أحببت معلمى

💗💗💗الخامس والثلاثون💗💗💗

احلام بعصبيه :- يا منه سيبينى انا بس هعرفها غلطها السحلية دى

منه هى وبتكتم ضحكه :- خلاص يا احلام

احلام :- ابدا اعرفها غلطها بس

منه:- يا ابنتى اتهدى شويه مش كل ما جواد يتكلم مع وحده عاوزه تموتيها متنسيش انه دكتور

احلام :- ولو برضوا  ما يتكلمش معها

منه:- احلام حبيبتى دى بتسأل عن حاجة فى المنهج

احلام بغيره :- يا سلام هو المنهج اليومين دول بقوا يضحكوا وانا معرفش ماشى يا جواد بس لما نروح البيت

منه بضحكه :- احلام انتى بقيتى مجنونه من يوم معرفتى بالحمل

احلام بعصبيه :- انا يا منه

منه :- دانتى البنت خرشمتى وشه ولولا جواد كانت هتموت تحت ايدك وعاوزه تكملى عليها لسه

احلام :- وهى تضحك معاه ليه يكون جوزها وانا معرفش

منه :- والله يا احلام الدكتور جواد قاعدلوا يومين وهيروح العباسيه من تحتك ومع ذالك مش بيتكلم

احلام :- طيب اعمل ايه يا منه مش بستحمل اشوفه مع حد غيرى

منه :- احلام حبيبتى خليكى واثقه فى جواد عمره ما هيبص لحد غيرك

احلام :- المشكله انا عارفه كده

منه :- طيب ليه بتعملى كده

احلام :- بغير عليه يا منه بغير مش بحب اشوفه واقف مع حد وخصوص لو كانت بنت .... يعنى ترضى محمد يقف مع حد غير

منه بغيره هى وبتخيل الموقف :- والله اجيب كرشه  البومه دى قال تقرب منه قال

احلام :- شفتى مجرد فكره بس كنتى هتعملى ايه

منه :- عندك حق والله  ... بس لو كترتى جواد هيتخنق كده متنسيش هو عمل عشانك ايه 

احلام :- عارفه يا منه والله بحبه

منه :- خلاص حاولى الفتره دى متعمليش كده تانى

احلام :-  ان شاء الله وبعد كده ضحكة بس يعدى دى الاول على خير

منه :- والله موضوع حملك جاى بفايده عليكى

احلام :- ههههههه انتى بتقولى يا عينى بيبقا عاوز يولع فيا بس مش بيقدر بسبب حملى
... بس تفتكرى ممكن يلاقى حاجة جديده يعاقبنى بيها

منه : مكدبش عليكى اه انتى المره دى زوتيها

احلام :- مش مهم المهم انى فشيت غلى

منه :- طيب يالاه اروحك فى طريقى

احلام "- جواد هيزعل قالى استنين نروح مع بعض

منه :- خلاص ماشى  وانا هلق اجهز الاكل لمحمد قبل ما يرجع

احلام :- صح هو محمد مجاش الجامعه ليه اليوم