سَنَدى"مكتملة."

12.حفلة تحت وقف التخريب

_وحشتونييييي
ملك/نوريي جاااات
ركضت ملك عليها احتضنتها بشدة فهي شقيقتها الوحيدة التي تشتاق لها وبعدها اسماء ويارا وريم ايضا
نور ببسمة/عمتو فريده وحشتيني
وذهبت لها واحتضنتها هي الأخرى فأردفت فريدة ببسمة/ازيك يا نور وحشتينا اوي من الأسبوع اللي فات والله
نور/وانتوا اكتر والله يا عمتو
فريده بحماس/اما أروح اقول لمامتك وعمتك مني هيفرحوا اوي
اومأت نور بابتسامه ثم ذهبت لميرنا وأردفت بحزن/ميرنا مالك يا روحي.. الف سلامه معلش لما عرفت معرفتش اجيلك كنت مشغولة مع العيال والله
ميرنا ببسمة/ انا عارفاه انك مشغوله وكفاية عليكي زياد واياد المهم انك جيتي دلوقتي
دخل بعدها زياد واياد فقفز الأثنان على مراد وهما يصرخان/مراد المكسور هييي
مراد بضحك/ااااه ايدي يا عيال نور انا ماصدقت هفكها قريب تقوموا تكسروها تاني
يارا/الهبلة وعيالها نوروا والله
ياسين بتعجب/مالهم هاديين المره دي يا نور
نور/لا لسه متفاعلوش مع الجو بس شويه كدا وهيبهدلوكوا
نظرت يارا تجاههم وأردفت بخبث/تؤ تؤ شيلوا طاقتكم للحفله بليل
زياد بمشاكسة/هو هيبقى في بنات حلوه في الحفله يا اخت يارا؟
نظرت يارا لهم بصدمه وسرعان ما استدارت ونظرت لمالك بشر وهي تهتف/اخت يارا وبنات حلوه؟ زياد يا حبيبي هو انت قعدت مع مالك أمته؟
اياد/مالك كان عندنا اول امبارح
يارا/ااااه قولي كدا بقى.. الله يخربيتك يا مالك ويخربيت تربيتك الزباله دي
مالك/مالها بقى تربيتي مهي شبه القمر اهه اسكتي انتي مش بتفهمي في التربيه
يارا/قال يعني عارف تربى نفسك عشان تربى عيال نور روح العب بعيد يا شاطر
نظر مالك لها بشر فبادلته النظرات بأخرى متحدية فأردفت نور/مش هتجهزوا ولا ايه عشان الحفله
اسماء/يابنتي لسه بدري قدامنا وقت طويل متقلقيش
.
#الساعه السادسة مساءً
صوت صراخ عالي يأتي من الدور الثالث الذي يوجد به غرف الفتيات وهم يركضون بعشوائيه في الغرف لا بل يركضون في الملاعب فقد انقلبت الغرف تماماً وأصبحت رأساً على عقب فالملابس ملقاة في جميع الأنحاء والأحذية ملقاة أيضا وصناديق المجوهرات مفتوحة وملقاة على الفراش وأسماء تقف تصرخ كالحشرة التي علقت بين حَجَرتين/جذمتيييي رااااحت فيييين
ويارا تقف تُكمل صراخها/الطرحااااااااه
وريم التي تدور حول نفسها ولا تدري على ماذا تبحث من الأساس/خاتمي فين كان هنا من شوية!
وملك التي تنظر في المرآة منذ ما يقرب الساعة/شكلي مش مظبوط الفستان مش مظبوط لا 
ونور التي لو لم تكن قد ارتدت حجابها لكانت الآن تمسك خصلات شعرها كالمجانين/زياااااد قولتلك اديله لعبته .. اياااااد قولتلك سيييبه ..
