جحيم حبك

الفصل الثـامن عشر ✨

ولعل رمضان يأتي فيزيل هموماً أثقلت على أرواحنا شهور .اللهم بلغنا رمضان ونحن مجبورين ❤

صلو علي هادي اﻷرواح إلي جنة الأفراح❤
_

رحيم قرب منها بـ غضب وغيرة مجنونه. مسكها من ايديها قربها منه بطريقة مُهلكة

رحيم: لا دي وسعت منك على الأخر. انتي تنضفي العك اللي في دماغك ده. اه اصل انا لو بـالطبل البلدي مش هـ أسيبك .. تقولي ايه بقى واقع لشوشتي في حبك .. فـ يابنت الناس وحدي الله كده وصلي استخارة ولمي هدومك وتعالي على شقتي

مـسك زقته عنها بعنف: انت شكلك شارب حاجة على الصبح مش كده؟ شقتك ايه يا ابو شقتك؟

رحـيم: أبو أم عنادك اللي هـ يبهدلني ده .. اهدي يا مانجة مش عارف أصالحك آلاه!!!

مـسك بـ غضب: رحيـم انا بتكلم جد ابعد عن طريقي احسن ليـك

رحيـم قرب منها بـ حب صادق قال: بـالعكس بعدي عنك هـ يموتني .. يامسك انتي ليه مش قادرة تصدقي اني بحبك ايوه غلط في حقك وغلط كبير كمان بس انا انسان مش ملاك وطبيعي أغلط .. بس ندمت ومستعد أعمل اي حاجة تخليكي تغفرلي غلطي .. أنا أسف ليكي .. أسف على أي حاجة عملتها وزعلتك مني في يوم .. حقك على قلبي .. ارجعيلي وخدي حقك مني بـالطريقة اللي تعجبك .. خدي حقك وانتي معايا .. خدي حقك مني لحد ما تحسي ان اللي انتي شيلاه في قلبك من غضب وزعل وخزلان راح وأختفى .. أرجعيلي يا مـسك وأنا أوعدك عمرك ما هـ تندمي انك رجعتيلي .. عمري ما هـ أخلي دمعة واحدة تنزل من عيونك .. ولا تسمعي كلمة او تشوفي نظره من أي حد تضايقك وأولهم أهلي .. بس أرجعيلي وأرحمي قلبي اللي بـ يتعذب في بعدك عنـه ..

مـسك كلامة لمس قلبهـا.. شايفة ندمة ومتأكدة من أحساسه بـالذنب .. بس هل ده كفيل انها تسامحه؟

أكيد لا .. اللي عمله مش قليل حتى ولو كان اتخدع بسبب أخته .. بس في الاخر سمح للي يسوى واللي مايسوى يخوض في سمعتها وشرافهـا .. أخوها كان هـ يتقتل بسبب غلطته ..

ياترى لو رجعت ليه هـ تقدر تنسه اللي عمله؟ ولا غلطته هـ تفضل عقبـه بينهم؟

هي بتحبه متقدرش تنكر ده بس الأكيد الحب مش كل حاجة .. يمكن هي بتحسبها بعقلهـا وراكنه قلبها .. بس دا الصح

مـسك اتنهدت تنهيدة طويلـة هـ تقوله قرارهـا اللي أكيد مش هـ يعجبه

مـسك: انا قررت يا رحيـم أننـا ...

_تؤتؤ شكلي جيت في وقت غيـر مناسب وقاطعت المشهد الرومانسي ده!

رحيـم بـص يشوف مين .. ملامحة اترسم فيها الغضب والنفور أول ما شاف "سهـر"

سهـر بعد ما كانت جايـة لـ رحـيم وهي سعيدة أنهـا هـ تقدر تجبره يتجوزهـا ودا مقابل انها متفضحش أخته بالنسخ التانية للصور المفبركة اللي معاها .. بس أتصدمت لما لقت "مـسك" موجودة ومش بس كده لا .. دي سمعت كلام رحيم ونظراته لـ "مـسك" .. الحقد والكره كبر أكتر في قلبها سواء على "مـسك" او حتي "رحيم" ..