رجعت للبيت كبل بدلت ونمت وكعدت الساعه ب ٧ الصبح نزلت لكيتهم نايمين كبل صعدت لدلت وطلعت رحت للسياره
....................
بلطريق اجتني مكالمه من يوسف فتحتهه كال
يوسف : وينج حب
نور : بلطريق ومدري وين حروح
يوسف : تعاي لمطعم **** عازمج
نور : تمام اني قريبه
سديت المكالمه ورحت للمطعم لكيت يوسف هناك اكلنا وخلصنا وجاي اروح كال
يوسف : اليوم باليل اجي لاهلج وي اهلي
نور : ليش
يوسف : اريد اعرف اهلج على اهلي لو متردين
نور : لا ليش لا
يوسف : تم موعدنا ب ٨ باليل
نور : تمام
....................
رجعت كلت لامي حيجون اهل يوسف ب ٨ ضحكت امي كلتلهه شبيج كالت لا ماكو شي ( هسه تعرفون ليش ضحكت ام نور )
راحت نور نامت ووقتت منبه ب ٧
.....................
يم يوسف
يوسف : يله يمه تاخرنا لا تكعد
ام يوسف : اي يمه خلصت
.................
نرجع لنور
كعدت نور وراحت للحمام ضلت هواي بالحمام ومحست بالوقت
..................
اجو اهل يوسف
ام نور : تصو صوتكم لتكعد
ام يوسف : يله غير تجهز تتاخر
ام نور : لبدو جوه الدرج ومن تنزل تعالو
يوسف : لتخافين خالتو دارسهه للخطه درس
ام نور : يله راح اصعدلهه
...................
كملت نور ونزلت وطلع يوسف كدامهه وركعلهه وكال
يوسف : يا اجمل فتاه راتها عيني يا اجمل فراشة رفرفت على قلبي كنتي جزء من حياتي والان وبهذه اللحضة هل تقبلين ان تكونى كليّ وملكي وملكك هل تقبلين ان تكوني امراتي سيدتي سلطانتي حبيبتي عشيقتي
............
نور : باوعت على الكل كلهم ينتضرون اوافق بس اني ما اعرف شنو اكول بعد تجربة الزواج الي مريت بيهه كرهت جنس الرجال صحيح يوسف غير بس علي جان كلش خوش انسان بنضري وبعد ما اتزوجته صار شخص ثاني خفت اني اكلكم خفت كلش هم خفت لا اخسر كل شي هل مرا اذا تكرر ذاك الشي راح يصير بي شي اني تخطيت بصعوبة هذا ما يعني اني اكره يوسف بس اخاف اخاف كلش باوعت على يوسف راحت البسمه على وجهه باوعت على اهلي واهله كلهم خايفين ارفض واني ما ادري شاكول
...........
بعد مده دامت ٥ دقائق باوعت على يوسف
.........
يتبع
شلوني بس سوري على السحبة بس ضروف شلون الغزل 😂😂 ابو كلب مو
شلون النهاية الخبيثة ادري الفضول عدكم هسه ⬆️⬆️
انشالله مراح اسحب ع الرغم بيه كورونا هسه فراعوني مثل ما جاي اراعيكم يمكن الاسبوع الجاي لانو راح اطول البارت واتعب ما اكدر اكتب هواي بيوم لان مريضه فاسبوع وادلعكم بالبارت
سوري ع الاخطاء
SEE YOU SOON ❤🦋