أخرجت هاتفها وضغطت على أول رقم تحادثه عندما يطفح بها الكيل وسرعان ما اتاها الرد فصرخت/عمممممررر عيااالللككك جننوووواا اههههللللييييي
بينما في الجهة الأخرى سقط الهاتف من يده أثر صراخها وامسك أذناه بألم وانحني ليلتقط الهاتف مرة أخرى وأردف بنبرة أشبه للبكاء/طب وانا مالي متصلة تُخرمي ودني ليه انا عملتلك حاجه يا ولية
نور بصدمة/انا ولية يا عمر؟
عمر بتذمر/ايوه ولية يا نور هه
نور بدرامية/طلقني يا عُمر
اكمل كلامها بنفس النبرة الطفولية والدرامية/مش هطلقك يا سلمى
نور/بقولك طلقني ياعمر
عمر/وانا بقولك مش هطلقك يا سلمى
كان اياد وزياد يجلسان يتابعوهما بملل فأردف فنظر زياد تجاه اياد وأردف/كان يوم اسود اليوم اللي أخدت منك اللعبة فيه
ثم نظر تجاه نور مرة أخرى وقال بصوت عالي/ما تطلقها يا عمر وتريحنا يا عمر، وانتي يا اخت سلمي استهدي بالله كدا
ريم بتعجب/سلمي مين
زياد/ايه دا مسمعتيش فيلم عمر وسلمى
ريم بتعجب أكبر/لا انا عارفاه بس ايه علاقته بنور
زياد بضحك/اصل نور بتقول طلقني ياعمر فقالها مش هطلقك ياسلمي
ملك بضحك/دي طفولة متأخرة متاخديش في بالك
كانت ميرنا تجلس تمسك رأسها بألم وتنظر لهم بحنق/صدعتولي دماغي خفوا صياح شويه الله يستركم
يارا/الطرحااااااااه الطرحه فيييييين
ميرنا بلامبالاة/انا شوفتها مع مالك
يارا بصدمة/ينهار اسود الا يكون اللي في بالي
خرجت يارا وركضت في الممر وصلت إلى السلم وجدت مالك يجلس على السلم ويكاد يمسح حذائه بحجابها
يارا بصراخ/انت بتتتتعمللل ايييييه
سحبت يارا حجابها منه بسرعه ونظرت له بصدمه فنظر لها بغيظ/كنت همسح الجزمه في ايه
يارا بصدمه/ايه! كنت هتمسحها بطرحتي طرحه الفستاااان!!
مالك/هي طرحتك يعني مش قماشة؟؟ هي كلمة واحدة بس اللي هقولها...احيييييه
قفز من مكانه وركض إلى الأعلى بسرعه كبيره بينما نظرت له يارا بشر/بس اما الحفله تخلص و والله لأوريك يا زبالة يا رممممةةةة
أسماء بصراخ/جذمتيييي راحت فييييييين
ميرنا/قصدك على دي؟
أشارت إلى قدمها فعقدت أسماء ساعديها بغيظ/بقالي ساعتين بدور على جذمتي وفي الاخر تطلع في رجلك
ميرنا بخبث/رجلي تعبانه ومينفعش عليها اي جذمه دي الوحيده اللي عرفت البسها عليها وبعدين مسمعتيش كلام بابا ولا ايه
أسماء بغيظ/ملييش فيه عايزه جذمتي
ميرنا بخبث أكبر/باباااااا....
وضعت اسماء يدها على فهما تمنعها من الكلام وأكملت بغيظ/اسكتي مش انا كنت بهزر معاكي
ميرنا بفخر/اه ماشي سيبيني بقى عشان بابا هييجي ياخدني دلوقتي انتي عارفاه مش بعرف امشي كويس لسه
نظرت لها اسماء بشر ثم ذهبت وهي تدبدب في الأرض فأردفت ريم/خاتمي فين؟ خاتمي يا عيال مش لاقياااه.. خاتميييي
ملك بضحك/طب بصي على ايدك كدا
نظرت ريم ليدها وجدت نفسها ترتدي الخاتم فقالت بصدمة/ايه دا انا لبسته أمته دا.. الذاكره يدوبك ربنا يحميني
انحني زياد وأخذ حذاء والدته وهو يقذفه للأعلى فصرخت نور صرخة اضاعت أُذن عمر للمرة الثانية/يا عيال الجذمممه هاتوا الجذمممه
عمر ببكاء مصطنع /يا نووور ودني يا نووور الله يسترك
امسك زياد حذائها والقاه إلى اياد ونور تركض خلفهم فكادت تمسك إياد الا انها لم تعرف بسبب شعره القصير فأردفت بتذمر/ابقى فكرني مسيبكش تحلق شعرك تاني عشان اعرف امسكك منه
تركته وكضت إلى زياد وامسكته من ملابسه فصرخ وهو يمسك هاتفها/يا عمر الحقني ياعمر سلمي هتموتني يا عمرررر
عمر بتصفير/ايوووووه يا نوووور يا جاااممدة
اياد بتعجب/دا ايه العيلة المُعاقة دي ياربي
.
