يكبرني سنا

-احداث-

-كرار-

اجاني خبر من ولد وياي بالشغل... لازم اسافر لغير محافضه حته اكمل كم شغله وارجع...

خليت غيوم يم اهلي وكتلها ماتاخر بس لازم اسافر علمود الشغل...

خليتها وسافرت بس بالي كله يمها ضل... وطول الطريق من رحت احجي وياها وصيتها عله روحها هواي...
طولت بالسفر يومين لان كان اكو كم شغله عطلتني ومكدرت اكمل شغلي وارجع بسرعه....

حيل اشتاقيت لبنيتي بشكل مو طبيعي...
اول مارجعت ردت اشوفها واشم ريحتها حيل عطشان عليها...
سلمت عله اهلي بس هيه ماهيه ماجانت تدري اني جاي لان مكتلها يمته ارجع...
صعدت لكيتها نايمه ولابسه التشيرت مالتي... بدون شعور رحت عليها وحظنتها وخليت راسي يمها ونمت من التعب...

ثاني يوم....

كعدت عله بوساتها وحضناتها وهيه فرحانه كلش لان لكتني كبالها....
حضنتها وكتلها...(ليش انتي وكحه مو شايفتني نايم ليش تكعديني) وياريتني ماكايل هيج اتموتني من تمد حليكها وتصير جنها بزونه بريئه... بستها من خدها وطلب تكلهم يجهزولي اي شي اكله لان جوعان...
جهزت روحي ونزلت اكليت وهيه يمي تصافنه عليه ماتحركت من مكانها وين ماروح تجي وراي وضلت يمي طول الوقت كتلها تروح تدرس وتسمع الكلام وتصير حبابه....

بالليل رجعنه البيتنه اني وياها وماخلصت من العتب لان تاخرت بالسفر....
بس من كتلها راح ابقه كاعد وياها وماروح لشغل هاي الايام فرحت ورضت بسرعه.... فديتها ابنيتي ترضه بسرعه....

بعد كم يوم عيد ميلادها راح تدخل عمر ال16 سنه ونكمل 10 سنوات سوه هيه بنتي واني ابوها ...

ضلينه نجهز لميلادها انه ورهف وخططت نحتفل وكان شي كلش حلو وكضينه وقت ماينسه ابد...
الكل عايدها واني هديتها تلفون جديد...

بنهايه اليوم طلبت مني نسهر عله فيلم حلو لان باجر معدها دوام واني هم معندي شغل... هيه تخاف من افلام الرعب والاكشن لان بيها قتل ودم...

فختاريت فيلم حلو بسيط.. وظلينه سهرانين عليه انه وياها... كان عباره عن قصه حب..
سالتني شنو الحب وشلون الشخص يعرف نفسه يحب وشنو يسوي الحبيبه... وكل ما يصير شي بالفيلم تسالني عنه....

كنت اجاوبها اجوبه عقلانيه واقعيه.. اعرف بنتي واعيه وماريددها توكع بحب شخص مايستاهلها فجنت حريص بكلماتي وياها...

حسيتها اخذت الامر بجديه وضلن تسال اكثر واكثر ....

خلص الفيلم ورحنه نمنه لان هيه نعست كلش وتقريبا غقت بحضني....

رحت اني همات لغرفتي ونمت.....

-غيوم-

سافر باباتي وحيل حسيت بفراغ من دونه وضجت لان خلاني وراح وحده... بس ادري جان عنده شغل وميكدر يلغي ويبقه...