نورس؛ كاعده بالغرفة خابرت عزيز وكتله قصتي ويه سمير
مره احبه ومره اندم على حبه مادري شسوي عزيز حايره
ماكدر اعيش هيج صدكني تعبت والله
عزيز؛ نورس تريدين نصيحتي اطلكي احسن الج ارتاحي سافري عيشي حياتج لاتظلين باسم الفصلية طول عمرج
وتخسرين ماتربحين
نورس؛ خلص لعد كول للولد يجون عكب باجر وننهي الموضوع
عزيز؛ خوش يروحي ارتاحي ولا تفكرين خليها على الله
نورس تصبح على خير حبيبي
عزيز أجمعين عمري الله وياج
سمير؛ رحت لأمي كعدت يمها
امي؛ ها وليدي شني قرار مريتك ناريه
سمير؛ يمه جنها تريد تطلك مني
امي؛ يمه إذا هي مامرتاحه عيفها ترد لولايتها ومن تشتاك تردها مابيها شي
سمير؛ شني يمه اتزوجها ١٠ مرات
امي؛ ميخالف يمه استحملها خطية ماعدها الينصحوها خليها ترا مصيبتها مو هينه يٱيوم خسرت ابنها ونزلت على ٣ ضراير شتريد منها
سمير؛ والله يمه هم حقها اوووف اوف الحمد لله على كل حال
نورس؛ تمددت بفراشي نمت ومفكرت باي شي
نمت كعدت ثاني يوم اجوي خوات سمير وكلهم نجمعوا اليوم طبيت سبحت سويت تنظيف بشره وجسم وكويت شعري سويته كيرلي خليت مكياج بلون شهري لبست دشداشه بيضة نص ردن تراجي وقلادة سوار حامل للتليفون رشيت عطر ونزلت سلمت عليهم كلها صفنت عليه طلعت لبيتي الوره كملت الطبله صبغتها همزين ماوصخت ملابسي صحت خالد وحسن شالوها تنشف برا تعجبوا بيها كتلهم هاي للكم شوفوا وين تخلوها طبيت نظفت البيت كعدت اعزف واغني ندك الباب عليه
حسن؛ عمه الشيخ يكلج تعالى كعدي يمنه
نورس؛ ههههه عمه كلي ايقونه عادي انت بعمري ترا
حسن؛ ميقبل عمي
نورس؛ ههههه براحتك
طبيت جاي يتغدون لكيت سمير يخزر بيه مهتميت كعدت بين العم وام سمير كتلهم باجر يجون الولد علمود نفظ الموضوع
الكل عاف الاكل وصفنوا على سمير وعليه
العم؛ يعني قررتي تطلكين
نورس؛ اي عمي خلص اريد اروح لبيتي تعبت هنا مالي طاقة بعد اتحمل
العم؛ الله يوفقج يارب عود تعالي مو تنسينه
نورس؛ شلون انساكم أن شاء الله اجيكم بين كل فتره
سمير؛ الحمد لله
نورس؛ ادري بيك ضايج ومتريد اطلكني بس والله. تعبت تعبت سمير اني ماكرهك ولا احبك قسمتنه بعد شنسوي
كمت طلعت الجنط مالاتي حطيت هدومي وغراضي كلهن لحد ليل كملت كلشي حظرت لبس لباجر ارجع بي لبغداد ااااخ شكد مشتاقتلج يابغداد عمره خساره إلى يعوفج
دك الباب حسن عليه
حسن؛ عمه حطينه غراض البيت مالتج بالسياره
نورس؛ خـووما نكسر شي بيهن
حسن؛ لا أصلان رتبناهن عدل
نورس،؛ مشكور
طبيت نفتحت الباب طبن الجناين والبنات عليه
نضال؛ ليش هيج ايقونه أخوية مقهور وحابس روحه بالديوان من وراج هسه إذا صار بي شي من وراج
