جعلتني أسير عيناها👁👁♥️قيد التعديل

الفصل السابع عشر 🌚🥀

🌸🌈 ‏"أرجو من الله أن لا تتوالى عليّ الأيام بغير فائدة وأن لا أدور حول ذاتي ولا أجدها وأن لا أيأس فأغلق قلبي على جرحٍ لم يبرأ، ألهمني يالله الرشد واليسر ولا تعسر لي أمرًا ولا تجعلني أتخبط في قلقي المستمر وأن لا تظل محاولاتي بلا جدوى".🌈🌸
~~~~~~~~~~~~~~~~~~~~~~~~~~~~~~~~
سما: علي اجهز يلا عشان رايحين عند ماما
علي: بس بكره التلات!
سما: اصل ليل اهلو عازمينا عندهم علي الغداء عايزين يشوفوك و يتعرفوً علي اهلك
علي: اللهي ربنا يكرمك يا ليل هو لحق يقولهم
سما: اخلص يعم
في فيلا عبد السلام:-
كان يسود البهجه و الفرحه علي وجوه الجميع حتي الخادمات ف دائما ما كانت لينا هي الاحن عليهم اكثر من الجميع و هي الألطف و الجميع فرح لها فالجميع يحب لينا و يحضرون لها المنزل بحب صادق نابع من قلوبهم
نيره هانم: جهزو أنواع كتيره من الاكل و انتو رتبوا السفره و انتو زينو الصالون عايزه اليوم يكون احلي يوم
الخادمين: حاضر يا هانم ده ست لينا دي في عنينا اصلا و محدش مش بيحبها فينا
عند سما و علي:-
انتهي علي من تحضير نفسه و ركبو السيارة بعد ساعه و نصف تقريبا وصلو الي منزل والدتهم
زينب: وحشتوني يا حبايب قلبي
سما: احنا كنّا لسه عندك لحقنا نوحشك
زينب: انتو بتوحشوني في كل ثانيه يا حبايبي
علي: ست الحبايب يا حبيبه تيرارارا وحشتيني يا زوزو
زينب: مش حتبطل هبل بقا و تكبر
علي: منا كبرت فعلا و جايلك عشان حخطب
زينب: بجد و متقولوليش يا جزم
علي: هي قصه طويله جت علي السريع كده
زينب : قصه طويل و جت علي السريع! انت حتجنني يولا
علي بضحك : اسف يا ماما
زينب : ومين تعيسه الحظ دي قصدي سعيده الحظ
علي: عيب عليكي يا ماما هي اكيد سعيده الحظ و هي زميلتي في الجامعه و اسمها لينا
سما: يلا بقا يا ماما اجهزي عشان هما عازمينا علي الغداء و احنا كده حنتأخر
زينب: يااااه ده اسعد يوم في حياتي ثواني حجهز
بعدما غادرت زينب قالت سما الي علي
سما: والله ماما دي طيبه اوي كانت زعلانه مننا عشان مقولتلهاش و دلوقتي حتموت من الفرحه ليك ربنا يخليهالنا و ميحرمناش منها ابدا ♥️
علي: عندك حق... يا رب
انتهت زينب من ارتداء ملابسها و خرجت الي ابنائها
زينب: ها ايه رأيكو
سما: ايه الجمال ده ده انتي حتغلبي العروسه
علي: ايه الجمال ده يا زوزو ده انتي حتتخطبي مننا بقا
زينب: بس يا بكاش😂
سما: طب يلا
ركب الجميع في السيارة و انطلق السائق و توجه الي القاهره في هذه الاثناء في بيت عبد السلام كان الجميع أنتهي من تزيين المنزل و كان المنزل شديد الجمال و كانت السفره مليئه بأنواع كثيره من الطعام و كانت لينا تحضر نفسها و هي في غايه التوتر و لكن لما ؟! ف ماذا ستفعل في يوم خطوبتها و يوم عرسها😂 ام ذلك الفرحه لن تتم؟! يا تري ما الذي يخبئه القدر !
