يكبرني سنا

-تغير-

مرت اربع سنوات من يوم اجت وصارت بنيتي...
فكرت هواي وقررت قرار....
بنيتي دتكبر والمكان مايساعنه فلازم اشوفلي بيت قريب عله اهلي حته متبقه وحدها...
ساعدني صديقي بهالشي ولكيت بيت زغير عله كدنه انه وبنتي....
جهزته كله وخليتها تختار كلشي عله ذوقها لان مقبلت ننتقل لبيت جديد بصعوبه قنعتها وكتلها راح تختار كلشي عله ذوقها...

امي من شافتني جاي اجهز بيت وحدي بلشت تلح عليه عله موضوع الزواج.... وضلت تقترح عليه بنات من اقاربنه.... ماجنت افكر بالزواج حاليا لان احس بعد وقت ارتبط...
واذا افكر ازوج لازم اشوف بنيه تكون ام لبنتي ماريدها تاذيها او تعاملها معامله قاسيه....

واخيرا انتقلت لبيتي... صح واجهت صعوبه وي غيوم بسبب التغير اول اسبوع كانت متقبل تنام بغرفتها اله يمي.... بس بعد ماتعودت عله المكان بلشت تتعامل بطبيعيه وتعودت تنام لحالها...

قوت علاقتي بهواي ناس وغيرت شغلي اكثر من مره وصارت عندي مشاغل هواي خلتني ابتعد شويه عنها بس رهف اختي كانت قريبه الها بحكم هنه بنات وبنيتي كبرت وصارت تتقرب لرهف اكثر... بس هالشي مااثر بعلاقتي بيها...

جان كلشي يصير وياها تجي تكوله الي... ماجان اكو سر بينه... جانت تسولفلي بعفويه كلشي وبقمت البرائه والطفوليه...
ضلت والدتي تلح عله زواجي فقررت اريحها واوافق فكلتلها تشوفلي بنيه بس عندي شرط واحد....
شرطي تقبل ببنيتي وتصيرلها ام حقيقيه...

بس كل مره امي تختار بنت تعترض عله وجود بنتي.... اما تعترض عله وجودها... اما تعرتض عله تواجدها ويانه بالبيت... او تشرط انو متدخل وتنعزل عنه....

من شفت تفكيرهن هيج شلت فكره الزواج نهائيا من بالي وكلت الوالدتي بعد لتفتح هالموضوع وياي بعد نهائي...

ضليت افكر بشغلي وبنتي وبس.... عاحبتني حياتي هادئه...

ملاحظه/ الاحداث الجايه راح تدخل البطله وتتكلم من وجهت نضرها....

-غيوم-
وعيت ع الدنيه وانه غريبه ماذكر شي من طفولتي...
اول مابلشت افهم لكيت بابا كرار ماحسسني باي غربه ولا حسسني اني مختلفه عنهم جنت بنته وهو ابويه....

تعلمت كلشي عله ايده... جان يهتم بادق تفاصيلي...
محسسني بنقص ولا يوم خلاني احتاج لغيره...
اهتمامه بيه خلاني اعيش احلا ايام طفولتي وياه باباتي هو كل حياتي....
ورهف احبها لان تفهمني وقريبه الي حيل طيبه وياي...
مجنت اشوف غير بابا كرار بحياتي...
مجنت اتوقع راح يجي يوم انكسر بي وهو موجود...

اسوء يوم مر عليه ماكدر انساه ولا راح يطلع من بالي...
اجه جدو ابو كرار وكالي اجهز نفسي حنروح مشوار... ضل يسولف وي بابا كرار بس بابا حيل عصبي صار... ومقبل نروح وي جدو... اني سمعت صوتهم عالي ونقاش جان كلش قوي بس جدو كدر يقنع بابا حته نروح...