#في الدور الرابع عند الشباب وبالتحديد غرفة كرم كان يقف يسب لياقة القميص الخاصة به ومالك يستند على الباب ويضحك بصخب فنظر له كرم بشر/ما تبطل ضحك بقى يا حيوان
مالك بضحك/انت قاعد بقالك ساعة بتتخانق مع اللياقه ههههه
كرم/مهي بنت الجذمه مش راضيه تتعدل 
مالك بضحك/هعدلهالك بس متغدرش وتضربني الا ايدك تقيله هه
كرم/أنجز الا دقيقه كمان وهولع في ام القميص ده انا مش عارف اصلا ايه لبسني بِدل ولياقات وقرف
مالك/عنيف اوي ههه
كرم/ماتنجز بقى وتعدلي ام اللياقه دي في أم اليوم اللي مش هيخلص ده ابو شكلك
شرد مالك قليلا وهو يعدل لياقته فأبتسم كرم بخبث في انتظار ما سيقوله فأردف مالك بهدوء/الأول انا عايز احكيلك حاجه، انا اتعاركت مع الولد عشان شتم على اخواتي مش عليا لو كان شتم عليا كان زماني سكت لكن اللي بييجي علي اخواتي امسح بكرامة اهله الأرض
كرم/انا عارف اصلا االي حصل الصبح
مالك بدهشة/عارف ايه؟
كرم/عارف بحوار عاركتك مع ابن اللواء
مالك بصدمة/ايه!ازاي!!؟
كرم/دي مش أول مرة تتعارك معاه انت دايما بتتعارك معاه فعشان كدا كنت روحت الجامعه استعلمت عنه ووصيت واحد هناك ان لو الواد دا اتعرضلك تاني يقولي انا عارف انك مش صغير عشان اخلي واحد يراقبك هو مش بيراقبك بالمعني الحرفي لكن بيحميك اكتر لأن الولد دا مش سهل فلما النهارده اتعارك معاك قالي انكوا اتعاركتوا وعرفت اللي حصل وانا عارف اني سايب ورايا راجل خايف علي اخواته من الكلام حتي ..وحتي لو مكنتش عوفت بالعاركة كنت هعرف انك بتحور الصبح عارف ليه ؟عشان انا فاهمك يا رمة ، صحيح هما فرق سبع سنين بس، لكن انا بعتبرك ابني يا مالك ومش هقول تربيتي عشان انت مش متربي اصلا بس هقول انه بالرغم من مشاكلك الكتير بس راجل اوي وحط تحت الكلمة دي مليون خط ويلا عشزن ننزل يامهزأ
انهي كلامه وسحبه من يده فسار مالك وواءه وهن ينظر امامه بتعجب ثم صرخ فجأة/انت بتشتمني، بقى انا رمة وزبالة ومهزأ ومش متربي
نظر كرم له بتشنج وصفعه على رقبته/هو دا كل اللي هامك يا أخي أبو شكلك
.
في غرفة ياسين كان يقف امام المرآه ويتحدث بغيظ/ادخل القميص من هنا يقوم طالع من هنا ادخله من هنا يقوم طالع الناحيه التانيه ابو شكل اللي يعوز يلبس بدل تاني انا طول عمري مبحبش البدل اصلا بتخنق كدا انا ايه لبسني بدلة اصلا دا انا بفكر لما اتجوز البس جلبية والله أهم حاجه الراحة
.
