قصة نورمينا

الجزء السابع

لمياء: بابا باقي ممشيتوش
حسن: لا ابنتي باقي مك وخالتك حسناء باقي ما خرجوا.
لباتول : علاه انا غي مابغيتش نخرج راه باقي مساليتش انا لجمعت حوايج انا لي درت كلشي ونتا اش درتي ياك لبستي وخرجتي تكول بارز .
حسن: اهيتا راه لبنات حاضرين هنا
لباتول: الى كانو غي هاد لمسخيطات استهلو سطل تاع لمعيور لوحدة
نورمينا : ياك اخالتي
لباتول : ايه بداي تبكي حسن سيري ابنتي عاوني مك سيري
حسناء من لور : علاه اكدو ايدرو شي حاجة مايعاونو ماوالو
عدنان: خليو عليكم لبنات وزيدو باش نوصلو فوقيت لغدا.
حسن : ايه سيرو دخلو نتوما لدار حنا غادين
لمياء : منوداعكومش زعما
حسن : اجي ابنتي
**توادعو وشدو طريق لعند مراد و تسنيم أما لبنات دخلو هزو لحوايج ولكتوبا وخرجوا لدار عند نور قاليك مع هوما خوافات كيبقاو فدار نورمينا حيتاش جات بين ديور **
نور: نتفرجو فشي فيلم
لمياء :اه ولكن مايكونش تاع رعب
نور : واخا تسناي نشوف شي واحد
لمياء : تفكرت واحد لفيلم كانت قاتليا خديجة زوين عرفتها ديك خديجة لكالسا حدا يوسف
نورمينا : اه اه دابا عرفتها
لمياء : كانت صفتات ليا سمية وگالت ليا واعر
نورمينا: واجبديه سربي
لمياء: وتسناي هانا غانشوف هاهوا كتبيه نشوف
نور :اكي ... هادشي بحلا بالي ديال رعب
لمياء : محال راه الامريكين هكاك كيديرو افلامهم
نور: اكي تسناي نمشي نجيب شي شيبس من لحانوت
لمياء : لحار عفاك
...... نورمينا: ووف عيت ااي مشيت كنجري اه عيت.
*********بداو لفيلم تفرجو
لمياء :ناري هادشي رعب
نور: كلتها ليك وينيي غي خليه نشوفو اش غايديرو
لمياء : واري ديك لمخدا
نور : هاكي وبركا من تخرشيش عصبتيني
لمياء : راه مصبرة بها راسي
نور :واري ليا شويا
لمياء : انا كتليك كمليها دغيا شدي وسكتينا
نور : هادشي غادي وكيحمااض المياء
لمياء : اربي لما سكتي راه قلبي غايسكوت
نور : اااويلي هادشي عندهوم مسروع كيخلع
لمياء: وسكتي
نور : واااا ماييي
لمياء : ااا سكتي كتزيدي علياااا......ناري ناري مشاو فيها ...واا فين مشااا
نور : ها هو ناري ااهاا
لمياء: رضى ولحلوة لمكردا عبرتي عليهوم
نور :اووه واخيرا كمل
لمياء : اوووه
نور : يالاه معايا لكوزينة
لمياء: لاش
نور : نديرو مانجغدو راه جاني جوع
*** دارو مايكلو وكلسو كل وحدا هازا تليفون ***
نور : انا درت لغدا نتي ديري لعشا صافي
لمياء : وخا ونتي اغسلي لماعين انا غسلت ديول لغدا .
نور : واخا .......................................... ..... ........
....... لمياء: يلاه اختي تاكلي
نور: الله على ريحة
لمياء : كيجاك هادشي
نور: ناري اختي حتال لكراتا وكتصرعيه
لمياء: حيتاش كيعجبني داكشي علاش
نور: اهياتا اش هادشي
لمياء: والله معرفت
نور (هازا قرعة تاع زجاج) : اا شكون تما شكون لي غايحل هاد لباب
لمياء (حتى هي هازا فاز ) : ناري اصاحبتي
هااا هو كيحل لباب
نور لمياء : الله ااكببببر
......: ناري كنت عارفة غاديرو ليا شي حاجة
لمياء : ناري اخالتي حليمة مالكي على هاد تسليت كامل مشينا نموتوا
نور: ناري اخالتي ومشيتي ترزينا فقرعة تاع لماء و فاز على مزيناتو
حليمة : ياك انا مابقيتش فيك
نور : لاخالتي غي قلت اصافي راك حتى نتي عزيزة
حليمة : خاصكم شي حاجة
لمياء: لا مخاصنا والو
حليمة : تعشيتو
نور : يلاه كنتعشاو
حليمة : يلاه بصحتكم الى خصتكوم شي حاجة گولها ليا ومواتكم كيسولو عليكم فتيلفون
لمياء : واخا الى خاصنا غنكولوها ليك
حليمة : تصبحو على خير
لمياء نور : ونتي من اهلو