نورس؛ كعدت الصبح شفت سمير واكف ديبدل
نورس؛ صباح الخير
سمير؛ صباح النور اني نازل حضري روحج راح نروح لبغداد باجر
نورس؛ هففف شوكت ارجع لبغداد شتاقيتلها
يارب انت تدري ماراح اتحمل هالعيشة ثبت برائتي وخلي ارجع لبيتي اني لو عندي جان دفعت مليارات ولا خليت روحي فصلية وبين ٣ ضراير
وماريد احبه لسمير وماريد منه شي كلشي ماريد بس ارجع لبغداد اريد اشم عطرها عبالك صار سنين مفاركتها
يارب انت كلت بالقرآن وبالوالدين انت أخذت امانتك من ابويه وامي واني أبويه وامي بغداد بعد ماتحمل بعد امي عني
كمت لبست دشداشه ورديه سويت شعري كعكه قفلت غرفتي ونزلت
شفت شجن كاعده دموعها على خدها واخوتها كلهم كاعدين
نورس:صباح الخير
الكل:صباح. النور
نورس؛ شكو
سحر:طلعت هاي ام شبر ونص مسوية السحر
نورس؛ محد سئلج شكو شيخ فهمني
سمير؛ رايحة حنان وسحر لغرفة شجن البارحه شافنها مطلعت من الغرفة طبن جان يشوفن اسم ولد على جهازها مكتوب حبيبي وطلعت هي مسويه السحر
نورس :شيخ ممكن تجون انت والولد للديوان
شجن روحي وياهم هسه اجي
صعدت ركض جبت تليفوني والابتوب والايباد وتليفون شجن بجنطة ونزلت رحت للديوان
نورس؛ سلام عليكم
الكل؛ وعليكم السلام
قيس :ليش لميتينه هنا
سمير؛ عندج شي تكولي بخصوصها بعد المصيبه ونزلت راسنه
نورس؛ اني طلبت بس اخوان شجن انتو شجابكم (اخوان سحر)
خزرتهم وطلعوا ركض
كام حيدر قفل باب الديوان كعدت يم سمير ونطيت الايباد للولد يشوفون تسجيل كامره غرفة شجن كلهم كاموا باسوها
سمير :وحنان وسعاد ليش هيج يسون
نورس؛ متضبط جذبتهم إذا ذبوها براسي اني مجنت موجوده من صار السحر فذبوها برأس اختك وانتوا من الذكاء العدكم صدكتوهن
أحمد؛ عذريني خيتي شجن قسينا عليج
نورس؛ مو وكته هالحجي شوفلك صرفة ويه نسوانك شيخ
قيس؛ لحظة انتي شوكت نصبتي الكاميرات
نورس:سر
سمير؛ بعد لاتسوين شي بدون علمي
نورس؛ افكر
شلت غراضي وطلعت اني وشجن شاورت الشيخة كتلها مؤامرة ضحكت وشبكتها ظلت تبجي بحضن أمها
سحر؛ يعيارة شون تتبجبج شكد ساقطة وسافلة ام الولد ام الشوارع
نورس؛ شكد معصبتني جريتها هي وسعاد وحنان دك دفرات وجر من الشعر شفت أحزام كطعتة عليهن
باسن رجل شجن والشيخة وفاطمة يلة عفتهن ادري حرام بس حبيت اشوفهم الذل على أصوله
رحت لغرفتي ذبيت غراضي ونزلت
قيس :نورس الشيخ يريدج بالاستقبال
نورس:صار رحت طبيت ثلاثي المرح يبجن
السلام عليكم
الكل؛ وعليكم السلام ماعدا أهل. سحر
أم سحر:شنو شيخ راح تسكتلها
سمير؛ لا طبعا عيب علينا تعالى نورس
نورس؛ تقربت يمه جنت مستعده يضربني
غمضت عيوني
حسيت بشفايفة على راسي
سمير ؛ والله ثبتيلي اصيله وتربات اجاويد وصدك تستاهلين المشيخة من اليوم أنتي الشيخة
عكب باجر نسوي عزيمه بهل مناسبة
فاطمة؛ مبروك نونة
نورس؛ الله يبارك بيج
أم سحر؛ ياحيف على الزلم
نورس :مو انتي ماعندج زلم فتكولين هاي الكلمه
آخو سحر؛ احترمي نفسج اني رجال غصبن ما. عليج
نورس؛ لا إله إلا الله يجبرني اتعصب ياخي يجبرني
سمير؛ على كيفج وره زواج
نورس:لا يا زواج اني اتعامل ويه نسوان شيخ ضربته على بطنه واسفل بطنه ركعت راسه بالكاع ورجعت كعدت بصف الشيخ والشيخة
شيخة؛ بعد من اليوم تصيحيلي امي
نورس؛ صار يمه كاعدين بدت تحجي سليمة
حنان؛ حبيبي والله مالي دخل هاي سحر الله ياخذها هي كالت علمود يفرغلجن البيت وتزوجون جهالكم طلعوا عماتهم منا ووو..