في غرفة أخرى يقف مراد ينظر لنفسه برضا في المرآة ويعدل من ياقة قميصه كل خمس دقائق تقريبا بينما حازم ينظر له بسخرية فأردف مراد بغرور/طول عمري قمر
حازم بسخريه/مغرور
مراد بفخر/بس قمر
.
#الساعه السادسة ونصف:
كانت الحديقه مزينة بطريقة جميلة جدا واضواء في كل مكان وحمام السباحه في المنتصف وحوله أنوار كثيره فكان شكله رائع والمقاعد موجوده حوله وبجانبه مكان البوفيه ومكان أيضا يوضع فيه الهدايا ويوجد بلالين في كل مكان والمكان أكثر من الرائع وكان ملئ برجال الأعمال الكبار وأصدقاء كثيرة لكل فرد في العائله
.
أحمد بابتسامه/يا هلا بالباشا اللي منور
امين بابتسامه أكبر/البيت منور بأصحابه والله
امين/والله وحشتني ووحشني ايام الشباب معاك ياعم
أحمد/انت اكتر والله يا أمين
امين/اومال فين اولادكم فين نفسي اشوفهم مشوفتهمش من وهما صغيرين مشوفتش غير حازم عشان صاحب آسر، ويارا واسماء عشان صحاب الاء
علاء/زمانهم نازلين دلوقتي اطلع انت هات ميرنا يا احمد وانا هروح اشوف بقيت الولاد خلصوا ولا لا 
امين/ليه هي مالها؟
محمد/اصل رجلها مش بتمشي عليها كتير كان حاصل شويه مشاكل كدا
امين/ربنا يشفيها يارب هي قد ايه؟
محمد/في تانيه ثانوي دي الصغيرة
امين/اممم لسه صغيره.. وانت يا محمد عيالك قد ايه؟
محمد/كرم هو مش الكبير بس بعتبره الكبير
امين/اه دا اللي في كليه الشرطه سمعت عنه كتير بيشكروا فيه جدا
محمد/اه دا العاقل الوحيد في عيالي وحازم الكبير الاهبل وعيال الكلب الاتنين يارا ومالك
.
فى ناحيه اخرى من الحفل
ساندي/اومال هما مجوش ليه عايزه أشوف شكلهم صحيح الحفله حلوه بس اكيد شكلهم زي ما هما لوكل ههههههه
نظرت لها دعاء صدقيتها بملل منها فأكملت ساندي/هما فين عايزه اتريق عليهم شويه
دعاء بملل/اصبري زمانهم نازلين بعد شويه
.
في الأعلي
أحمد/يا بنات خلصتوا؟
ميرنا/تعالى يا بابا
دخل أحمد ونظر للفتيات بإعجاب/ما شاء الله... كلكم قمرات والله
اسماء بفخر/تربيتك يا حج
أحمد/تربية ايه بس اقسم بالله ما فيه واحد منكم متربي هاتيلي واحد بس متربي فيكم
أسماء/أمم كرم وميرنا مفيش غيرهم
أحمد/كرم وميرنا ايه بس ما انتوا بوظتوهم دا ميرنا وكرم باظوا خلاص ومبقاش فيه حد متربي
.
مني بتعجب/اومال العيال منزلوش ليه اتأخروا
علا/البنات كانوا عاملين دوشه فوق معناها كانوا بيلبسوا دلوقتي مفيش صوت معناها انهم خلصوا يبقي زمانهم نازلين
مني/والولاد فين؟
فريده/كان مالك ويارا بيتعاركوا من شويه وحازم وياسين كانوا بيعصبوا في كرم فوق ومراد كان بيلبس
علا بضحك/أهم جم أهم 
نظر الجميع ناحية الذين دخلوا للتو من الباب الخلفي للحديقه وعلامات الاستغراب! الصدمه! الانبهار! الغيره! والتعجب! نظرات كثيره وأكثرها الإعجاب! والهمهمات التي بدأت تصدر من بعض الأشخاص كل هذا بعد أن دخلوا
.
