ماذا فعلت ياابي

1

ماذا فعلت ياابي 🧡

لااا مستحيل لالا انتم شن تقولو يعني انتم كنتو تضحكو اعليا كل ه السنين ههه ليش هكي درتو ااء ليش....

قبل سنين في احدى مناطق طرابلس
:الو يا###
:اهلين اهلين
:كيف حالك استاذ ##
:بخير الحمدلله كيف حالك انت
:كويسين اسمع نبي نسلمك امانه
:امانه!!
:اي جايك في الليل
:تم

: بصوت داهش :وصلاتك الامانه
:😦😦 اي اي
:اهااا ااااه
:الوو الوو شن صارلك الوووو 😧😧
:بنموت
وتسكر الخط

في الوقت الحاضر
حليمه:  هيا نوضي انتي وياها
قمر: ها ياامي
حليمه :نووضي ياابنت
دنيا: خلاص نضنا نضنا
حليمه:  بنمشي للكوجينه ومانبيش نولي ونلقاكم راقدين
دنيا: باهي حاضر
طلعت حليمه من الدار
دنيا: نووضي ياقمر ياحصله انتي التانيه تقول اعليك ميته وقار ياوقار
وقار: دنيا يمكن تسكتي
دنيا: وين ساره
ناضت قمر:عندها جامعه
دنيا : اي صح هيا نوضي قبل ماتجي امي
وقار:  اطلعي انتي وياها وهدرزو برا
دنيا:  اني شن دخلي انتم ماتمشوش الا بالهزايب وطلعت وسكرت الباب
حليمه:  وينهم العزره قاعدين مافقوش
دنيا: قمر فاقت وقار تعيط بس

وقار #
اففف توا امي بتجي وبتصدعلي راسي نوضي نوضي نوض باقدري خير نضت القيت قمر جابده الصلايه وتصلي خديت تالفوني من تحت المخده القيت الساعه 10 حي حي صوت امي نضت واقفه طلعت وخشيت للحمام وتوضيت وصليت وقعمزنا نفطرو
:ساره وين
حليمه : عندها جامعه اليوم
وقار اها باهي كويس

الشخصيات 🌻🌻
حليمه ام لي اربعه بنات راجلها احمد
اسماء البنات سارة 27 دنيا 25قمر. 20وقار 18سنه
عمتهم هدى عندها زوز بنات وزوز ولاد نصيب وندى نبيل ونهاد
عمهم ومرته متوفيين وعندهم بنت اسمها حنان اسم الجده ميساء

حوش احمد
الساعه 9:00 مساءً
وقار:  واقفه ع الروشن وتتفرج وسارحه
دنيا :وقار جيبيلي شنطي بجنبك
وقار :^^
دنياا:وقااار
وقار ^
دنيا : وققاااار
وقار:تي خيرك تعيطي
دنيا:وين كنتي سارحه
وقار: نفكر ياريته عندنا جيران مش حلو ماعندكش جيران
دنيا: هكي احسن وبعدين امك ماتبيناش نمشولهم اهو عندنا خالتي حدهم
وقار: اي صح وشن كنتي تبيني ليش تنادي فيا
دنيا: جيبيلي شنطي
مدتلها وقار الشنطه وطلع للدار التانيه وهيا تفكر ليش سيبها هكي "يعني هوا قالي نتعرفو بس ليش هكي اختفي مافهمتش 🤔 انشاء الله خير وخلاص " وقار وهيا تفكر في حمزة ليش بعد ماقاللها نعجبت بيك ونبي نتعرف اعليك اختفي وتالفونها سكره قطع اعلها بوها وهوا يقول
وقااار تعالي تعشي
وقار: حاضر هي اني جايه
ع سفرة العشي
وقار: بابا نبي ناخد تالفون تاني هدا كرهته
احمد: يابابا انتي تشبحي في الوضع كيف لما ينزل المرتب حاضر نشريلك باهي
وقار كتت وطبست راسها تاكل لان هادي المره المليون الي تقوله هكي ويرد اعلها نفس الرد
.
.
.
.
.
.
.
.
رواية. جديده من وحي خيالي انشاء الله تعجبكم
يتبع