سمير؛ ها خرسيتي؟
سعاد؛ والشيخة نوديها لدار مسنين ورادت طلكك من نورس علمود تتزوجك
أم سحر؛ شكد جذابات ذبيتن البلا بنتي
نورس؛ سمحلي شيخ
سمير؛ انتي الشيخة بعد مالي دخل بسوالف النسوان
نورس:معدن ذهب والله على راسي
اكلج ام سحر بنج منو سماها سحر
أم سحر؛ بشهر العسل ابوها ختارلها اسم
قيس؛ هههه لا إله إلا الله... ضحك هو والولد يردون يطكون من الضحك شون تتموع
نورس؛ مو اكلكم خربانه امشوا عمي روح للديوان الله يجفيكم شر بني آدم
قيس؛ من حلكج لباب السماء
سحر؛ اني الجن شكد ساقطات الا اخلي يطلكجن
نورس؛ طلعت صعدت لغرفتي اني وشجن وفاطمة
طبينه للغرفه شفت جهازي يدك
عزيز؛ نورس ردي عندي خبر الج الا بشده
نورس؛ تصلت بي
نورس؛ الو ها عزيز شكو
عزيز؛ ولج نورس علي وكرم لكوه كامرات وظهرت برائتج راح ترجعين لبغداد لكينه إلي دعم الولد وسجنه
نورس؛ كول والله يارب ياكريم الحمد لله الف الحمدلله
روح خلي انزل اكول للشيخ
شجن؛ شبيج فرحينه وياج
نورس؛ تعالوا ويايه نزلت اركض للديوان دخلت عليهم فرحانه طايره
سمير؛ شبيج شكو
نورس؛ لكوا كامرات وظهرت برائتي الدعم ابنكم علي ذابه بالسجن و حيجون ويجيبون التسجيلات مال كامرات باجر تشوفوهن
حيدر؛ مبروك
أحمد؛ مبروك خيتي..
سمير؛ وانتي فرحانه
نورس؛ طايره من الفرح راح ابشر الشيخة
قيس؛ ايقونة
نورس؛ ها خوية
قيس؛ نصبناج الشيخة وتردين ترجعين لبغداد
نورس؛ بس اني مامتعوده هيج اعيش
اني ماحب هاي العيشة تقيود وعادات وتقاليد
اني احب الهدؤ احب حياتي السابقة اشتغل واعزف واطلع واطب شوف من يوم الاجيت لليوم مطلعت غير للمستشفى.
قيس؛ هذا الموضوع بينج وبين سمير احنه مالنا علاقة
بس الاريده منج تكليلي
راح تظلين على ذمتة لو تطلكين
نورس؛ باوعت على سمير؛ يفر بالسبحة وكاعد رافع راسه وعيونه عليه
حيدر:ها خيتي شو سكتي
نورس؛ ماعرف
اترخص رجعت واني خايب ضني شورطني يربي اصلا شطلعني بهذاك اليوم جان ماصرت بهالموقف اني هسه مرت الشيخ وشيخة نصبتني بمكانها شكلهم هسه
وووف يربي ووف
سمير :اجتي نورس تركض تضحك وتكمز
عبالي اكو شي. راح يفرحنا من كالت جابوا كامرات
دليل برائتها كلت هاهي راح تختار الطلاق
من حجت ويا قيس حرت بزماني حتى حيل مظل
عندي واكف حجوا ويايه اخوتي اني اقنعها
بس قيس من خيرها كالت ماعرف كلت بيها مجال تقتنع خاصة عزمت ناس على عقد القران وتنصيبها كشيخة
حسيت الموضوع هذا إثر بيها طلعت من الديوان شفتها تتمشه لجهت البيت مالتها طبت وطلعت رشاش رشت الورد كعدت بالمرجوحة مالتها واختذ الكيتار
ظلت تعزف واني واكف وراها
