قصة نورمينا

الجزء السادس

**مشاو ابطالنا انعسو وبالنسبة لمياء راه بايتة فدارهم هاد ليلة 🌃**

**صبح صباح وكل واحد فيهم كيف كيدوزو نبداو بسي يزيد 💁نخليه هوا اهدر:

  فقت صباح على صوت المنبه لي مع6:00.من بعد لبارح لي واخا كان لويكاند وخرجنا نديرو واحد لاجتماع لي دام 3 تسوايع ومنبعد تلقينا بالبنات نورمينا ولمياء كانت خرجة زوينة معاهم صراحة هه  ولكن عيت بزاف واخا لعيا قلت نخرج نجري شوية برا 🏃.
منبعد ساعة تقريبا سليت جرا ودخلت لدار تلقيت مع لوليدة فدروج 👵
انا: صباح لخير الوليدة
الحاجة : صباح الخير أولدي كيف صحبتي
انا: بخير الوليدة وانتي .شفتك فقتي بكري ليوما
الحاجة : بخير أولدي اه فقت بكري عندي رونديفو مع طبيب👩‍⚕️
انا : الوليدة ماشي ضروري تمشي بكري هكا
الحاجة : لا اولدي غنمشي دابا راه ولفت نمشي بكري من يامات لحومة
انا :هه واخا لي باليك الوليدة
((عارفكوم مفهمتوش يامات لحومة لمهم حنى 👨‍👩‍👦‍👦كنا عايشين فحومة شعبية عادية بحالنا بحال ناس لخرين مخاصنا ممحتاجين الحمدلله وحتى لواليد كان عندو غي مصبنة الله ارحمو و انا حيتاش كنت انا لولد لكبير وكنت كنقرا قرر لوليد انني نكمل قرايتي فبرا بحكم انني جبت نقطة لي زوينة واصلان كنت قراي هه  مشيت كملت قرايتي برا ملي رجعت قررت نديرو  مشروع انا وخويا بلحكم حتى هو قرا برا بالفعل درناه وضربنا تامرا عليه حتى وصلناه لفين هو دابا أما لواليد فتوفى من بعد عام من رجعا ديالي من برا .))طلعت لبيت ديالي دوشت ولبست حوايجي وهابط بنفطر تلاقيت مع انس 😴

يزيد : صباح الخير
انس: صباح الخير
يزيد : منعستيش مزيان
انس:  اه حيتاش بقيت سهران شوية
يزيد : اوكي ...هبطنا فطرنا وخرجنا لخدمتنا**.

        ** عند لمياء من بعد ما فاقت حتى هي مع 9:00حيتاش قاريا مع 10:30 فاقت منعساش حتى هيا مزيان حيتاش ملي رجعات لدار دخلات كتعشى  مع عائلتها (( المكونة من اب متقاعد سي حسن وام ربت بيت لالة لباتول واخ كبر منها ضابط شرطة مراد  و متزوج بأخت نورمينا لكبيرة تسنيم ولدهم سعد عمرو 3 سنين مساكنينش معاهم)) حتى حسات بتيلفون كيفيبري فجيب وهي تنوض دخلات لكوزينة غسلات يديها  👐يلاه غترد على لابيل وهو اتقطع الخط  طلعات لبيتها وهي كتفكر ديال من نمرة وهي تفكر ماكين حتى شي واحد من غير أنس ليقدر اصوني عليها تسنات اعاود اصوني ولكن مصوناش ناضت توضأت والصلاة وتخشات فبلاصتها وهي كتفكر واش نصوني ولا لا وقرارت تصوني خدات تيلي📱صونات على نمرة من بعد ماكتبات عليها فيها " My love"
لمياء : الو
انس : الو لمياء
لمياء : اه لمياء شكون معايا
انس : انا انس دغيا نسيتيني
لمياء : اه لا منسيتش هه
انس: اكي قيدي سميتي فنمرة ((مفخباروش مسكين بلي كتابتها قبل ماتهدر معاه 😂😂))بقاو كيهدرو شحال حتى جاهوم نعاس وخا مسخاوش هه ونعسوا . **

**عند نورمينا غي دخلت لدار لقيت ماما كتسنا فيا فكيت راسي منها غي بزز طلعت بدلت حوايجي وكلست حليت لبيسي تاعي حتى برحات عليا ماما نتعشا تعشيت غسلت لماعين وطلعت قاديت كتوبي فلكرطاب ونعست .حتال صباح جات ماما فيقاتني لبست حوايجي ونزلت فطرت حتى جات عندي لمياء وخرجنا نقراو.**
             دوزو لبنات ديك ساعتين وخرجوا .

لمياء: ماما وبابا غيمشيو عند خويا
نورمينا : بصح توحشت حتا انا ختي كون غي مشينا حتا حنى.
لمياء : حنى راه عندنا لقراية
نورمينا : حتال العطلة لمهم دابا هو نتي غتجي لعندي حتى يجيو واليديك ياك
لمياء : اه 😁
نورمينا : طالبا عليها نيت وقيلة
لمياء : لا اختي شكون ليقد على دقك فنعاس هه
نورمينا : دوزي دوزي هزي حوايجك وكتوبك باش نمشيو .