نورس؛ بنات لاتضحكون على روحكم احنه من البدايه مامقسومين لبعض وتدرون شصار بيه بسبب نسوانه مراح يكدر يبعد عن جهاله وان شاء الله ترجع حياته طبيعيه
البنات؛ لعد بعد لا ترجعين وتكولين ندمت
نورس؛ تعصبت من كلامهن بس سكتت وراحن خابرت على وعزيز كاميرا كالولي راح نجيب محامي وسيد ونصدق العقود بالمحكمة ويخلص كلشي
نورس :تدرون هو ضايج مني
عزيز؛ لازم يضوج حيخسر جوهره
نورس؛ اوووف يٱرﺑي والله مخنوكه مادي شداسوي اني اخاف من ختياري واطلع بلاخير ندمانه
على؛ لا يمعوده لاتكبرين الموضوع اكلج البنات نظفوا بيتج باجر تجين وتعيشين وتنسين
نورس أن شاء الله ❤️
نمت كعدت سبحت وطلعت شسورت شعري شلته كعكه لبست فستان اسود بينصل ولبست حذاء سبورت اسود
حجل وتراجي جنطة حزام خليت هويتي وفلوس وسويج السياره وتليفوني أخذت الجنط نزلتهن جوه اجه حسن ساعدني. هو وخالد رجعت للغرفة تذكرت كلشي صار بينه اني وسمير ضحكت على روحي سديت الباب ونزلت
سمير؛ الله لايوفقجن يانسواني ااااخ كلها بسببهن
قيس؛ يمعود شبيك تاكل بروحك
حيدر؛ يأبه حقه غير مرته.
سمير :لو ما هذني البنات الكلب الي سودن عيشتي
حيدر؛ الله يهديهن
حسن؛ عمي عمه أيقونة تريدك
قيس؛ خليها تفوت
نورس؛ صباح الخير
الولد؛ صباح النور
نورس؛ شيخ اريد جوازي
سمير:حسن روح جيبه من السياره
حسن؛ صار عمي
حسن؛ عمي اجوي ٦ولد بالباب
قيس؛ خلي يتفضلون
نورس؛ هم جايبين محامي وسيد علمود يصدقوها بالمحكمه
سمير؛ مستعجله علمود تعوفيني
الولد؛ سلام عليكم
نورس؛ رحت لعزيز حضنته هو والولد
وكعدنه
سمير؛ أيقونة قبل كلشي اريد احجي وياج
نورس؛ ماشي
ودعت الكل وكعدت اني وسمير بالبيت مالتي إلى وره
سمير؛ ليش هيج نورس.
نورس؛ سمير لازم تفهمني إلى صارلي مو شويه فصليه ونزلت على ٣ ضراير وخسرت ابني اني دمرت سمير
دمرت حياتي خلص صبري
سمير؛ زين عيشي بغداد ماكلج لا بس عوفي موضوع الطلاك
نورس :لا سمير اني اريد اسافر واشتغل واسوي المعرض الاحلم بي
سمير؛ اني. وياج واساعدج بس عوفي الطلاك
نورس؛ عن اذنك تأخرنا ولازم نروح
سمير؛ يعني هذا اخر كلام
نورس؛ اوووف يربي ش̀́لون افهمك ياسمير بلكت اكدر انساك.
سمير؛ شو ساكته
نورس؛ اي يله
دخلنا للديوان خلص الشيخ والمحامي الإجراءات
طلعوا الكل وظلينا اني وسمير واكفين ونباوع لبعض
رحت وكفت كدامه
سمير؛ رتاحيتي؟ خلصتي مني
نورس؛ لو تعرف شعور الأم من تخسر ابنها جان عذرتني
لو تدري شنو شعور وحده حبت شخص وهو متزوج قبلها ٣ واذوها جان هم عذرتني
سمير؛ هو الصار بيدي نورس؟
نورس؛ عن اذنك
سمير؛ نورس.... فكري.... اني اريدج
نورس:أن شاء الله.
نورس؛ رحت بسيارتي ورجعت لبغداد طبيت لبيتي الولد نزلوا الجنط والاغراض مالتي فرشوهن بالطرمة راحوا قفلت الباب ونمت