دخل أحمد ومعه ميرنا التي تستند عليه وكانت ترتدي فستان ازرق اللون بسيط جدا جعلها فتاه كبيرة في العقد العشريني وعلى وجهها ابتسامة صغيرة
دخل بعدها مالك الذي يمسك في يده ملك وترتدي فستان باللون السماوي وكان منظرها طفولي جدا مع مالك الذي يرتدي قميص من نفس لون الفستان
.
خلفهم ريم التي كانت ترتدي فستان من اللون السماوي أيضا لكن الاختلاف انه لامع وكان يتناسب مع لون عينيها وكانت سعيده للغايه ومعها ياسين الذي يرتدي قميص بنفس اللون أيضا
.
خلفهم يارا بفستانها الزهري الذي يتناسب مع طولها وتقف في وسط حازم وكرم ومن يراهم الان لا يصدقون انهم هم نفسهم الذين كانوا يتعاركون صباحا
.
وخلفهم اسماء ترتدي فستان موف يشبه فستان يارا ولم تكن ترتدي نظاراتها فكانت غايه في الجمال ومعها مراد الذي يمسك يدها برغم يده المكسورة
.
واخيرا وليس آخرا
نور التي كانت ترتدي فستان باللون الرصاصي والزهري وبه لمعه بسيطه واياد وزياد على جانبيها والذي يراها لا يصدق ابدا انها والده هذان الطفلان
.
افترقوا جميعهم وذهب كل واحد تجاه صديقه بينما ذهبت أسماء تجاه الاء
آلاء/اوعي القمر اللي جاي علينا
اسماء بضحك/يا بكاااشه
آلاء/انتي هبله يا بت انتي مشوفتيش الناس كانت بتبصلكوا ازاي دا انتوا شكلكوا ياخد العقل والله العظيم
أسماء ببسمة/حبيبتي يا لولو
آلاء/اومال فين يارا؟
اسماء بلامبالاه/تلاقيها بتتعارك مع حد من أخواتها أو زمانها بتتعارك مع مالك لأنها كانت مضايقاه منه من شويه اهه بصي واقفه مع مالك عند الدي جي بيتعاركوا
.
يارا/مالك ابعد كدا وبطل غتاته انا اللي هشغل اغاني لو سمحت
مالك/لا انا اللي هشغلها على مزاجي
يارا/وسع يا مالك بدل ما بالله اشغلكم اغاني كئيبه وانكد عليكم وانا اصلا ماهصدق يعني
مالك/نكدي على نفسك يا ماما انا كائن فرفوش عايز اغاني فرفوشه شبهي يا نكديه
يارا/بتقول ايه
مالك بلامبالاه/(ن ك د ي ه).. .. سمعتي كدا؟
يارا/بقى انا نكديه طييييييب
.
مراد/اندرو باشا بنفسه هنا
أندرو بضحك/لسه شايفك الصبح يا اهبل
مراد/ولو وحشتني بردة
أندرو بضحك/بقولك ايه بلا وحشتني بلا بتاع البوفيه فين
مراد/كنت لسه بدور عليه مفيش حاجة تسعد الواحد غير الاكل والله يلا يابني
.
