الجهة الأخرى أمامه
ياسين/مكانتش زقه يعني ماتبقاش افوش
كرم/انا افوش طييييييب
مالك/ياسيييين يا ياسييين
ياسين/نعم يا عم الزفت مش شايفني هموت
مالك/ما انا واخد بالي انك هاتموت فكنت هاودعك
كرم/لا جدع يلا وان شاء الله اخليك تحصله
مالك بفزع/بهزر يا رمضان ايه مابتهزرش
ريم/ماتموتوش والنبي يا كرم
ياسين/ايه الحب دا بس
ريم/انت فهمت غلط.. انا قصدي مين هايعمل ليا الاكل يعني من الاخر انا خايفه على نفسي ياخويا
ياسين/الأخوات في اجازه فعلا ثم صرخ عندما وجد كرم يركض ناحيته وركض إلى الجهة الأخرى فتبدلت الأماكن
يارا/سد يلااا في ايه
ياسين/اسد ايه بس انا لو مقلبتش كتكوت دلوقتي يبقى كرامه... دا كرم يابت
اسماء بضحك/تنين مجنح وكتكوت
كرم/خد يا ياسين هاقولك متخافش
نظر ياسين لأعلى وكأنه لا يسمعه فصرخ كرم/ياسييييييييين هقتلللللك
ياسين ببكاء مصطنع/والعيش والملح وكلههه كلهه نسيته
كرم/العيش والملح دول هحطهم على قبرك اصبر
اسماء/وقد جاءت بعض الأخبار أن التنين المجنح كرم محمد هيشتري عيش وملح يحطهم على قبر الكتكوت ياسين وسؤال اليوم هل هيجيب عيش عادي ولا عيش فينو؟ وملح ناعم ولا ملح خشن ؟الرجاء الإسراع فى الرد على السؤال وصاحب الاجابه الصحيحة سوف يربح معانا كيس مصاصة بجنيه
كرم/هقتلك وراه اصبري
ركض كرم وراء ياسين مره اخرى وهو يزيد من سرعته
ياسين/مش هتمسكنااي لا هيمسكني عاا يا مامااااااااااا
امسك كرم ياسين وحمله ورفعه علي كتفه فكرم من ذوي البنية القوية بطبيعة عنله
ياسين/تصدق المنظر من هنا احلى شايف اللي ورا سور البيت من هنا استنى فيه ولد بيعاكس بنت هناك لا لا لا انا لا يمكن اسكت ابدا نزلني اما أروح اضرب عديم الاحساس ده
مالك/احلف؟ قولي هو فين وانا هروح اعاكسها انا آآآآآ وانا هروح اضربه اقصد
ياسين/بص يا مالك الفيو من هنا تحفه ولا كأنك في شاليه مطل على البحر
كرم/وهيبقي فيه فيو اتحف دلوقتي
اقترب كرم من حمام السباحة وكاد يلقي ياسين فصرخ الاخر/لا وحياااات امك.. انا مبعرفش أعوم نزلني ونتواجه راجل لراجل
كرم بتفكير/ممم فكره برده
انزل كرم ياسين على الأرض وتحدث وهو يشمر اكمامه/صحيح يلا نتواجه راجل لراجل
ياسين /انا عيل وبرجع في كلامي
تنفس ياسين بشده ثم قام بالقفز في الماء
كرم/يلا يا جبان بتنط في المايه تستخبي يا جباااان
ضحكت ريم بصخب على منظر شقيقها وبجانبها يارا وأسماء اللتان سقطتا على الأرض من كثره الضحك
كرم/تحبوا تحصلوه
مالك/ياعم التنين اهدي شويه بقى
نظر له كرم/انت قد كلامك ده
نظر مالك لكرم وبلع ريقه بصعوبه وعندما وجد كرم يأتي ناحيته ركض بأقصى سرعة له وقفز في الماء مع ياسين
يارا بضحك شديد/مش قادره بجد همووووت
اسماء/يا ميرنااااااا يا مللللللكك يا حااااازززم يا مرااااااااد تعالوا بسرعه الحقوا فيه ضحك هنااا ااااااه
.
