خدعت حياة 💔
"حلقة 11"
رِوَايــَاتْ فـَتــَاة صـَغــِيــــرَة
رِوَايــاتْ هـِهـِنــْد .
عبد روؤف: شن تبي نهدرزو 😏... وذنه على كان جنب باب
سميرة: تعيط... كيفف ولدي قدام عيني ومشقادرة نحضنه
حميدة: الله يربحك اسكتي توا ينوض يقلب دنيا
عبد روؤف: افتح باب داره.... من هو يقلب دنيا
سميرة : شهقت 😨
حميدة: اا لا غر
صفوان: جاي من مطبخ.... عليا اني بنسافر وخافو عليا منك....ينتش في تفاحة ببرود ويشبح لأمه 😏
حميدة: في ثواني قصيرة رتاحت.... اي ماه انت ديما صفوان في عينك مش مزبوط
عبد روؤف: امم صار هكي تمام كلمو بوي مدخلي في شيء اني ... وخش لداره
صفوان: قعمز قدام امه وخالته لتكون ام عبدو.... شنو بتخليني نسافر؟
حميدة: حطت يدها على قلبها.... وهو خبر بلحقا
صفوان: وهي في حاجة يقولها صفوان ومتتنفدش 😏
بنكمل قرايتي غادي ومستقبلي غادي معاش نبيكم قرفتوني بخمركم
حميدة: عيطت عليه.... ياويلك ويا....
صفوان: قدملها طاسة شاهي.... اسكتي توا يسمعك ولد اختك هيا سلام
طلع وهو حاط في باله حاجة مليحة اول ماشاف موقف قال فرصتي نقولها ركب سيارته وهو فرحان😎.
______________________________________
# التسريع في الأحداث..
عرس عبدو مزال عليه اسبوع بس وهو حور لهين في تنضيمات ومرا عركة ومرا جو عسل 🔥❤.
انفال تجي لحوش رتاج هذا كله باش تشوف فاروق 😍.
افنان يلي تشري في لكتاب وراه خوه وتفتح في قوقل وتجهز في نفسها للجامعة ❤.
صفوان بيسافر بعد عرس عبددو.
سميرة قاعد على هل حال تشوف في ولدها ومشقادرة تعبرله 💔.
____________________________________
في مزين 💅🏻..
رتاج: تحكي على تلفون...ههههه لا عاد افنان تعالي ديري لوجهك حاجة
افنان: لالا تعرفني نبي نكون عادية وبسيطة انتِ يلي بتطلعي عروسة تانية
رتاج: في كلمتين هادم زوز انفتحله اكبر جرح.....نهدت... ان شاء الله 💔
افنان: اوبس اسفة رتاج متزعليش ربي مش حيخليك زعلانة حيفرحك ❤.
رتاج: يصير خير افنان يصير خير هيا سلام توا نتلقو في صالة
افنان: تمام بالله قولي للفرخة انفال تروح بكري
رتاج: ههههه😂به..... وسكرت خط
شافت روحها في مرايا في طالعة حلوة بقفطان 🥺❤.
بنفسجي قصير يديه نزلت وفيه من جيهة خصر شدة حلوة على جسمها مكياج على الوان الهادية شعر مفتوح وشوي خصلات ملويات طالعة تهبل 😍.
البست عبايتها وطلعت هي وامها وانفال
اميمة: باهي خلاص عبتني رومانسية.... اتكت ع كرسي.... امتا بتاخدني
محمد: مستعجلة مرتي ❤
اميمة: لا غر مستحشاتك
محمد: غرتي على خاطر تجوزو قبلنا تي والله لم نديرلك عرس يقلب ليبيا
اميمة: 😂😂😂... انحبك
محمد: نمووت في حبك... اسمعي
اميمة: انعم
محمد: اليوم بتطلعلي منغير مكياج نبي اميمة لنعرفها زيوت لتحطو فيها منحبهاش
اميمة: به تمام ياعمري ❤😂نحبك للمرة مليون
محمد: تي نموتت فيك متخلنيش نجيك للمزين
اميمة: به به هي باي بنطلع توا
محمد: تمام ديري بالك ع روحك ودخلي شعرك
اميمة: اوكي.... وسكرت خط
كل واحد في ابطال رواية في عالم بس هل بيقعدو بطريقة هادي لين يكمل ليوم خلونا نشوفو?💔.
