..........
بعد مرور شهرين واني وعلي نروح ونرجع نشوف ابني بس متلهفه اشيله واضمه فبيوم رحنه للمستشفى ويانا اهل علي واهلي نريد نشوف ابني واحتمال نطلعى بس اشوف الدكاتره يتراكضون يم ابني خفت وسالت كالو مختنك واني هنا كلبت المستشفى كلب وعلي يكلهم شنو مختنك بكيفكم طلعو ابني ما بي شي وكمت ابجي واجه علي حضني كال لتبجين لا اموتج كلت ما بي شي شوي وجابو جهاز انعاش القلب وطبو ضلينا نصرخ ونوب وره شوي طلعت الدكتوره كالت احنا سوينا الي كدرنا عليه بس البقاء لله هيه كالت هيج واني اغمى علي فزيت بعدين وجانو حاطين مغذي الي شلعته وايدي كامت تنزف طلعت مثل لمخبله واعيط
..........................
مرت سنه على موت ابني واني يوم عن يوم جاي اكره علي مدري ليش وهوه هم بس يعارك ومدري شبي فمره اني فاتحه الموبايل اجتني رساله ع انستا دخلت كالت انتي بسببج خربت علاقتي وي علي بس مراح اسكت بعد راح اخلي يرجعلي رديت منو مجاوبت معقولة علي خايني زين هوه يحبني ليش يحب ذيج رجع علي بس يصيح ويعارك واني كوه متحملته كال باجر عازمينه اهلي وبيت عمي جايين مرديت لفيت راسي ونمت......
.............................
صار الصبح كعدت الساعه ب٨ سويت ريوك اكلت ( ها طبعا وره الحادثه علي اخذلي بيت وحدي لان كل ما اشوف امنه اتخبل زايد )
ونوب كعد علي بس يصيح صبيتله ورحت بدلت واجه بدل ورحنه واني كل علمي عمه فهد مموجوده ( امنه )
وصلنا ديكينا الباب جان تطلع امنه ردت اكتلهه علي كال نجبي واحترميهه نصدمت بس مسكتت كتله تره هاي كتلت ابنك كال وذا اني نصدمت اكثر كال فوتي حسابج بعدين ....
.......................
اجتي بت امنه ساره وبوست علي وحطت ايدهه على صدره وتكله وينك علوش ليش غايب كلت بكلبي هاي ع يا اساس هيج تسوي اني ما اكله علوش بس سكتت كلت بت عمته وتمون فتنه جوه وجاي اكعد يم علي بس اجت ساره وجاي اكعد من الجهه الثانيه كعدت امنه تعوذت من الشيطان وكعدت بغير جهه ......
................
ضلو يسولفون وكمت ساعدتهم وساره يم علي متوقعت شي مو زين رحت جاي ارتاح ملكيت علي وساره سالت عمتي ام علي كالت ساره تريده يشرحلهه الماده راحو بالغرفه صعدت وصلت الباب جاي ادكهه واسمعه يتغزل بيهه عصبت فتحت الباب وجانت الصدمه .............
...................
ساره مصلخه وعلي فوكاهه يبوس بيهه هنا كبت عيوني حمر رحت يمهم ضربت الصخله راشدي وباوعت على علي كتله اني اعلمك عفت وطلعت وعلي يركض وراي واني مهتميت وصلت الباب كالو خير وين رايحه كتلهم اعوف عصافير الحب يغردون براحتهم وطلعت اجرت تكسي وشفته ركب السياره وراي مهتميت كمت ابجي حتى ابو السياره حجي جبير الله يحفضه كال بويه اوديج مستشفى كلتله لا عمو تسلم واني بس ابجي واتذكر شلون يبوس بيهه مثل مجان يبوس بيه واني صاراي مده ما لامسني حتى متت قهر وصلت لبيت اهلي دكيت الباب فتحت امي فتت وسديت الباب وضل يدك كلتلهه عوفي سولفت لماما القصه وضلت تبجي وتكول سوده عليه شنو هالحض العندج وهو فلش الباب متحملت كمت فتحت بعده محاجي كتله اسفه قاطعتكم روح كمل ما دام خلصت مني وهو كال مفتهمه غلط كتله شفمتهمه غلط شفتك بعيوني نايم فوكاهه وتبوس بيهه مثل مجنت تسوي وياي واني اكول صارلك سنه ما لامسني حته ....
.........
علي : يعد الي صار وصياح نور وادري اني غلطان بس مدري ليش هيج سويت لزمتهه وحصرتهه ع الباب وكتلهه اسف بنيتي بعد ما تكرر جاي اخذها وياي هدت ايدي ..
..........
نور : وبكل وقاحه تريد اجي وياك لو تموت اجتي ماما ورزلته هم مقصرت وكتله باجر من الصبح ارفع قضيه طلاق ولا اريد اشوفك ولا اسمع صوتك طلعته وسديت الباب ورحت ع ماما وحضنتهه .....
يتبع ......
حبايبي اتمنى عجبكم البارت مو تنسون التعليقات ....