في الجهة الأخرى من الحديقه
أحمد/ اسماء بتصرخ يبقى فيه مصيبه
محمد/سيبهم يولعوا في بعض احنا مالنا دول عيال متربوش قبل كدا اصلا
علاء/ محدش بيقدر عليهم غير كرم وتقريبا هو معاهم خليهم يتربوا شويه بقى
محمد/يلا يستاهلوا
.
.
جاء حازم وهو يركض ووراءه ملك فوجد يارا وأسماء وريم يضحكون بصخب بينما ياسين ومالك في الماء يحاولون الخروج وكرم يقف ينظر لهم بشماته
حازم/استنوا استنوا ماتقولوش ياسين ومالك ضايقوا كرم
ريم بضحك شديد/هههههه ماشوفتش اللي حصل يالهواااااي دول نطوا نطه إنما ايه تحففه ههههههه
حازم/ بقى كرم اللي يعمل فيكم كدا اااه يا خساره الرجاله
ياسين/المايه متلجه يحححح
مالك/انا كان ايه خلاني اتكلم منك لله يا ياسين
خرج ياسين وساعد مالك على الخروج لكن لم ينتبه لهم أحد من كثره الضحك فنظر ياسين لمالك بعد أن خطرت بباله فكره وأشار له بعينيه على الحبل الموجود بجانبهم وضحكوا بشر وامسكوا الحبل من الجهتين وعادوا للخلف ثم ركضوا بأقصي سرعة لهم تجاه الذين يقفون أمام الماء وسحبوهم بالحبل وقفزوا في الماء فسقط الجميع وراءهم
خرجت ريم من تحت الماء وهي تتنفس بسرعه وتمسح على وجهها وخرج الجميع من تحت الماء
ريم /عاااااا منكم لله انتوا عملتوا ايه غرقتوني
اسماء/النضاره باظت انا مش شايفه اااه
ملك/ما انا كنت قاعده بكرامتي اذاكر انا ايه نزلني هنااا
ظل ياسين ومالك يضحكون بصخب وسط تزمر الجميع
حازم /برستيجي باظ اكتر مهو بايظ
مالك بضحك / اومال فين كرم هو مش وقع معانا
كرم من وراءهم / انا هنا ياروح امك ليلتكوا سوده
نظر مالك لياسين برعب ثم غطسوا تحت الماء مره اخرى
حازم / ولع فيهم يا كرم
كرم /أخرس
حازم / عنيف اوي كرم اخويا ده
احس حازم بشئ يجذب قدمه من تحت الماء فظل يصرخ
حازم بصراخ/ اسماااااااااااااك قرررررررررششششش
خرجت ياارا من تحت الماء وهي تضحك بصخب
يارا /سمك القرش يا اهبل سمك القرش ههههه سمك القرش ساب كل المحيطات وجه في حمام السباحه بتاعنا انت عبيط يلاااا ههههههه
خرج ياسين ومالك وتنفسوا بسرعه وغطسوا مره اخرى
كرم / انا هسيبكم بمزاجي عشان انتوا عيله عبيطه اصلا
وخرج من الماء وذهب إلى غرفة حمام السباحه واخد منشفه وضعها على رأسه وصعد إلى غرفته بينما قذف حازم على يارا بعض الماء وهو يصرخ/هتموتيني على ايدك في مره منك للللللللله
قذفت عليه يارا بعض الماء هي الأخرى فسقطت على ريم وأسماء فبادلوها بالرش وخرج ياسين ومالك من تحت الماء وانضموا لهم وظلوا يرشون على بعضهم الماء إلى أن قاموا بتغريق المكان حولهم
.
لساعه الرابعة عصرا :
يقف حازم ويمسك قماشة في يده وفي يده الأخرى ممسحه واكمام قميصه مرفوعة وقدم مرفوعة والأخرى لا ومالك وياسين ويارا وأسماء وملك كلهم تقريبا نفس الشكل