____
عبد روؤف: لا غر قولي كيف طالعة
حور: ياراجل خلاص اعتقني 😭
عبد روؤف: به ليلة ليلتك
حور: تحشمت.... ربي يحفظك لياا ❤
عبد روؤف: وليا ياقلبي
حور: عاد اليوم بتنزل عيونك لوطة فاهم نبيك تشوفني اني بس
عبد روؤف: وهو قمر يخلوه بروحه والله عيوني لوطة باهي شن مزال هي 😂
حور: امم ولاشيء هي بر درق عليا خليقتك
عبد روؤف: فيسع مليتي مني
حور: وهو في حد يمل منك ❤😂.
رِوَايــَاتْ فـَتــَاة صـَغــِيــــرَة
رِوَايــاتْ هـِنــْد .
____________________________
انفال: مقعمزة على سرير..... عينك والله حلو 🥺
فاروق: به به هدي هدي
انفال: بتشوفني اليوم
فاروق: اكيد
انفال: خيرك فاروق مش على بعضك مزعلتك اني؟
فاروق: اههه شيء لالا حشاك انتي من اول ماخشيتي لحياتي معاش زعلت
انفال: به اهو توا زعلان
فاروق: تروحي من عرس ونقولك
انفال: براحتك يلا باي اختي جايا
فاروق: ديري بالك ع روحك نحبك ❤
انفال: اوفف نتحشم
فاروق: 😂😂😂😂😂❤
ساعة 9:30
خشت حور وهي بكامل زينتها وقعمزت على كوشة
بعدها بدقايق خش عبدو وكل لعيون عليه وطبعا زي مأمرته حور عيونه بس في حور ❤
قرب منها وعطها بوسة من يدها.... ربي يحفظك لياا ومايحرمني منك
حور: وجه احمر اصفر ازرق ميتفسرش 😂... خلاص بنموت نبي نروح
عبد روؤف: وعلاش سنفورتي خايفة
حور: عفست على رجله... بطل تقول سنفورة اوفف
رتاج: اشش اشش شنهذا تتعاركو من توا وقربت على خوها.... مبارك عليك وربي يرزقك بذرية صالحة ياخوي يا عصبي واني زعلانة منك 🥺
عبد روؤف: جميع مشاعر كبتيها عليا.... ضرب على راسها بيجيك بيجيك 😏
رتاج: من بيجي بالله 😂
عبد روؤف: معاذ.... وطلع وسيبهم زوز وحدة في صدمة وتانية على خاطر كلمة سنفورة
سميرة: تبكي.... ياحميدة ياوخيتي نشوف في وليدي قدامي وتبني منبكيش
حميدة: ان شاء الله تربحي اسكتي علينا
سميرة: عبدو وليدي بيتجوز مفروض اني فجنبه
حميدة: انفجرت.... هذا بسبب افعالك خايبة يلي حطمتي بيها صحتك وعيلتك فلوس يلي يخلوك
عبد روؤف: طامعة في راجل فلوس وملوح ولدك صار
حميدة وسميرة:😳😳
وليدي عبدو
عبد روؤف: اني مش ولدك انتي خالتي واشر بيده وهادي امي لملوحتني عندك.... الله يسامحكم وطلع
حور: عبدو عبدو
# يتبع ❤
عارفتها قصيرة تفاعلو وليكم جديد..🔥❤
أنت تقرأ
خدعت حياة 💔.
Novela Juvenilرواية بلهجة ليبية مقتبسة من خيال ممزوج بواقع 🌠. تحكي عن عائلة ليبية طفل صغير يموت وامه خارج بلاد 💔🤷🏻♀️. تحكي عن صداقة ممزوجة بحب وزاوج بين اخوا ❤🤷🏻♀️. تحكي عن اصدقاء بين فساد حسد موت حب صداقة وتعايش مع بعض . ان شاء الله تعجبكم روايتي انا هند...