كان كرم يقف ويتابع الجميع بملل حتي جاء حازم ووقف بجانبه
حازم/شايف اخواتك اللي هيفضحونا وسط رجال الأعمال
كرم بلامبالاة/قال يعني حاجه جديده انتوا عيله مفضوحه اصلا
ياسين من اللامكان/انا سعات بستغرب ازاي اسمنا عيله العامري المفروض كان يبقى اسمنا عيله الفضايح عيله المصايب لكن العامري تؤ مش نافعه
حازم/انت صح
ياسين بفخر/انا طول عمري صح اصلا
حازم بسخريه/مغرور كمان
ياسين/بس حكيم
حازم بدهشة/ايه دا فيه هو انت ومراد متفقين عليا ولا ايه
كرم/بصوا كدا ثانيه وتكونوا انتوا الاتنين اختفيتوا من قدامي الا انتوا عيال دوشه وانا مش ناقص
حازم/متزوقش طااااه ثم وجه كلامه لياسين/تعالى يا ياسين ياحبيبي لما نشوف مكان تاني نتعارك فيه
رحل حازم وياسين ولكن لم تمر دقيقتين حتي وجد يارا بجانبه فأغمض عينيه بغيظ حتى اردفت يارا ببراءة/كرم
كرم/نعمين
يارا/مالك ضربني
كرم ببرود/ولعوا في بعض
يارا/يعني مش هت...
قطع كلامها رجل جاء ناحية كرم وأول ما رآه كرم حتى وقف وادي التحية العسكرية 
يارا بهمس لكرم/كرم مين دا؟
كرم بهمس/اخرسي واياكي تتكلمي
كرم/شكرا لحضرتك انك قبلت دعوتي وجيت
اللواء/انت من أمهر الظباط عندنا يا كرم وعلطول بتنقذنا في مهمات كتير وليك أفضال كتير علينا وكان لازم اجي
كرم/ربنا يخليك يافندم
ابتسم اللواء ولاحظ وقوف يارا التي تنظر له بأستغراب ثم نظرت لكرم/مالك يا كرم محترم كدا ليه
اغمض كرم عينه بيأس بعدما أيقن ما ستفعله وأنها ستفتعل له المشاكل بينما ضحك اللواء علي كلامها
يارا بهمس/طب تعالى هاتلي مسدسك شوية أخوف بيه مالك طيب 
نظر لها كرم بصدمه فنظر له اللواء بأستغراب/مالك يا كرم؟
كرم/هاا لا ولا حاجه
اللواء/متأكد يابني
يارا بضحك/متقلقش يسطا هو كويس بس مصدوم شويه بس من الطلب هههه
نظر لها اللواء بدهشة وثواني وضحك بصوته كله بينما فتح كرم عينه من الصدمه أكثر فأردف اللواء وهو مازال يضحك/انا هستأذن يا كرم ربنا يقويك على مابلاك
ذهب اللواء فنظرت يارا تجاه كرم المصدوم وأردفت بأستغراب/هو مين الراجل ده يا كرم
جاء حازم ايضا وقف بجانبهم فلاحظ كرم الذي ينظر أمامه بصدمه فأردف بدهشة/مالك يا كرم؟ ماله اخوكي يا يارا؟
يارا/مش عارفه مصدوم من ساعت ما الراجل ده مشي
حازم/راجل مين؟
كرم بهدوء/ اختك، أختك بتقولي هاتلي مسدسك اخوف بيه مالك، وبتقول للواء يسطا.. اللوااااااء...اللواء اختك بتقوله يسطا!!
