يكبرني سنا

-روتين-

-كرار-

بقينه انه وبنيتي حبيبتي يوميه نتراسل ونتكلم بالتلفون لحد مانام... رغم هيه يمي وبنفس البيت ومايفصلنه غير هذا الجدار...

جنه نتصرف طبيعي كلش.... بالنهار وكدام اهلي علاقتنه كلش طبيعيه  ....

لمن نكون بالبيت نكعد ونسولف كاب وبنته بس من نروح كلمن لغرفته يبدي العشك والكلام الحلو..

نرات ماتحمل ابقه بالبيت اطلع بسيارتي اراسلها ...
اخاف عليها لا تجي يمي او انا افقد سيطرتي علن نفسي وروح عليها ...

جاي اعيش ايام عمري ماعشتها واحساس ماجنت اعرفه قبل .... مستغرب من نفسي شنو من كلام ومشاعر عندي ...

اخذتني لعالم غير هذا عالمنه ...

احبها... زغيرونتي... اموت عله كلشي بيها....
طفوليتها واسوالفها....

بنيتي ورقه بيضه متعرف تتغزل ...
تعلمت العشك مني تعلمت تعبر عن حبها نفس طريقتي....

احلا شي بيها ماتتردد من تريد تسال عن شي حته لو كان هالشي يخجلها...

احسها ماتريد تلجاء لاحد غيري....
هالشي يجني....

بقينه عله هاي الحاله والروتين لمده اسبوعين...
حسيت بعد ماتقبل هالوضعيه لازم اكول لاهلي واخذها...

حجيت وي رهف حته تكون وي غيوم وتساندها خاف محد يتقبل الموضوع فلازم احد يكون وياها...

من دره والدي بالموضوع تعارك وياي عركه جبيره...
اخذها مني وخلها يمهم حته ماتكون عندي وامي ضلت تبجي عله حالي لان من اخذها مني اني وكعت وتاذيت حيل....

امي حاولت تقنع ابوي بس ماقبل يتفاهم بالموضوع ...
بنتي تخابرني تبجي ومشتافتلي وخايفه....
وانه انهاريت كلششش شهرين وانه ماشايفها هملت حالي وشغلي...

بعد شهرين دز عليه ابوي .. رحت له لكيت ناس يمه...

شفت عمها الجبير موجود... وشباب اول مره اشوفهم.. سلمت عليهم ودخلت شفت امي لكيتها بالمطبخ وجانت بنيتي يم رهف شافتني اجت ركض عليه....

حضنتها كل قوتي وشلتها وشميتها وضليت حاضنها وهيه تبجي اني احس حيلي انهد... سمععت صوت امي رحت عليها اخذت الضيافه ورحت يم ابوي...

كالي ابوي ( اكيد تعرف ابو امجد عم غيوم ) ... كتله ( اي اكيد اتشرف بي)..
هنا كالي ابوي (اليوم جاي يريد ياخذها وياه لان جدها الي جان معارض وجودها اتوفه الله يرحمه وهسه جايين ياخذوها ولازم ننطيك علم لان انت ابوها الي ربيتها).... انه اهنا احس انضربت طلقه بنص كلبي...

كتله ( شنو وليش باخذوها هسه ذكرو عدهم بنت شكد توسلنه الهم لمده عشر سنوات وكنالهم هاي بتكم ومن الباب يطردونه هسه ذكروها)...

فقدت وضليت احجي بعصبيه... بعدين درت لعمها وكتله( شذكركم بيها هسه وليش اجيتو بعد ماكبرت وصارت شابه تردون تاذوها... ذيج المره الله ستر وسبوع كامل هيه تتعالج من المرض بسببكم هالمره تردون تكتلوها)....

ابوي صاح عليه حيل حته اسكت... كالي( اهلها وجاين ياخذوها همه حرين)... عله صوتي اول مره عله ابوي ( انه ابوها ومالهم حق ربيتها عمر كامل انه المسؤل عنها)...

حجه عمها بهدوء ( اهدء بويه احنه ماجايين حته نسوي مشكله بس جان عدنه الوالد الله يرحمه ماقابل يعترف بيها ومن توفه كلنه مايصير يبقه عرضنه عد الغرب... احنه اهلها بويه ونريد بتنه صح انت ربيتها بس مايصير تبقه عندك)....
.
كعدت يم ابوي وكتله( اهلها انتو وهسه خفتو عله عرضكم عاشت وياي عمرها كله محد تقربلها او سمعها حجايه هاي بنتي اخاف عليها من الهوه الطاير ... انه معترض لان خايف عليها منكم شلون انطيها الكم وهيه ماتعرفكم اساسا انتو بالنسبه الها ناس غربه)...

التفتت لابوي واحس نار تطلع من عيوني وكتله( خليتها عندك حته تنطيها لناس غربه ليش بويه تريد تكسر ضهري)....

صار النقاش حاد وقوي كلش اختنكت كلش...

طلعت من يمهم ورحت يم امي خليت راسي بحظنها وبحيت روحي كلها بحضنها....

امي كالت عيب عايفهم وجاي هنا رحت يمهم وكعدت بس احس روحي تريد تطلع مني من شافني ابوي...
كام واجه يمي وكال ( حلينها ومايكون خاطرك اله طيب).... حجه عم غيوم وكال( بويه اذا انت متاذي وخايف هيج عليها انه اكول نطلب ايدها منك لابني الجبير امجد حته تكون متطمن اكثر)...

شنو هذا شيحجي شيكول هذا السمعته صح لو اتخبل..

شبيهم ذوله يردون يموتوني ..

شفت ابوي موافق عله الفكره انه هنا الدنيه ضلمت بعيني وردت احجي ماكدر....

الكلمات ماتطلع من حنجرتي ضليت بس اباوع عليهم....
ماعرف شنو اكول تفكيري مشووش ... مجرد انو اتخيلها تروح لغيري هذا الاحساس يذذذبح..

ليش هيج ابوي يسوي بيه ليش ...

ليش متفقين عليه يموتوني ...

ياخذون بت كلبي مستحيل ماخليهم ...

حجه عمها وترخص حته يرحون ويتركنه نفكر بالموضوع ...

بعد ماطلعو اجه ابوي عليه حته يحاول يقنعني انه بس صافن ابوجه وماحرك ساكن ...

استغرب مني لان ساكت ...
طلعت من البيت ورحت مادري ضليت امشي بالشارع...

ماريد ارجع لبيتي وحدي اختنك...
وماريد ارجع يم اهلي ...

رحت ع الشط كعدت وضليت ادخن...

.
.

.
.
.

شنو رايكم بالبارت صح قصير بس احتاج مقترحات منكم ساعدوني
فوديتكم😘😘