كتاباتي بعنوان: دمعة وإبتسامة

الحب والأختلاط

"في البداية كدا نسمي الله هتكلم النهاردة  عن موضوع مهم جدا هتكلم عن الحب والأختلاط تمام
الحب مش حرام في البدايه الحب فطرة في الأنسان لولا الحب مكنش الأنسان قدر يعيش لكن الأيام دي بتحصل ظواهر مشوهه سمعه الحب
في البدايه هتكلم عن الأختلاط الأختلاط هو أنه مثلا يكون في مكان في ولاد وبنات تمام أكيد دي مش صعبه في البداية مهما كانت درجه ألتزام البنت وكانت في مكان مختلط من غير ما تقصد أصلا هتتحرك مشاعرها لأن غصب عنها حتي لو بتغض بصرها أكيد في مرة من غير ما تقصد هتتضطر وهي بتتعامل مع الولاد اللي في المكان المختلط دا وممكن تعجب بحد فيهم لذلك الناس دايما بتحاول تتجنب أختلاط البنت والولد في مكان واحد🙂ف الأختلاط غصب عنك هيخليكي تعجبي من غير ما تقصدي أصلا ف علشان متقعيش في الغلط حاولي قدر الأمكان تتجنبي الأختلاط ولو أتضطريتي تخطلتي بولاد أو كدا لازم تحطي حدود للتعامل أه أنتي بنت وكل حاجه بس كوني في وسطهم راجل علشان محدش يستغلك
نتكلم بقا عن الفرق بين الحب الحلال والحب الحرام
الحب الحلال هو الشخص اللي يحبك ف يدخل البيت من بابه يعني مثلا مش يحبك ف يجي يقولك وتخدوا أرقام بعض وتتكلموا وكل الكلام دا لا بالعكس هو الشخص اللي في أقرب فرصه هيجي يطلبك من باباكي  اللي بيحبك بجد لما يجي يطلبك بيكون  بيعترف بحبه ليكي قدام الناس كلها من غير ميكون بيعمل حاجه في الحرام هو الشخص اللي شافك عزيزة وغاليه و مرضيش يكلمك في الحرام ويخليكي رخيصه كذالك البنت لما بتحب حد من غير ما تقصد مش تروح تعترف ليه لا بالعكس إما هي لو شايفه أن الحب دا مش ممكن يستمر تحاول تنساه وأما تدعي ربنا أن هو يديه ليها بس في الحلال وأكيد ربنا عمره ما هيساوي اللي صبرت ودعته باللي عملت حاجه غلط وخانت ثقه أهلها في الحرام تحت مسمي الحب  
الحب الحرام بقا الحب دا اللي هو بيكون لما مثلا واحد حب وحده أو عادي أعجب بيها ف بيروح يعترف ليها ويكلمها فون ويتقابلوا من وراء أهلها و يعمل كل اللي هو عايزه معاها تحت مسمي الحب ودي أصلا بتكون علاقه طبعا مخلفه لشرع ربنا ف بيكون مش راضي عنها ف بتواجهم مشاكل كتير طبعا لأن أصلا رضا الأهل كمان من رضا الرب ف بتكون علاقه محرمه وأصلا مفيش ولد بيقبل أنه يتجوز بنت كلمها حتي لو وافق ويتجوزها ف بتبقا علاقه مبنيه علي الشك أصلا لأن هي كلمته قبل كدا ممكن تكلم غيره أخر نقطه في الموضوع طيب لو أنا في علاقه حرام أعمل إيه هقولك أبعدي عنه وهو لو بيحبك بجد هيستناكي ولو العمر كله وهيتعب علشانك ولو هو مش بيحبك وبيلعب بيكي هيسيبك و يشوف واحده تانيه يشتغلها وقتها بس هتعرفي قيمة الحب الحلال الحقيقيه  وهتحاولي تنسيه وأكيد هتقدري وأدعي ربنا بالإنسان اللي يحبك بجد ولو لسه بتحبيه ومقدرتيش تنسيه أدعي ربنا أنه يهديه ويدهولك في الحلال  أه هتتجرحي وهتتعبي بس خليكي فكره" من ترك شيئا لله عوضه بخير منه " أنتي غاليه أوي مش أي حد يستاهلك لازم يتعب الأول حافظي علي نفسك وعلي ثقه أهلك وعلي رضا ربنا عليكي وربنا يرزقنا جميعا الشخص اللي يستحقنا  ♥️♥️♥️♥️
بقلمي :العاشقة المجنونة♥️
دمتم في سلام 🤍