قصة نورمينا

الجزء الثاني

هذي صحبتي خوافة و دريفا عكسي انا زاعمة و ديما  كنجبد صداع وصلنا حطيت خويا فالمدرسة و كملنا انا ولمياء طريق كلها غير ناميمة حتى وصلنا مدرسة لقينا تسد الباب
لمياء: ناري سدو علينا لباب عاوتاني هاد لخطرة حاسة بيها مغديش يدوزها لينا
انا: زيدي نطلبوا بالحسن الى بغا (مشينا كندقرو فالباب )
انا: بالحسن و بالحسن وحل لباب
بالحسن: نتوما هدوا غير سيروا راكم معطلين بزاف وناس لبغاو اقراو راه جاو بكري ماشي بحالكم
أنا: بالحسن غير هد لمرة
لمياء: اه هدي اخر مرة عفاك
بالحسن: غير على وجهك نتي ابنتي لمياء
لمياء: اه غير على وجهي
أنا: حتى يكون عندك بعد الوجه يلاه يلاه
دخلنا حتى وصلنا لقسم
لمياء: تفو دخلين عند ديك مشرارة ديال فرونسي
أنا: متgولهاش تفو مجبت ليها حتى شي دفتار يلاه غير زيدي نشوفو كنديرو ليها
طقطقطق
استاذة:وي أو نتخي
شديت فصاقطة ديال الباب مبغاش يتحل وانا نجيب  جهد وانا نحل بحال شي زنزال فديك لقاعة حتى مشيت نجي على وجهي
استاذة: هرسيه راه باك لشاريه
أنا فخاطري :(مالك نتي لشارياه راه غير حنا فقراء لكنشريوه) ديزولي مدام
استاذة: اش هد تعطيلة بعدا
نقزات لمياء: غير سمحي لينا الأستاذة تسد علينا لباب
استاذة: اخرمرة يلاه دخلوا
ݣلسنا فطويلة  لخرة بجوج لمياء منتابها وانا كنجبد فواحد دري
أنا: هيه ارى واحد لورقة
هو: عوتاني مجيباش دفتار شدي شدي
انا: وديرها من صباح القلاوي
معا سبيتو داك لقيسم سكت بقاو غير كيشوفو فيا
استاذة: اش هد قلت اداب نوضي خرجي عليا يلاه
أنا:  غير بشويا عليك مالكي كتغوتي عليا
استاذة. خرجي عليا
أنا: ههيا خرجا
خرجت من المدرسة حيث عندنا سعتاين بقيت كنشوف فالناس واحد شويا هو دازو واحد كوبل صحبها تيتيز غدي يوصلها المدراسة بقيت كنشوف فيه حتى هدرات هديك لي معاه
... :  مالك كتشوف فيه
أنا : سمعي اديك لعويدات والله متقودي فحالك حتى نجي ندربها ليك بواحد نتفا
عويدات:   يلاه زيدي نشوف
داك تيتيز  راه عندها صح راك واحد مسلوتة
مشيت عندها انا: اوا شفتي مكدبتش عليك عرفتي شنو قودو بجوج فحالكم يلاه
تيتيز :  مسوهلاش معا رسك
أنا  : اه مسوهلاش ومن بعد
تيتيز: (دفل ليا على وجهي) تفو حسا براسك  اش كيتسحاب ليك كرك
(أنا غير دفل عليا شدتني عيشة لمجدوبة وانا نهز اديا و صرفقتو و ناس كيشفوا فيه هو مرضاش وبغا يدربني عطيتها لجري حيث الى شدني غدي يدݣدݣني بينا في صحيح عليا)
كنجري كنجري تلفت موريا مبقاش كيبا ليا تميت غادا قاطعة شانطي حتى كنسمع طيييييييططيييييييط