سارة: هاتي الورقه
حنان: ديري بالك اعلها راهو فها محظرات
سارة: باهي وهي نبدو نكتبو الاسامي
حنان ندى قمر نصيب وقار دنيا سارة
حنان: اني اول وحده كتبتني
سارة: اي انتي اعليك الحلو
حنان: شنننني حلو شني اني مانعرف نطيب كيكه عاديه
تبيني نطيب حلو
سارة: بااهي خلااص اسكتي
ندى: اني الحلو
سارة: باهي وحنان الحار
حنان: اي هكي باهي
سارة:قمر عصير فرش
قمر : اوكي
سارة: دنيا غسل الماعين بعد الترند
وقار : اي واني
سارة: كان تسكتي تحجي انتي اعليك التنضيم والديكور متع
الخيمه
حنان: نعم قصدك هادي بدير الديكور
وقار: اي وشني مش عاجبك
حنان: مش عاجبني بكل
نصيب: ايااااه اعلينا واللهي هادم الزوز بيلبزو كل شي
دنيا: اسمعو من توا كان بيضير فها المشاكل وعياط والتلقيح اني
ننسحب
قمر: غير اسكتو انتيروياها وقار بتنضم وبدير الخيمه حنان
لو معجبتكش حاجه بعدين تكلمي
ندى: اي واللهي وقار تعرف تزين وعندها في الجو
سارة: شن قولتي ياحنان
حنان: شقلبت اعيونها باهي
سارة: وانتي ياوقار لو في حاجه ماعجبتناش بتغيرها
وقار: واللهي غير خاطر في الترند كان هدا مانمس معاكم حاجه
سارة: خلاص يعني موافقه
خلي نعاود الجدول
حنان الحار
ندى الحلو
قمر عصير فرش
دنيا غسل الماعين بعد الاكل
نصيب انتي ساعدي وقار
حنان&دنيا&ندى:وحضرة جنابك شن بديري
سارة: اني بنشرف اعليكم
نصيب: قصدها بتفلفس اعلينا
سارة: 🤣 لا يعن..
حنان: انتي توا بديري دوره ع الحوش وبعد ماتم الحوسه انتي بتنضمي الدار وبتكنسها وبتلمعها
سارة: هدا كله
حنان: اي
سارة: اففف باهي موافقه
ندى : هيا نوضو
وكل وحده بدت دير في حاجه
حنان بدت دير في طاجين يوناني
وندى طلع في مكونات الكيكات
وقمر حتى هيا طلعت كيسه ورفعتها للجان وبدت تاخد في الفواكه
دنيا مقعمزه وشاده الهاتف
حنان: ندى كلمي خوك في حجات ناقصه نبوها
سارة: شن هيا الحجات الي ناقصه
حنان: اول شي نبو بطاطه وسمينسا ومكسرات ومرشميلو وميلكا وهدكم الي مدورات ومطسين في الشكلاطه ونبو خبزة همبورجا اصبري خلي نفكر
سارة 😳😳 هدا كله بيجيبه
حنان: اي عادي يقسمو نبيل ونهاد
سارة: 🤦🏻♀️🤦🏻♀️
ندى: ماتعبوش اعليا نكلمه مش هايجيب شي
سارة: خلاص اني توا نكلمهم واللهي مهماتي اني اكبر من الي ديرو في انتم
حنان: هههه سلمها الناشطه
مشت سارة وبعد جهد جهيد بش وافقو يجبو الي طلبوه ورجعت وبدت ظم في الحوش
اما نصيب ووقار كانو راسهم في راس بعض ويهدرزو
قمر: وقار حبي
وقار: انعم
قمر: في طريقة متع جيلاطي باللهي دورها في تالفوني وجيبيهالي
وقار: باهي
قمر: اهو تالفوني في الشنطه
حنان: قمر وسارة اركبو لي حوشي ونضكو اموركم لان زحمه اهني ومعاش لاقيه وين نحط يدي
قمر: عينك اركبي انتي وسارة واني نقعد مع ندى
سارة :اي صح اصلا مانحبش نخش لي حوش مولاته مش موجوده 😌
حنان: ياااي قيمي الطواجين معاي
ركبو سارة وحنان وقعدت ندى وقمر شوية يطيبو وهلبا يهدرزو
دنيا: ربي يعاون
ندى&قمر: سلمك
دنيا: نبو لابتوب نحطو في فيلم
ندى : نصيب يمكن جايبه معها لابتوبها بري شوفها
دنياا: اييي انشاء الله جباته
وطلعت تجري للي نصيب
احمد: وين البنات معاش سمعت صوتهم
هدى: امبكري جت سارة نادت ع نبيل ونهاد وبعدها طلعو
احمد: سارة طلعت معهم
هدى :لالا الاولد طلعو
ميساء: تلقيهم مقعمزين وشادين الخارب متعهم
هدى: هههه
دنيا: نصيب انتي شوفي فيلم حلو واني بنرفع الشاهي للي برا
نصيب: تمام
وقار: حطيلنا فيلم Five feet apart
نصيب: شبحت اعليه فيديوات مركبين اعليهم اغاني متع البنت المريضه ولا الي حاطه حاجه تحت خشمها
وقار: ايوااهو يقتل ةعها ولد تاني
نصيب اي خلي ندور اعليه ونزله
ميساء: اهو جت بنتي
دنيا: ههه تفضلي حنينه
ميساء:صحيتي بنتي
دنيا: خودي بشكطي
ميساء:لالا يابنتي في الشكلاطه نخاف من السكر
دنياء:اها تمام ومشت كملت فرقت ووصلت في
:تفضل بابا
احمد خدي الطاسه متع الشاهي وقلبه وجعه وطاحت الطاسه
دنيا: حي بابا خيرك
احمد: شي يابنتي شي
ميساء: جيبي قيمي المرش يابنتي
دنيا: شبحت لي بوها بعد ماجاها نفس شعور الخوف ومشت
.
.
.
يتبع
أنت تقرأ
ماذا فعلت ياابي
Mystery / Thrillerرواية باللهجه الليبيه ومن وحي خيالي تحكي ع بنت كانت عايشه حياة طبيعيه وبعدها تنقلب حياتها وتعرف الحقيقه انشاء الله تعجبتكم ❤️