انتهت نيره هانم من ملابسها و كانت في غايه الجمال و انتهي عبد السلام ايضا من ملابسه التي جعلته اكثر وقارا اما ليل ف ارتدي بدلته السوداء الذي اشتراها من ألمانيا في اخر صفقه له و اشتراها من نفس المحل الذي اشترت منه سما فستان لؤلؤي الذي سترتديه اليوم و كان ليل في غايه الوسامه اما لينا ف انتهت من ملابسها و كانت جميله بمعني الكلمهً و لكنها متوتره حقا و جلست في غرفتها رغم انتهائها من ملابسها
لينا:اللهي تنستري يا داده فتحيه متسيبيني
داده فتحيه بابتسامه صافيه: انا عارفه انك قلقانه وكلنا حصلنا كده مش انتي بس مع انك كنتو بتشوفو بعض عادي في الجامعه انتي بس قولي سوره يس وانتي حتحسي براحه و التوتر حيتشال
لينا: كلامك ريحني اوي يا داده
و عندها دخل ليل علي غرفه لينا بعدما استأذن
لينا: ليل قولي اَي حاجه تريحني
ليل: اَي حاجه تريحني
لينا: ليل بطل رزاله و قول
ليل بضحك: طب منا قولت
لينا: ليللللللل
ليل بضحك شديد علي منظرها : خلاص خلاص تعرفي يا لينا
لينا: ها
ليل: ان في عيلتين كبار حيتجمعو و كلام كبير حيتقال عشان واحده تافهه زيك
لينا: امشي اطلع بره يا ليل عشان مقلبهاش عزاء
و هنا رن الجرس معلنا قدوم سما و علي و زينب و فتحت لهم نيره هانم و هي علي وجهها ابتسامه بشوشه و جاء عبد السلام و ليل و بعد السلام جلس الجميع في الصالون
نيره هانم : داده فتحيه معلش ينفع تجيبي لينا
داده فتحيه : حاضر من عيوني
و ذهبت داده فتحيه الي غرفه لينا و بعد الكثير من المحايلات😂 خرجت لينا و توجهت الي الصالون و دلفت الصالون و سلمت علي الجميع و جلست بجانب ليل الذي كان مواجه لسما و علي
عبد السلام: علي احنا مش بمطالبك بحاجه غير انك تسعد بنتنا و متجبرهاش علي حاجه و تخليها تكمل تعليمها و تشتغل
علي: يا عمي انا ححاول بأقصى بجهدي اني أسعدها و احاول أعيشها في المستوي الي هي اتعودت عليه و أوعدك اني عمري محجبرها علي حاجه و كل حاجه هي عايزاها حناقشها و نعملها بالتفاهم بإذن الله
عبد السلام: انا ارتحتلك يبني انت و عيلتك الكريمه و ربنا شاهد
نيره هانم: اتفضلي يا زينب هانم علي السفره اتفضلو كلكو الغدا جاهز
زينب : احنا خلاص حنبقي اهل مفيش هانم و لا نيله
ضحك الجميع و توجهوا الي السفره و تناول الجميع الطعام وسط اجواء الحب و الموده و الاسئله بين الطرفيين حتي انتهو من طعامهم و جلسو يحتسون الشاي و يتحدثون في مواضيع شتي حتي سرقهم الوقت و عندها قالت زينب
زينب: معلش الوقت أتأخر لازم نمشي و نشوفكو وقت تاني ان شاء الله
نيره هانم: والله قعدتكن حلوه نشوفكو كتير ان شاء الله
بعد السلام بين الجميع وقف علي و لينا علي المدخل
علي: سلام يا ام ادم😂
لينا: سلام يا ابو ادم😂
و عندها سمعوا صوت صريخ ليل و هو يقول
ليل: سمااااااااااا..!
~~~~~~~~~~~~~~~~~~~~~~~~~~~~~~
لا لا يا جماعه مفيش اطول من كده ييجي الف كلمه و لا حاجه بعوضكو عن الجمعه الي فاتت و كمان عشان الدنيا ملغبطه معايا و عندي امتحانات علي الشهر الجاي و حاجه قمر كده ف ممكن منزلش ف حاولت انزل اهو و عشان امبارح عيد الام ف Happy Mother's Day لكل ام تعبت و سهرت و استحملت كتير عشانا عشان كده حنفرحها صح انا فرحت جدا لما لقيت ناس منكو وروني الهدايا الي عملتوها لها و الااحتفتلات و بعتوهالي انستا حرفيا فرحت جدا و لو حد عمل و عايز بوريني يبعتلي انستا اللينك في البايو وشكرا لكل الي سأل عن غيبتي بجد بحبكو و انتو فعلا عيلتي الصغيره♥️🥰😍
يلا دمتم في حفظ الله🌝♥️
Yoya Ashmawy ✨