كان حازم يشرب مشروب في يده فبصق الماء كله وسعل بشده وهو يضحك بصخب
يارا ببلاهه/لواء مين دا واختك مين
حازم بضحك شديد/اااه مش قادر هههههه مش قادر اااااااااه هههههههه
وقع على الأرض من كثرة الضحك ويارا تنظر له بأستغراب وكرم الذي مازال ينظر أمامه 
يارا/هو فيه ايه؟ اختك مين
نظرت يارا أمامها لثواني ثم استوعبت فأردفت بغباء أكبر/ بابا متجوز على ماما ولينا اخوات تانيه؟؟؟؟
أخرجت منديل وهمي وبدأت تمسح دموعها الوهمية وهي تقول ببكاء مصطنع/انا قلبي كان حاسس، ازاي هان عليه العِشرة
صمتت ثم نظرت لكرم بشر/يعني انت بتحب اختك التانية اكتر مني
اخرج كرم مسدسه ووضعه على رأسها بشر/عارفاه لو مسكتيش هفرغ المسدس دهه كله في دماغك.. آمين؟
اومأت يارا بهدوء وخوف فأخفض مسدسه ووضعه في جيبه مرة أخرى وأردف بهدوء/بتقولي للواء يسطا.. بقى اللواء يتقاله يسطا؟
يارا/انت اهبل يلاا وهو هشوفه فين اصلا انت عبيط؟ هل انت عبيط؟
ثم أكملت/هو صحيح يا كرم مين اللي كان هنا من شويه دا؟
كرم بسخريه/دا.. دا الاسطا سياده اللواء ههههه
ظلت يارا تفكر لثواني وهي تستعوب ثم فتحت عينها من الصدمه هي أخرى ونظرت لكرم وشكله لا يدل علي الخير ابدا بينما حازم ارتفع صوت ضحكه إلى أن لفت انتباه الموجودين فرفعت يارا فستانها وامسكت الصندوق الذي يوجد بجانبها فتحته واخرجت منه حذاء آخر تحت دهشة كرم
يارا/كنت عامله حسابي فجبت جذمه أرضى عشان اعرف أجرى بيها
ارتدت يارا الحذاء ثم رفعت فستانها وصرخت وهي تركض/اجرررررررريي ياا مجدددددددددي
وظلت تركض بأقصى سرعة لها بين الناس وكرم وراءها وسط أنظار الموجودين في الحفله ويارا التي تحاول تفادي الناس بأعجوبة

أحمد بتعب/كنت متأكد أن ده هيحصل افتح الجنينه التانيه يا محمد بسرعه عشان نقعد فيها مع الناس الكبار بدل المصايب اللي هتحصل هنا بسرعه
اخذ أحمد ومحمد وعلاء جميع رجال الأعمال وأصدقاءهم وذهبوا للجهة الأخرى من الحديقه بينما وقفت اسماء في وسط المكان ورفعت الميكروفون الوهمي /ونرجع ليكم تاني بحلقة جديده من برنامجكم المفضل مغامرات عيله العامري ومعانا الآنسة يارا بتجري في وسط الحفله تزق في الناس عشان تجري من رجل المهمات الصعبة كرم محمد واوباااا وصلت لحمام السباحه هتعدي ازاي كدا
صرخت اسماء بحماس/الله عليكي يا يارا يا زينه سفاحات مصر ومعانا المذيعة ريم تنقل لكم الأخبار من أرض الحدث ايوه يا انسه ريم
ريم بجدية مصطنعة/حاليا الوضع مستقر إلى حد ما يارا بتزق اللي بيجي قدامها واللي يقع في حمام السباحة يقع واللي ميقعش ميقعش والبقاء للأقوي هههههه
نظر مراد تجاه أندرو واشار على الباقي وأردف بضحك/اتفرج كدا اهو كدا نقدر نقول الحفله بدأت
مالك بصوت عالي/الحففففففلللله بدأاااات
.

طبعا انا زودت شوية مواقف كدا والبارت بقى كبير فأضطريت اقسمه على نصين يعني باقي الحفلة البارت الجاي وشوفوا الفصل طويل ازاي 😂🤍🤍🤍🤍
.
اقتباسات من الفصل الجاي 🤍
.
"هو انا قولتلك قبل كدا اني بحبك؟"
"وانا قولتلك قبل كدا اني هقتلك؟"
.
"المهم اعزائنا المشاهدين دا لو كان فيه مشاهدين بيتهيألي المشاهدين كلهم في المايه ههههههه"
.
"يكفي شرف المحاوله بس كدا"
"شرف مات الله يرحمه وحاليا احنا هنحصله"
.
"يابنتي كفايه"
"مش قادره ياعمي ههههههههههههههه"
.
"هما مالهم تنحوا ليه كدا؟"
"مش مصدقين يعيني"
.
"ملح؟! عايزين تموتونا مملحين!"
.
"طب ما انتي كسرتي باب التلاجة"
" وانت كسرت الكرسي"
.
" اعترفوا من غير ولا قلم انا بحييكم والله"
.
دُمتم سالمين🤍
يتبع..